Azərbaycanlı deputatdan Gürcüstan parlamentində Novruz təbriki
Gürcüstan parlamentinin deputatı Azər Süleymanov bu gün parlamentdə Novruz bayramı ilə bağlı çıxış edib.
Bu barədə məlumatı “Ölkə.Az”a diaspor üzrə araşdırmaçı jurnalist Elnur Eltürk verib.
Millət vəkili Azər Süleymanov parlamentdə çıxışına Novruz bayramı ilə başlayıb.
"Bu gün Novruz bayramıdır.Hər birinizə uğurlar,xoşbəxtçilik,firavanlıq arzulayıram. Bayramlarımız Rusiya tərəfindən işğal olunmuş ərazilərdə, Abxaziyada, Samaçabloda və Ermənistan tərəfindən işğal edilmiş Qarabağda keçirilməsini arzulayıram”,- deyə millət vəkili vurğulayıb.
Millət vəkili daha sonra Gürcüstan parlamentinin müdafiə və təhlükəsizlik komitəsinin sədri İrakli Sesiaşvilinin hərbi xidmətə dair qanun layihəsi ilə bağlı Gürcüstanın ədliyyə naziri Tea Tsulukianiyə suallar ünvanlayıb.
Ölkə.Az
