Azərbaycanlı iş adamının hotelində oğurluq — FOTOLAR

Azərbaycanlı iş adamının hotelində oğurluq
12:16
12.11.2017
1759
Hadisə
A
“Çerkizov” bazarının keçmiş sahibi, azərbaycanlı iş adamı Telman İsmayılov tərəfindən 2009-cu ildə Türkiyənin Antalya şəhərində tikilən “Mardan Palace” hotelində oğurluq hadisəsi qeydə alınıb.

Ölkə.Az-ın Qafqazinfo-ya istinadən verdiyi məlumata görə, hotelin çölündə olan dekorativ qoruyucu çəpərlər gecə saatlarında naməlum şəxslər tərəfindən oğurlanıb.

Türkiyə polisi 2 metr uzunluğundakı 7 çəpəri oğurlayanları tapmaq üçün axtarışlara başlayıb.

Qeyd olunur ki, banka külli miqdarda borcu olan və satışa çıxarılan hoteldə işçilər işdən çıxarılıb, işıq kəsilib, siqnalizasiya sistemi ləğv olunub. Buna görə də obyektdə artıq bu kimi oğurluqlar günbəgün artır.

Xatırladaq ki, Moskvanın Basman rayon məhkəməsi noyabrın 11-də Telman İsmayılov barəsində qiyabi həbs qərarı verib. O, iki qətlin sifarişində ittiham olunur. Bundan öncə cinayət hadisələri ilə bağlı biznesmenin qardaşı Rafiq İsmayılov həbs olunmuşdu. O, 2016-cı ilin mayında Novorijsk şossesində ticarət kompleksinin rəhbəri Vladimir Savkin və “Люблино моторс” şirkətinin təsisçisi Yuri Brilyovun qətlində təqsirləndirilir.

ŞƏRH YAZ
0

Mingəçevirdə toy məclisində bir qadın ölüb

Mingəçevirdə toy məclisində bir qadın ölüb
01:30
Bu gün
684
Hadisə
A
Toyda qadın dünyasını dəyişib.

"Ölkə.Az" Report-a istinadən xəbər verir ki, hadisə Energetik yaşayış massivində yerləşən “Nur” şadlıq sarayında baş verib.

Belə ki, burada keçirilən toyun gedişində Yevlax rayonunun Tanrıqullar kəndindən olan adı hələki dəqiqləşdirilməmiş təxminən 50-55 yaşlı qadın qəfildən dünyasını dəyişib. Ona yardım üçün həkim briqadası çağırılsa da, həyatını xilas etmək mümkün olmayıb. 

Qohumlar hüquq mühafizə orqanı nümayəndələrinə əlavə araşdırmalara ehtiyac olmadığını bildirib. Onların sözlərinə görə, qadın öz əcəli ilə gözlərinin önündə keçinib. Bundan sonra dünyasını dəyişən qadının meyiti toy məclisindən birbaşa Tanrıqullar kəndinə götürülüb.

Ölkə.Az

ŞƏRH YAZ
0

Gəncədə xəstəxanada yanğın olub

Gəncədə xəstəxanada yanğın olub
00:47
Bu gün
713
Hadisə
A
Gəncədə yanğın qeydə alınıb.

"Ölkə.Az"ın Fövqəladə Hallar Nazirliyinə istinadən məlumatına görə, Gəncə şəhərinin Nizami rayonunda yerləşən birmərtəbəli xəstəxananın çardağının yanar konstruksiyaları 3 m2 sahədə yanıb.

Xəstəxananın qalan hissəsi yanğından mühafizə olunub.

Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0
BAĞLA