Azərbaycanlı futbol hakimindən insanlıq nümunəsi — FOTOLAR

Azərbaycanlı futbol hakimindən insanlıq nümunəsi
15:45
08.06.2018
7626
İdman
A
Keçmiş futbol hakimi Ceyhun Haşımov bir çoxlarına nümunə olacaq addım atıb.

 "Ölkə.Az"ın məlumatına görə, ədalət təmsilçisi yaşadığı qəsəbədə kirayədə qalan aztəmainatlı ailənin yaşadığı mənzili təmir edib və onlara maddi yardım göstərib. Hətta referi bununla bağlı sosial şəbəkədəki dostlarına da çağırış edib:

"Dostlar, ailənin bu evə köçməsi üçün müəyyən təmir işlərinə başlamışam. İşıq, qaz həll olunub, su maşınla gətiriləcək. Qapının açarı yox idi, o həll olundu, televizor məsələsi həllini tapdı, ərzaq da var.  Sizdən xahiş edirəm, kimdəsə lazımsız, köhnə soyuducu varsa, xeyir iş görmək istəyirsə, buyursun.  Allah yaxşı insanlardan razı olsun. Kim köməklik etmək istəsə, müraciət etsin yönləndirim".

Əməkdaşımız sözügedən məsələylə bağlı Ceyhun Haşımovun özü ilə əlaqə saxlayıb. 

"Qadın və iki övladıdır, həyat yoldaşı bir neçə ay öncə dünyasını dəyişib. Qardaşım və həyat yoldaşımla bu ailəyə bacardığımızı edirik. Əslində, bizim etdiyimiz insanlıq borcudur.  Bəzi işlər görülüb, indi evin şüşələrini kəsib düzəldəcəyəm. Fotoları da sosial şəbəkədə çağırış etmək üçün yaymışam".

P.S. Söhbətin sonunda C.Haşımov əməkdaşımızdan "xahiş edirəm, bu barədə yazmayın" deyərək, israr etsə də, hesab edirik ki, bu kimi addımlar mütləq şəkildə işıqlandırılmalıdır. Ümid edirik ki, C.Haşımov onun xahişini nəzərə almamağımızı anlayışla qarşılayacaq.

 

İntiqam VALEHOĞLU
Ölkə.Az

ŞƏRH YAZ
0

Voleybol üzrə Azərbaycan millisi İsveçi məğlub edib

Voleybol üzrə Azərbaycan millisi İsveçi məğlub edib
21:35
Bu gün
200
İdman
A
Voleybol üzrə kişilərdən ibarət Azərbaycan milli komandası 2019 Avropa çempionatının seçmə mərhələsində ilk oyununu keçirib.

"Ölkə.Az" Report-a istinadən xəbər verir ki, G qrupunda mübarizə aparan yığma İsveçlə üz-üzə gəlib.

Dərnəgül Voleybol Mərkəzində baş tutan qarşılaşma Azərbaycan millisinin əzmkar qələbəsi ilə başa çatıb - 3:2.

İlk iki setdə rəqibinə məğlub olan yığma növbəti üç setdə qələbə qazanıb. Bu nəticədən sonra Azərbaycan millisi aktivinə 2, İsveç isə 1 xal yazdırıb. 

Qeyd edək ki, Azərbaycan yığması növbəti oyununu avqustun 18-i səfərdə Lüksemburqa qarşı keçirəcək.

Avropa çempionatı seçmə mərhələsi, I tur

Azərbaycan - İsveç 3:2 (23:25,19:25, 26:24, 25:22, 15:10)

Ölkə.Az

ŞƏRH YAZ
0

Millimizdən tarixi qələbə — FOTO

Millimizdən tarixi qələbə
20:41
Bu gün
335
İdman
A
Kiyevdə keçirilən minifutbol üzrə Avropa çempionatında millimiz ilk qələbəsini qazanıb.

"Ölkə.Az" Oxu.Az-a istinadən xəbər verir ki, ilk iki oyunda uduzaraq növbəti mərhələ şansını itirmiş debütant millimiz qrupun autsayderi olan Türkiyə ilə qarşılaşıb.

Oyundan öncə komandalar qardaşlıq rəmzi olaraq birgə şəkil çəkdiriblər. Bundan sonra matça start verilib.

Millimizin üstünlüyü şəraitində keçən matçda komandamız 6:2 hesabı ilə qələbə qazanıb. 

Yığmamızdan qolları Asif Zeynalov (1-ci dəqiqə), Seymur Məmmədov (17, 18, 31), Vüsal İsayev (38) və Elvin Əlizadə (40) vurublar. Türklərdən isə qol müəllifi Kaan Çamkır (18, 27) olub.

Bununla da millimiz minifutbol üzrə Avropa çempionatında ilk qələbəsini qazanmaqla tarixə düşüb.

Qeyd edək ki, millimiz sabah Bakı vaxtı ilə saat 20:00-da qrupda sonuncu görüşünü keçirəcək. Rəqib Serbiya millisi olacaq.

Ölkə.Az

ŞƏRH YAZ
0
BAĞLA