Azərbaycanlı iş adamı yandırılaraq öldürüldü — Rusiyada dəhşətli qətl

Azərbaycanlı iş adamı yandırılaraq öldürüldü
20:21
10.08.2017
93
Hadisə
A
Rusiyanın Tümen vilayətindəki Neftyuqansk şəhərində azərbaycanlı iş adamı İlyasov Fəzail Eldar oğlu vəhşicəsinə qətlə yetirilib.

Ölkə.Az-ın Lent.az-a istinadən xəbərinə görə, bu barədə  “Basta”ya mərhumun dayısı oğlu Mərdan Mehdili məlumat verib. Mərdan Mehdilinin bildirdiyinə görə, Fəzail İlyasov iki gün əvvəl naməlum şəxslər tərəfindən oğurlanıb.

“Rusiya polisi iki gün idi ki, itkin düşmüş şəxs kimi onu axtarırdı. Bu gün səhər isə onun dükanı yandırılıb. Hadisə yerinə gələnlər onun öz dükanında yandırıldığını görüblər”.

Mərdan bəy onu da qeyd edib ki, mərhumun cənazəsi Rusiyada ekspertizadan keçirildikdən sonra Azərbaycana, Siyəzən şəhərinə gətiriləcək.Dəhşətli qətlin səbəbinə gəlincə, Mərdan Mehdili bununla bağlı məlumat olmadığını deyib.

“Onun kimsə ilə ədavəti, kiməsə borcu olmayıb. Əksinə, özü kimlərəsə borc pul verib. Qətlin səbəbi isə hələlik məlum deyil”.

ŞƏRH YAZ
0

Bayılda 2 evin damı çökdü — FOTOLAR

Bayılda 2 evin damı çökdü
00:58
Bu gün
791
Hadisə
A
İki gündür yağan intensiv yağış Bakıda iki evin damının çökməsinə səbəb olub.

"Ölkə.Az"ın APA-ya istinadən məlumatına görə, hadisə Səbail rayonu, Bayıl qəsəbəsi, Elşən İsmayılov küçəsindəki 102 və 102A ünvanlı fərdi yaşayış evlərində qeydə alınıb.

Həmin mənzillərdə və eləcə də ətraf tikililərdə əsasən Zəngilan rayonundan olan məcburi köçkün ailələri məskunlaşıb. Damı çökən bir-birinə bitişik mənzillərdə  bu rayondan olan iki ailə yerləşib. Burada evlər terras bənzər şəkildə tikildiyindən, yuxarıdakı evlərin həyətində çatlar  yaranıb. Ev sahibi Akif Qurbanovun sözlərinə görə, yağış suları tədricən torpaq qatını yuyub və nəticədə ağırlıq günorta saatlarında bu iki evin damının içəriyə doğru çökməsinə səbəb olub.

Evlərdə yaşayış təhlükəli hesab edildiyindən ətrafda FHN-in əməkdaşları tərəfindən xüsusi lent çəkilib. Ərazidə əvvəllər buna bənzər hal yaşanmasa da, bundan sonra da sürüşmə faktının qeydə alınmayacağı istisna edilməyib. Baş vermiş hadisə Səbail rayon İcra Hakimiyyəti tərəfindən  qeydə alınıb və evləri çökən hər iki ailə nəzarətə götürülüb. 

Ölkə.Az

ŞƏRH YAZ
0

Məşhur restoranda musiqiçilər dalaşdı — Biri kəllə-beyin travması alıb

Məşhur restoranda musiqiçilər dalaşdı
00:25
Bu gün
1169
Hadisə
A
Bakının Nəsimi rayonu ərazisində, "Şərq bazarı" ticarət mərkəzi yaxınlığında yerləşən "Şərq ulduzu" restoranında musiqiçilər arasında dava düşüb.

"Ölkə.Az" “Report”a istinadən xəbər verir ki, 1979-cu il təvəllüdlü sintezator ifaçısı Qasımov Vüqar Mirbala oğlu restoranda keçirilən ziyafətdən sonra öz musiqiçi həmkarı tərəfindən döyülüb.

Nəticədə V.Qasımov kəllə-beyin travması alaraq xəstəxanaya yerləşdirilib.

Hadisənin hansı səbəbdən baş verdiyi bilinmir.

Faktla bağlı Nəsimi Rayon Polis İdarəsində araşdırma aparılır.

Ölkə.Az

ŞƏRH YAZ
0
BAĞLA