Azərbaycanlı gəncin tennis topu ilə etdiyi hərəkətlər hər kəsi təəccübləndirdi — VİDEO

Azərbaycanlı gəncin tennis topu ilə etdiyi hərəkətlər hər kəsi təəccübləndirdi
19:33
20.04.2017
73
Ölkə
A
Azərbaycanlı, 21 yaşlı gənc Vaqif Fatehi tennis, basketbol topu və digər idman alətləri ilə etdiyi hərəkətləri videoya çəkərək sosial şəbəkələrdə paylaşıb və qısa vaxt ərzində məşhurlaşıb.

"Ölkə.Az" Xezerxeber.az-a istinadla məlumat verir ki, o, tennis topu ilə butulkanın qapağını açır. Təxminən 20 metrlik məsafədən atdığı topu səbətə salır.

Başqa bir hərəkəti isə daha da həyəcanlıdır. Əvvəlcə səhv etmədən ardıcıl 5 plastik qabın içinə tennis topunu atır. 6-cı atışda isə bütün plastik qablar bir-birinin içərisinə daxil olur.

Bu cür hərəkətlərdən bəhs edən videoları çəkərək sosial şəbəkələrdə paylaşan Vaqif Fatehi həm də tennisçidir. İdmana uşaqlıqdan həvəsi olan Vaqif deyir ki, onun bu məharəti internetdə izlədiyi bir video sayəsində üzə çıxıb.

Təkcə “Instagram”da 63 mindən çox izləyicisi olan gəncin ən çox diqqət çəkən videosu 15 milyondan çox izlənilib və əcnəbilərin də xeyli marağına səbəb olub.

Hələlik, bu məharətindən pul qazanmayan gənc deyir ki, əsas hədəfi gənclərdə idmana olan marağı artırmaqdır. O, bu bacarığı ilə istəyəndə heç nəyin mümkünsüz olmadığını göstərmək istəyir.

ŞƏRH YAZ
0

Zakir Həsənov şəhid əskərimizi “Şücaətə görə” medalı ilə təltif etdi

Zakir Həsənov şəhid əskərimizi “Şücaətə görə” medalı ilə təltif etdi
13:10
Bu gün
159
Ölkə
A
Azərbaycan-Ermənistan dövlət sərhədinin Naxçıvan Muxtar Respublikası sahəsində düşmən tərəfinin növbəti təxribatının qarşısını alarkən həlak olan Azərbaycan Ordusunun hərbi qulluqçusu Adil Əli oğlu Tatarov “Şücaətə görə” medalı ilə təltif olunub.

Müdafiə Nazirliyinin mətbuat xidmətindən "Ölkə.Az"a verilən məlumata görə, bununla bağlı müdafiə naziri, general-polkovnik Zakir Həsənov əmr imzalayıb.

Medal sabah Ağstafa rayonu Qıraq Kəsəmənli kəndində şəhidin ailəsinə təqdim olunacaq.

ŞƏRH YAZ
0

“7 aydır atamla əlaqə saxlaya bilmirik” — Dilqəm Əskərovun son durumundan xəbər yoxdur (VİDEO)

“7 aydır atamla əlaqə saxlaya bilmirik”
13:07
Bu gün
142
Ölkə
A
Erməni separatçılarının 4 ilə yaxındır girov saxladığı Dilqəm Əsgərovun oğlu Kürdoğlu Əsgərov ARB 24-ə açıqlama verib.

"Ölkə.Az" xəbər verir ki, o, bildirdi ki, atasından sonuncu məktubu 2017-ci il noyabrın 1-də alıb. Onun sözlərinə görə, Dilqəm Əsgərovun səhhətində ciddi problemlər yarandığından ailə üzvləri xəbər-ətər olmamasından çox narahatdırlar.

Kürdoğlu Əsgərov – Dilqəm Əsgərovun oğlu: “7 aydır atamla əlaqə saxlaya bilmirik. Əslində 3 aydan bir video görüntü gəlməlidir. Lakin nə video, nə də məktub var. Qırmızı xaç komitəsi isə bildirir ki, vəziyyəti normaldır. Onlara sual ünvanlayıram ki, o zaman, niyə video göndərmir. Onlar isə bildirir ki, özü istəmir”.

Kürdoğlu Əsgərovun sözlərinə görə, analoji vəziyyət artıq ikinci dəfədir təkrarlanır. Bundan əvvəl də atasından 7 ay xəbər olmayıb. Ötən il ATƏT-in Demokratik Təssisatlar və İnsan Haqları bürosunun Varşavada keçirilən illik zirvə toplantısında məsələ qaldırıldıqdan sonra Dilqəm Əsgərovdan məktub alınıb.

Kəlbəcərdə yaxınlarının məzarını ziyarət edərkən erməni separatçıları 2014-cü il iyulun 10-da Dilqəm Əsgərov və Şahbaz Quliyevi girov götürüblər. Həmin ilin dekabrında separatçı Dağlıq Qarabağ rejimi kəlbəcərli əsirlər üzərində qondarma məhkəmə qurub. Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilib. Onlarla yalnız Beynəlxalq Qızıl Xaç Komitəsinin vasitəçiliyi ilə əlaqə saxlamaq mümkündür.

ŞƏRH YAZ
0
BAĞLA