Azərbaycanlı şair: — Oğlumu tabutuma yaxın qoymayın

Azərbaycanlı şair:
15:54
24.03.2019
7914
Maqazin
A
Azərbaycanın tanınmış şəxsiyyətləri haqqında xoşagəlməz ifadələr işlədərək gündəmə gələn yazıçı Kəramət Böyükçöl sosial şəbəkə istifadəçilərinin qəzəbinə səbəb olub. Əvvəlcə Əbülfəs Elçibəy, daha sonra Xəlil Rza Ulutürk haqqında ağır ifadələr səsləndirərək, onları təhqir edən Kəramət Böyükçöl bu dəfə isə meyxana sənəti və meyxana ustadlarına qarşı hörmətsizlik edib.

“Ölkə.Az”ın Oxu.Az-a istinadən məlumatına görə, şair Qəşəm Nəcəfzadənin oğlu, qalmaqalları ilə gündəm düşməyən gənc yazar Kəramət Böyükçöl bu dəfə də dünyasını dəyişən meyxanaçı Aydın Xırdalanlı haqqında yazdığı statusla müzakirələrə səbəb olub. 

Belə ki, o statusunda Aydın Xırdalanlı ilə birgə meyxana sənətinin də ölüb getməsini istədiyini yazıb:

“Aydın Xırdalanlı vəfat edib. İnsan olaraq Aydına bir sözüm yoxdur, onu nə sevirdim, nə də sevmirdim. Allah rəhmət eləsin. Amma arzu edirəm, Aydınla birlikdə Azərbaycanda adına sənət dedikləri o meyxana da ölüb getsin, rədd olsun, efirlər meyxanaya qadağa qoysun. Meyxanaçılar nə qədər çox yox olarsa, xalqımız o qədər aydınlığa çıxacaq”.

Onun bu fikirləri sosial şəbəkə istifadəçiləri tərəfindən birmənalı qarşılanmayıb. 

Atası şair Qəşəm Nəcəfzadə onun bu davranışlarına cavab olaraq dəfələrlə televiziyalarda onun adına cəmiyyətdən üzr istəyib. Bu dəfə isə Q.Nəcəfzadə özünün “Facebook” səhifəsində bir gün ölərsə, oğlunu onun tabutuna yaxın buraxmamağı rica edib:

“Əlacsızam deyə yüz dəfə düşünüb yazıram. Deməyin, ağlını itirib yazır. Kəramətin alçaq hərəkətlərindən son doqquz gündə təzyiqim 250-dən düşmür. Hərdən 270-ə qalxır. Üstəlik, ürək əməliyyatından qalan problem, şəkər...

Ovuc-ovuc dərman yeyirəm, analizlər, MRT-lər, kompüter tomoqrafiya və sair. Əhəmiyyətsiz bir şey... Halıma göylə uçan quş da ağlayar... Aprelin 1-i ad günüm. 60 yaşım. Yəqin ki, tezliklə öləcəyəm.

Demişəm, Kəraməti tabutuma yaxın qoymayın. Onu zülümlə böyütmüşdüm... Məni o alçaq öldürdü. Ona nifrət edirəm. Azərbaycanda təhqir etmədiyi və məni söydürmədiyi adam qalmadı...”

Ölkə.Az

ŞƏRH YAZ
0

"Onun ayağına getmək mənim borcum idi" — Mənsum İbrahimov Canəli Əkbərovdan DANIŞDI

15:43
Bu gün
891
Maqazin
A
Xalq artisti Mənsum İbrahimov bir müddətdir küsülü olduğu həmkarı Canəli Əkbərovu xəstəxanada ziyarət etməsindən danışıb.

M.İbrahimov "Ölkə.Az"a açıqlamasında bildirib ki, C.Əkbərovun xəstə olduğunu səfərdə olduğu zaman bilib:

"Avropada səfərdə idim. Saytlardan oxudum ki, Canəli müəllimin səhhətində problem yaranıb. Oğluna zəng vurdum. Canəli müəllimin oğlu Sabirlə, kürəkəniylə uzun illərdir dostuq. O, bizim barmaqla sayılacaq sənətkarlardan biridir.  Səfərdən qayıdan kimi dostlarım Elçin və Elnurla onun ziyarətinə getdik. Ailədə atayla balanın arasında da inciklik olur. Hər zaman demişəm ki, bizim bir düşmənimiz var - erməni. Sənət adamınn kin saxlaması doğru deyil. Belə sənətkarlarımız azdır. Hər zaman özümdən böyüklərə  hörmətlə yanaşmışam.  İndi də kiçikliyimi elədim, dəyərli sənətkarımzın ziyarətinə getdim. Onun ayağına getmək mənim borcum idi. Arzu edirəm ki, tezliklə ayağa dursun. Bu yaxınlarda səksən yaşı tamam olacaq. İnşallah, o tədbirdə də hamılıqla iştirak edəcəyik".

Qeyd edək ki, C.Əkbərov təxminən bir il öncə müsahibəsində bəzi xanəndələri, o cümlədən M.İbrahimovu sərt tənqid etmişdi.

İntiqam VALEHOĞLU
Ölkə.Az

ŞƏRH YAZ
0

Narkotik maddə ilə tutulan repçiyə HƏBS CƏZASI

Narkotik maddə ilə tutulan repçiyə HƏBS CƏZASI
15:01
Bu gün
1212
Maqazin
A
Ezhel olaraq tanınan repçi Sercan İpekçioğlu narkotik maddə istifadəçisi olduğuna görə həbs edilib.

“Ölkə.Az” xəbər verir ki, məhkəmənin hökmü ilə Ezhel 1 il 8 ay müddətinə azadlıqdan məhrum edilib. Repçi məhkəmə salonunda aylıq qazancı barədə məlumat verib. Onun cəzası isə 5 il müddətinə təxirə salınıb.

Ezhel məhkəmə salonunda aylıq gəlirinin 100 min lirə (29 min manat) olduğunu bildirib. Bundan başqa Sercan narkotik maddə aludəçisi olmadığını bildirib.

Hakimin repçiyə “qan analizinizdə narkotik maddə üzə çıxmışdı” iradından sonra İpekçioğlu “Çox tez-tez xaricə səfər edirəm. Avropada olduğum yerlərdə, studiyalarda narkotik maddə istifadə edənlər çox olur. Ola bilər ki, mən də buna məruz qalmışam”, cavabını verib.

Repçi ittihamları qəbul etməyib.


Ölkə.Az

ŞƏRH YAZ
0
BAĞLA