Azərbaycanlı qızı zorladı, öldürdü, meyiti çaya atdı
Belarusun Minsk şəhərində polis tərəfindən 41 yaşlı azərbaycanlı saxlanılıb.
“Ölkə.Az” xəbər verir ki, saxlanılan şəxs Rusiyada 23 yaşlı qızı zorlayıb öldürməkdə şübhəli bilinir. Bu barədə Belarusun Daxili İşlər nazirliyi məlumat yayıb.
Məlumata əsasən, şübhəli şəxsin saxlanılması ilə bağlı rus polisi Belarus polisinə müraciət edib. Eyni zamanda 41 yaşlı azərbaycanlının cinayətkar qruplaşma üzvü olduğu da ehtimal edilir.
Saxlanılan şəxs Vitebskdən Minskə doğru hərəkət edən avtobusda tutulub. Hazırda Belarus polisi Rusiyanı məsələ ilə bağlı məlumatlandırıb.
Qeyd edilir ki, saxlanılan şəxsin daha ağır cinayətlərdə əli var. 41 yaşlı azərbaycanlı 23 yaşlı qızı evinə ötürən zaman zorlayıb və öldürüb. Sonra isə meyiti çaya atıb.
Ölkə.Az
