Azərbaycanlı qadın gimnastlar Avropa çempionatının finalında

Azərbaycanlı qadın gimnastlar Avropa çempionatının finalında
23:45
14.04.2018
1089
İdman
A
Azərbaycanlı qadın gimnastlar Svetlana Makştaryova və Veronika Zemlyanaya batutda sinxron tullanmalar üzrə Bakıda keçirilən 26-cı Avropa çempionatının finalına yüksəliblər.

"Ölkə.Az"ın məlumatına görə, gimnastlar 84,450 bal toplayıblar və üçüncü yerə sahib olublar.

Finala həmçinin Belarus, Ukrayna, Niderland, Portuqaliya, Gürcüstan, Fransa və Bolqarıstan idmançları da yüksəliblər.

Ölkə.Az

ŞƏRH YAZ
0

"Azərbaycan millisi təşkilatlanmış futbol sərgiləyir" — Litva yığmasının baş məşqçisi

19:26
Bu gün
47
İdman
A
"Bakıda olmaq xoşdur. Uzun yol qət etdik, yorğunuq. Amma yoldaşlıq matçı olsa da, çox ciddi hazırlaşırıq. Növbəti seçmə mərhələnin görüşləri üçün futbolçulara baxırıq. Hər iki komanda AVRO-2020-nin seçmə mərhələsinə məğlubiyyətlə başladı".

"Ölkə.Az" report-a istinadən bildirir ki, bunu Litva yığmasının baş məşqçisi Valdas Urbonas Bakıda Azərbaycan millisinə qarşı keçirəcəkləri oyun haqda danışarkən deyib.

52 yaşlı mütəxəssisin sözlərinə görə, Azərbaycan millisi AVRO-2020-nin seçmə mərhələsinin I turunda Xorvatiyaya 1:2 hesabı ilə uduzduğu görüşdə yaxşı təsir bağışlayıb: "Azərbaycan yığması təşkilatı və mübarizə baxımından xoşuma gəldi. Xorvatiyadan pozitiv nəticə ilə qayıtmağa bir az çatmadı. Azərbaycan millisi təşkilatlanmış futbol sərgilər. Bu da yığmada səviyyəli futbolçuların olmasından xəbər verir. Baş məşqçi dəyişikliyi olsa da, komandanın oyununa ciddi təsir etməyib. Biz ilk növbədə öz oyunumuzu düşünürük. Xətlər arası əlaqəyə diqqət yetirməliyik".

Baş məşqçi seçmə mərhələnin ilk turunda səfərdə Lüksemburq 1:2 hesabı ilə uduzmaqlarına da toxunub: "İndi dünyada hamı futbol oynamağı bacarır. Lüksemburq zəif rəqib deyil. Azərbaycan vitse-çempiona uduzub. Biz yalnız dünya çempionuna məğlub olsaydıq, özümü burda rahat hiss edə bilərdim. Rəqibin futbolçuları ayrı-ayrılıqda fərqləndirməzdim. Bəlkə də qol vuranın adını çəkmək olar. Azərbaycan Xorvatiya ilə görüşdə müdafiədə və əks-hücumda yaxşı təsir bağışladı".

Qeyd edək ki, martın 25-də keçiriləcək matç saat 18:00-da başlayacaq.

Ölkə.Az

ŞƏRH YAZ
0

Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
Bu gün
113
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0
BAĞLA