Azərbaycanlı hakim dünya çempionatında

Azərbaycanlı hakim dünya çempionatında
20:29
15.07.2019
1630
İdman
A
Çimərlik futbolu üzrə FIFA referisi İnqilab Məmmədov növbəti təyinat alıb.

“Ölkə.Az” xəbər verir ki, Məmmədov iyulun 17-də Rusiyanın paytaxtı Moskvada start götürəcək dünya çempionatının seçmə mərhələsinin oyunlarına təyinat alıb.

İyulun 28-dək davam edəcək yarışda Azərbaycan yığması da iştirak edəcək. Milli iyulun 19-da, 21-də və 22-də müvafiq olaraq Ukrayna, İspaniya və Latviya yığmaları ilə qarşılaşacaq.

Qeyd edək ki, seçmə mərhələnin 5 ən yaxşı komandası 21 noyabr - 1 dekabrda Paraqvayda keçiriləcək dünya çempionatına vəsiqə qazanacaq.

Ölkə.Az

ŞƏRH YAZ
0

Azərbaycanın futbol klubu Almaniyada akademiya açır

Azərbaycanın futbol klubu Almaniyada akademiya açır
15:17
Bu gün
114
İdman
A
“AZE Nakhchivan-Köln SK" Futbol Klubu Avropa ilə Azərbaycan arasında futbol əlaqələrini gücləndirmək barədə qərar verib

“AZE Nakhchivan-Köln SK”  Futbol Klubunun idarə heyətinin iclası keçirilib. 

Klubun mətbuat xidmətindən “Ölkə.Az”a verilən məlumata görə, iclasda bir sıra vacib qərarlar qəbul olunub. Klubun tərkibində akademiyanın yaradımasına qərar verilib. Bundan başqa klubun nəzdində təxminən 5 müxtəlif yaş qrupundan ibarət komandalar yaradılacaq. Birinci qrup 6-7, ikinci qrup 8-9, üçüncü qrup 11-12, dördüncü qrup isə 17-18 yaşlılardan təşkil olunacaq. Hələlik 4 yaş qrupundan ibarət komandanın olması qərarlaşdırlıb. Gələckdə bu yaş qruplarının sayının artırılacağı nəzərdə tutulur. Akademiyadan başqa klubun tərkibində transfer və skout fəaliyyətinin aparılması üçün “AZE Nakhchivan-Köln SK” Futbol şirkətinin qurulmasına qərar verilib. Akademiya ilə bağlı işlər davam etdirilir. Hələlik Almaniyada yaşayan uşaqlar, yeniyetmə və gənclər müraciət edə biləcəklər. Amma orada daimi qalmaq üçün şərait formalaşandan sonra digər ölkələrdən də uşaq və yeniyetmələr qəbul ediləcək. Klub eyni zamanda qərara alıb ki, Avropa ilə Azərbaycan arasında idmanın əsas qollarından biri olan futbolla bağlı əlaqələri gücləndirsin. Eyni zamanda Azərbaycan klublarının xarici klublarla əlaqələri, onların skout işlərinin dəstəklənməsi, gələcəkdə Azərbaycan klublarının da təlim-məşq toplantılarının Avropada təşkil olunması istiqamətində fəaliyyət göstəriləcəyi ilə bağlı qərar qəbul olunub.  

İclasda həmçinin Köln Nippes Bələdiyyəsinin bu şəhərin Weiden qəsəbəsində yerləşən futbol kompleksindən istifadəsinə dair razılıq qərarı üçün klub rəhbərliyi adından şəhər bələdiyyə rəhbərliyinə təşəkkür müraciəti qəbul edilib.

Mürtəza
Ölkə.Az

ŞƏRH YAZ
0

"AFFA-nın bütün işini milli komanda ilə bağlayırlar" — Elxan Məmmədov - VİDEO

10:23
Bu gün
371
İdman
A
“3 D” verilişinin növbəti qonağı AFFA-nın baş katibi Elxan Məmmədov olub.

“Ölkə.Az” xəbər verir ki, Dadaşlinski əvvəl “AVRO 2020”ni Bakıda keçirilməsini təşkil etdikləri üçün Məmmədova minnətdarlığını bildirib.

Daha sonra o, AFFA-nın baş katibi ilə futboldakı vəziyyəti müzakirə edib.

