Azərbaycanlı Rusiyada deputat oldu

Azərbaycanlı Rusiyada deputat oldu
14:35
20.09.2018
982
Dünya
A
Azərbaycanlı Rusiyanın Tuva Respublikasının paytaxtı Qızılın şəhər şurasının 5-ci çağırışında deputat seçilib.

"Ölkə.Az" Oxu.Az-a istinadən  xəbər verir ki, bununla bağlı Rusiya azərbaycanlılarının vahid informasiya portalı olan AZRU məlumat yayıb. 

Tuva Respublikasının karate federasiyasının sədri, respublikanın yığma komandasının baş məşqçisi, məşhur idmançı və tanınmış ictimai xadim, Rusiyadakı Azərbaycan diasporunun fəalı Çingiz Əliyev Rusiya Federasiyasında qanunverici orqanlara keçirilən seçkilərdə deputatlıq adını qazanan Taleh Mahmudov (Krasnoyars), Bəhruz Qumbatov (İjevsk) və Əliş Məmmədovdan (Yakutiya) sonra dördüncü azərbaycanlı olub. 

Çingiz İsaxan oğlu Əliyev 1982-ci ildə Gürcüstanın Qardabani rayonunda doğulub, 1999-cu ildən isə Tuva Respublikasında yaşayır. Müasir Humanitar Akademiyada hüquqşünaslıq ixtisası üzrə təhsil alıb. 

Dəfələrlə Rusiya, dünya və Avropada keçirilən karate yarışlarında çempion olub və mükafatlar qazanıb, qara kəmər ustasıdır, Tuva Respublikasında karate federasiyasının banisidir. 

Əlavə edək ki, həmyerlimiz Rusiya Federasiyasında keçirilən bir çox ictimai tədbirlərin təşəbbüskarı və təşkilatçısıdır. Çoxlu sayda təşəkkür məktubu, diplom və fəxri fərmanlarla təltif edilib. 

ŞƏRH YAZ
2

ABŞ və Şimali Koreya arasında növbəti sammit keçiriləcək

ABŞ və Şimali Koreya arasında növbəti sammit keçiriləcək
17:40
Bu gün
238
Dünya
A
ABŞ və Şimali Koreya arasında növbəti sammit noyabr ayının ortalarında keçirilə bilər.

“Ölkə.Az” xəbər verir ki, bu barədə məlumatı ABŞ hökumət mənbələri “Asahi” qəzetinə veriblər. Məlumata əsasən, danışıqlar Avropa şəhərlərinin birində baş tuta bilər.

Rusiyanın “RİA Novosti” nəşri isə hazırda danışıqların keçirilməsi üçün Stokholm və Cenevrə şəhərləri nəzərdən keçirilir.

Qeyd edək ki, bir müddət əvvəl ABŞ prezidenti Donald Tramp bəyan etmişdi ki, Şimali Koreya lideri Kim Çen İni Floridadakı mülkündə qəbul edər. Şimali Koreya isə görüş üçün Pxenyan və ya Pxanmuncomu təklif edib.

Hikmət Həsənov
Ölkə.Az

ŞƏRH YAZ
0

Fin həkimləri xərçəngin yeni müalicəsini tapdılar

Fin həkimləri xərçəngin yeni müalicəsini tapdılar
13:04
Bu gün
1463
Dünya
A
Finlandiyanın Helsinki və Uusimaa vilayətlərində yeni müalicə üsulunun sınaqları keçirilib.

"Ölkə.Az" xəbər verir ki, alimlər yeni üsulla xərçəng xəstəliyinə qalib gəlməyi düşünürlər. Bu barədə “Yle” nəşriyyatı xəbər yayıb.

Bildirilir ki, yeni üsula əsasən xəstədən leykosit nümunəsi götürülür, genetik dəyişiklik edilir, xərçəng hüceyrələri məhv edilir. Həkimlərin fikrinə görə yeni üsulun köməyi ilə qan və limfosarkoma xərçənginin müalicəsində stabil nəticələr əldə etmək mümkün olacaq.

Eyni zamanda əldə olunan məlumata əsasən, artıq ilk xəstə yeni üsulla müalicə olunur. Yaxın vaxtlarda hesabat ictimaiyyətə təqdim ediləcək.

ŞƏRH YAZ
0
BAĞLA