Azərbaycanlı güləşçi dünya çempionu oldu
Macarıstanın paytaxtı Budapeştdə keçirilən 23 yaşadək güləşçilər arasında dünya çempionatında Turan Bayramov (65 kq) finalda Yaponiya güləşçisinə 3:2 hesabı ilə qalib gələrək çempion olub.
“Ölkə.Az” Azərbaycan Güləş Federasiyasına istinadən xəbər verir ki, mübarizəyə 1/8 finaldan qoşulan Turan Bayramov kanadalı həmkarını məğlub edib. Həmyerlimiz moldovalı rəqibinə də gücünü göstərərək yarımfinala yüksəlib.
Fransa təmsilçisiylə qarşılaşma gərgin mübarizə şəraitində keçib. Turan ilk hissəni 0:1 geridə başa vursa da, ikinci yarıda rəqibi əks-fəndə salaraq qələbə qazanıb.
Daha bir idmançımız Davud İbrahimov (70 kq) bürünc medal qazanıb.
Ölkə.Az
