Azərbaycanlı qızların təhqir edildiyi reklam çarxı — QALMAQAL

Azərbaycanlı qızların təhqir edildiyi reklam çarxı
16:23
14.06.2018
5789
Ölkə
A
“Face Studio” gözəllik salonları şəbəkəsinin növbəti reklam çarxı sosial şəbəkələrdə səs-küyə səbəb olub.

“Ölkə.Az” xəbər verir ki, reklam çarxında azərbaycanlı qızlar təhqir edilib.

Qeyd edək ki, şirkətin bundan əvvəl çəkdirdiyi reklam çarxları da qalmaqala səbəb olmuşdu. Çünki hər reklam çarxında “epilasiya edin, ərə gedin” şüarı və ssenari sosial şəbəkə istifadəçilərinin kəskin etirazına səbəb olmuşdu.

Bu dəfə isə ssenariyə uyğun olaraq iki rəfiqə görüşür və biri digərinə tezliklə ailə quracağını, nişanlısının ona bahalı hədiyyələr aldığını deyir. Rəfiqəsi isə ona paxıllıq edərək evlərində gəlinlik paltarı seçəndə cadu edir.

Ssenari o qədər güclüdür ki, cadu 1 saat sonra təsir edir və oğlan qıza zəng edərək ayrıldıqlarını bildirir. Qız sonradan döşəyin altından cadunu tapır və cadugərə müraciət edir. Cadugər isə bu cadunun “Face Studio”da pozulacağını bildirir.

Ən acınacaqlı isə odur ki, gözəllik salonunun şüarı “FACE studio”da lazer et, tez ərə get”dir. 

Maraqlıdır ki, gözəlliklə məşğul olan bir salon niyə lazerlə cadu yandırır? Bu cadunun təbliğatı demək deyilmi?

Hikmət Həsənov
Ölkə.Az

ŞƏRH YAZ
0

Bir ildə 12 504 yeni müəssisə və təşkilat fəaliyyətə başlayıb — Azərbaycanda

Bir ildə 12 504 yeni müəssisə və təşkilat fəaliyyətə başlayıb
16:57
Bu gün
136
Ölkə
A
Ölkə ərazisində 2018-ci il ərzində yaradılmış 12 504 yeni müəssisə və təşkilatın 66,4 faizi Bakı şəhərində fəaliyyətə başlayıb.

Dövlət Statistika Komitəsindən "Ölkə.Az"a verilən məlumata görə, ötən il ərzində fəaliyyətə başlayan yeni müəssisə və təşkilatların 9,6 faizi Abşeron, 6,9 faizi Aran, 4,8 faizi Quba-Xaçmaz, 4,6 faizi Gəncə-Qazax, 2,7 faizi Şəki-Zaqatala, 2,6 faizi Lənkəran, 1,2 faizi Yuxarı-Qarabağ, 0,6 faizi Dağlıq Şirvan iqtisadi rayonunun, 0,4 faizi Naxçıvan Muxtar Respublikasının, 0,2 faizi isə Kəlbəcər-Laçın iqtisadi rayonunun payına düşüb.

2018-ci il ərzində ölkədə 238 947 yeni, o cümlədən 127 428 daimi iş yeri açılıb. Açılmış daimi iş yerlərinin 8,1 faizi yeni yaradılmış müəssisə və təşkilatlarda, 32,2 faizi mövcud müəssisə və təşkilatlarda, 0,4 faizi fəaliyyətini bərpa etmiş müəssisə və təşkilatlarda, 59,3 faizi isə fərdi sahibkarlıq subyektləri tərəfindən yaradılıb.

Yeni iş yerlərinin 26 faizi Bakı şəhərinin, 1,2 faizi Naxçıvan Muxtar Respublikasının, 72,8 faizi regionların, o cümlədən 38,9 faizi Aran, 8,9 faizi Lənkəran, 7,7 faizi Gəncə-Qazax, 4,9 faizi Abşeron, 4,4 faizi Yuxarı Qarabağ, 3,0 faizi Şəki-Zaqatala, 2,7 faizi Quba-Xaçmaz, 2,1 faizi Dağlıq Şirvan, 0,2 faizi isə Kəlbəcər-Laçın iqtisadi rayonlarının payına düşüb.

Hüquqi şəxslər tərəfindən yaradılmış daimi iş yerlərinin 18,4 faizi ticarət, nəqliyyat vasitələrinin təmiri, 18,3 faizi tikinti, 13,7 faizi emal sənayesi, 9,4 faizi dövlət idarəetməsi və müdafiə, sosial təminat, 8,9 faizi su təchizatı, tullantıların təmizlənməsi və emalı, 5,3 faizi peşə, elmi və texniki fəaliyyət, 3,2 faizi kənd təsərrüfatı, meşə təsərrüfatı və balıqçılıq, 3 faizi təhsil, 2,9 faizi digər sahələrdə xidmətlərin göstərilməsi, 2,8 faizi inzibati və yardımçı xidmətlərin göstərilməsi, 2,7 faizi daşınmaz əmlakla əlaqədar əməliyyatlar, 11,4 faizi isə digər iqtisadi fəaliyyət növləri üzrə açılıb.

Ölkə.Az

ŞƏRH YAZ
0

Əməkdar artist AzTV-də aparıcılıq edəcək

Əməkdar artist AzTV-də aparıcılıq edəcək
16:41
Bu gün
334
Ölkə
A
Məlahət Abbasovanın “Məlahətli söhbətlər” proqramı bundan sonra AzTV-də yayımlanacaq.

"Ölkə.Az" Axşam.az-a istinadən xəbər verir ki, əməkdar artist bu barədə “Gün başladı” proqramında məlumat verib.

“Layihəm hazırdır. AzTV-nin yeri mənim üçün çox fərqlidir. Çünki ilk dəfə məni tamaşaçılara təqdim edib. Təkrar doğma kanalıma dönürəm. Şou insanı deyiləm, özümə bir missiya yükləmişəm ki, iki ölkənin məşhurları bir-birini gəlib, tanısınlar. Onları bura gətirirəm ki, siz də bizim sənətçilərimizi tanıyın”.

O söhbət zamanı sözügedən proqramda qonaq olan sənətçilər ölkəmizə qonorarsız gəldiyini bildirib.

Qeyd edək ki, Abbasova verilişinin yayım vaxtını açıqlamayıb.

Ölkə.Az

ŞƏRH YAZ
0
BAĞLA