Azərbaycanlı meri təhqir edən şəxsin videosu yayıldı

Azərbaycanlı meri təhqir edən şəxsin videosu yayıldı
15:00
13.06.2018
3543
Ölkə
A
Gürcüstanın Marneuli rayonunun icra başçısı Temur Abazov saxlanılıb.

“Ölkə.Az” xəbər verir ki, bu barədə Gürcüstan prokurorluğu məlumat yayıb.

Prokurorluqdan verilən məlumata görə, Temur Abazov Gürcüstan hökumətini tənqid edən şəxsi alçaltmaqda şübhəli bilindiyi üçün prokurorluğa çağırılıb.

Hazırda prokurorluq araşdırmalara başlayıb.

Bir müddət əvvəl Tiflisdə keçirilən aksiyada Bidzin İvanişvili və Marneuli merini təhqir edən azərbaycanlının görüntüləri yayılmışdı. Sonradan isə onun təhqir edildiyi video çarx da yayılmışdı. Həmin şəxs kamera qarşısında üzr istəyib və kiminsə əmri ilə öz sidiyi ilə əl-üzünü yuyub. 

Mer yayılan bu video görüntülərdən sonra saxlanılıb. 

 

Hikmət Həsənov
Ölkə.Az

ŞƏRH YAZ
0

Tovuzda 2 döyüş mərmisi tapılıb

Tovuzda 2 döyüş mərmisi tapılıb
22:42
20.03.2019
1272
Ölkə
A
2019-cu il 20 Mart tarixində ″102″ Xidməti-Zəng mərkəzi sistemi vasitəsi ilə Ərazilərin Minalardan Təmizlənməsi üzrə Milli Agentliyə (ANAMA) Tovuz rayonu, Əlibəyli kəndi ərazisində mərminin tapılması barədə məlumat daxil olub.

“Ölkə.Az”a Agentlikdən verilən məlumata əsasən, ANAMA-nın xüsusi mobil çevik əməliyyat qrupu və Daxili İşlər Nazirliyinin Tovuz rayon Polis Şöbəsinin əməkdaşları dərhal həmin əraziyə göndərilib.
 
Agentliyin mütəxəssisləri və Tovuz rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə çay kənarına baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 2 ədəd 85 mm-lik top mərmisi (OF-350K) aşkar olunmuş, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
 
Top mərmilərinin ətrafında 200 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

 

ŞƏRH YAZ
0

Zakir Həsənov Novruz bayramında hərbi hospitalda — FOTOLAR

Zakir Həsənov Novruz bayramında hərbi hospitalda
21:55
20.03.2019
630
Ölkə
A
Martın 20-də Müdafiə Nazirliyinin rəhbər heyəti Novruz bayramı münasibətilə Silahlı Qüvvələrin Baş Klinik Hospitalında olub.

Əvvəlcə Ümummilli Lider Heydər Əliyevin büstü önünə gül dəstələri qoyulub və xatirəsinə ehtiram ifadə edilib.

“Ölkə.Az”a nazirlikdən verilən məlumata görə, Müdafiə naziri general-polkovnik Z.Həsənov hospitalda müalicə alan şəxsi heyətlə görüşərək onların səhhəti ilə maraqlanıb.

Bayram münasibəti ilə hərbi qulluqçuları təbrik edən Müdafiə naziri onlara sovqatları təqdim edib və tezliklə sağalaraq xidmət yerlərinə qayıtmalarını arzulayıb.

Tibb heyəti ilə görüşən Müdafiə naziri hospitalın kollektivini bayram münasibətilə təbrik edib, uğurlar diləyib və müvafiq tapşırıqlar verib.

Görüşün sonunda Müdafiə nazirinin əmri ilə hospitalın rəisi tibb xidməti polkovniki Tofiq Tağıyev “Hərbi xidmətdə fərqlənməyə görə” 3-cü dərəcəli medal ilə təltif edilib.

Ölkə.Az

ŞƏRH YAZ
0
BAĞLA