“İlk dəfə Azərbaycan 1996-cı ildə Avropa seçim turlarında iştirak edib və 1 xalla oradan ayrılıb. 2019-cu ildə də komanda seçim turlarından 1 xalla ayrıldı. Sizcədə futbolumuz eyni dairə üzrə hərəkət etmirmi, irəli getmirik?”- sualına E. Məmmədovun cavabı belə olub:

“Ümumiyyətlə, futbol elə bir idman növüdür ki, heç kim gələcək nəticələri öncədən deyə bilməz. Ancaq onu da bildirim ki, komandamızın seçim turunda göstərdiyi nəticə ürək açan deyil, bunu bilirəm. Bu yaxınlarda iclasımız olacaq, baş məşqçidən də hesabat gözləyirik. Buna görə də AFFA  son qərarını iclasdan sonra qəbul edəcək. Bir də təkrarlayıram ki, biz bu nəticə ilə heç də razı deyilik. Ancaq onu da vurğulayım ki, komandamız son illərdə rekord xallar da qazanıb, 9-10 xalımız olub”.

Məmmədov aparıcının uşaq futbolunun inkişafı barəsində sualını da cavablandırıb: 

“Uşaq futbolu üçün süni meydançalarımız yoxdur, təbii meydançada isə bunu etmək mümkün deyil. Çünki həftədə 3-4 məşqə təbii meydança yararsız vəziyyətə düşə bilər”.

Növbəti dəfə “Bildiyimizə görə, AFFA Berlin şəhərində futbol məktəbi açmışdı. Bərdədə, Yevlaxda deyil, düz Berlində. Bu nə məqsəd daşıyırdı? Ən əsas ora nə qədər sərmayə qoyulmuşdu? İşin nəticəsi necə oldu?”- sualı ilə Dadaşlinski baş katibə müraciət edib.

“Bizim məqsədimiz orada yaşayan azərbaycanlı uşaqları, o məktəbə cəlb etmək idi. Bu ən çox orada Azərbaycanı təmsil etmək idi. Bunun üçün 100.000 manat xərclənib””, - deyə baş katib bildirib.

“Heç olub ki, Elxan müəllim milli komandaya görə utanıb?” sualına isə Məmmədov “Yox, təəssüf hissi keçirmişəm, amma utanmamışam”,- cavabını verib.

Baş katib Slovakiyanın futbol mütəxəssisi Vladislav Yurkeviçin milli komanda haqqında dediyi “Uzun zamandır Azərbaycan komandası kimi zəif komanda görməmişəm, necə olur ki, bir komanda fasiləyə qədər oyun meydançasının mərkəzini keçə bilməsin? Azərbaycan yığmasının oyunçuları, futbolçu yox turistdirlər” sözlərinə də aydınlıq gətirib.

“Bunu o, oyundan sonra deyib. Çünki, bizim o oyunda itiriləcək heç nəyimiz yox idi. Ona görə, biz müdafiə futbolu oynadıq. Slovakiya yəqinki, bizdən hücum futbolu gözləyirdi”.

“Əgər biz futbolda nəticə göstərə bilmiriksə, yeni nəsil yetişmirsə, bəlkə etiraf edək ki, “Futbol bizimki deyil?” sualına isə “Klubların sayı birbaşa iş adamlarından asılıdır. Onlar yeni klublar yaratmalıdırlar. Siz bu sualla onlara müraciət edin”, deyə bildirib.

Dadaşlinskinin “Qurban Qurbanovun millidən getməsinin birbaşa səbəbkarı kimi sizi göstərirlər, bu barədə nə deyə bilərsiniz?”- sualına isə baş katib “Düzü bilmirəm niyə məni buna səbəb göstərirlər. Mən hər zaman ona dəstək olmuşam. Qurban Qurbanova klubdan təklif gələndə əvvəl ikisində də fəaliyyət göstərirdi. Lakin bunlar fərqli sahələr olduğu üçün AFFA qərar verdi ki, o, işini ”Qarabağ”da davam etdirsin və biz də baxaq fəxr edək. Hər zaman demişəm mənim Qurban müəllimə böyük hörmətim var. Ona bütün şərait yaradılmışdı”.

O, Rəşad Sadıqovun U-21-də baş məşqçi təyinatından da danışıb. Məmmədov bildirib ki, Sadıqov baş məşqçi təyin olunanda həm də futbolçu kimi karyerasına davam edirdi. Ona görə, iki işi bir arada görə bilmədi.

“Məni hər zaman süni tənqid edirlər, subyektiv tənqidə mən razıyam. Bizə qarşı müxtəlif kampaniyalar yaradırlar”,- deyə o, bildirib.

Sonda Elxan Məmmədov “Bir futbol federasiyasının nə qədər uğursuzluqları olmalıdır ki, rəhbərlik istefa versin?” sualına  “AFFA- nın rəhbərliyini seçən Azərbaycan futbol ictimaiyyətidir. Qərarı onlar verib. Təssüflər olsun ki, AFFA-nın bütün işini milli komanda ilə bağlayırlar. Bizim böyük uğurlarımız da olub”,- deyə bildirib.

Ölkə.Az

 

ŞƏRH YAZ
0
BAĞLA