KORONAVİRUSA YOLUXANLARIN SAYI - CANLI STATİSTİKA

Azərbaycanlı boksçu ermənini məğlub edərək "WBA Continental" tituluna sahib çıxıb

Azərbaycanlı boksçu ermənini məğlub edərək
01:15
21.04.2019
4214
İdman
A
Azərbaycan əsilli boksçu Elnur Səmədov Moskva şəhərində keçirilən WBA Continental titulu uğrunda döyüşdə əslən erməni idmançı Ayka Şaxnazaryanı məğlub edib.

"Ölkə.Az" report-a istinadən bildirir ki, 9 raund davam edən döyüş Azərbaycan idmançısının aşkar üstünlüyü şəraitində keçib.

Elnur Səmədov 9-cu raundda ermənistanlı boksçunun görüşü davam etdirə bilməyəcəyini bildirməsindən sonra, hakimlərin yekdil qərarı ilə "WBA Continental" tituluna layiq görülüb.

Görüşdən sonra çoxsaylı bədən xəsarətləri alan Ayka Şahnazaryana tibbi yardım göstərilib.

Yarış Floyd Meyveyzer Boks Akademiyasının təşkilatçılığı ilə baş tutub.

Ölkə.Az

ŞƏRH YAZ
0

"Qarabağ"ın ilk transferi kolumbiyalı oldu

12:37
Bu gün
425
İdman
A


"Qarabağ" ilk transferini həyata keçirib.

"Ölkə.Az" azerisport.com-a istinadən xəbər verir ki, Ağdam təmsilçisi kolumbiyalı mərkəz müdafiəçisi Kevin Medina ilə anlaşıb.

27 yaşlı stopperin son klubu Portuqaliya təmsilçisi "Deportivu Şaviş" olub.

Müqavilənin detalları açıqlanmasa da, Madina artıq Ağdam komandasının futbolçusu sayılır.

Qeyd edək ki, Medina əvvəllər Portuqaliyanın "Naval", "Mura", "Sintrens", "Pinalnovens" və "Akademika Viseu" klublarında çıxış edib.
 

ŞƏRH YAZ
0

Nadir Qasımov: “Koronavirusun mənə kimdən keçdiyini bilmədim”

Nadir Qasımov: “Koronavirusun mənə kimdən keçdiyini bilmədim”
15:29
05.06.2020
901
İdman
A
“Hazırda Mərkəzi Neftçilər Xəstəxanasındayam. Koronavirusa yoluxmağım doğru xəbərdir. Dörd-beş gündür ki, buradayam”.

"Ölkə.Az" xəbər veir ki, bunu Oxu.Az-a Azərbaycanın tanınmış məşqçilərindən olan Nadir Qasımov deyib.

İyunun 27-də yubileyini – 70 yaşını qeyd edəcək N.Qasımov koronavirusa hansı şəraitdə yoluxduğunu bilmədiyini qeyd edib:

“Mən NZS qəsəbəsində yaşayıram. Evimin qabağında 200 metrlik boş zona var. Ayaqlarım keyiməsin deyə, hər gün axşam saat 9-dan sonra çıxıb gəzirdim, 5-6 dövrə vururdum. Gəzəndə də çalışırdım ki, heç kimlə ünsiyyət qurmayım, təmasda olmayım. Başa düşürdüm ki, kiminləsə ünsiyyətə girsəm, koronavirusa yoluxa bilərəm. Amma nə qədər özümü qorusam da, virusun mənə kimdən keçdiyini bilmədim.

Birdən-birə hərarətim yüksəldi, özümü yaxşı hiss etmədim. Təcili yardıma zəng etdim. Gəlib test götürdülər. İki gündən sonra cavab gəldi ki, testin nəticəsi pozitiv çıxıb, koronavirusa yoluxmuşam. Xəstəxanaya gətirildim.

Həyat yoldaşımla birgə qalıram. O da test verdi. Onun testi neqativ çıxdı. Yalnız məndə pozitiv oldu”.

O, hazırkı durumunu da izah edib:

“Hərarətim 37 dərəcədən aşağı düşəndə normal oluram. Amma 37-dən yuxarı qalxanda təngnəfəslik yaranır.

Hazırda məni həkimlər, tibb bacıları nəzarətdə saxlayır, qayğıma qalırlar. Heç kimi yaxınıma buraxmırlar. AFFA-dan Ağasəlim Mircavadov zəng vurub hal-əhvalımla maraqlanıb. 7-8 gündən sonra məndən təkrar test götürüləcək”.

ŞƏRH YAZ
0
BAĞLA