"Azercell"dən daha bir şikayət

16:29
13.11.2017
1514
Ölkə
A
"10 ildir istifadə etdiyim "Azercell" nömrəmə görə xəbərdarlıq mesajı gəlib. Mesajda qeyd edilir ki, "Nömrəniz 4 günə bağlanır" və müştəri xidmətlərinə yaxınlaşın. Məsələni dəqiqləşdirmək üçün "Azercell"in müştəri xidmətlərinə yollandım. Uzun növbədən sonra müştəri xidmətlərindəki əməkdaş mənə nömrənin qeydiyyatsız olduğunu bildirdi. Yəni, mənim 10 ildir ki, "Azercell"in rəsmi distribüterindən aldığım nömrə qanunsuz şəkildə satılıb. İndi isə "Azercell" iddia edir ki, bu nömrədə 10 il ərzində heç bir əməliyyat edilməyib".

"Ölkə.Az" xəbər verir ki, bu sözləri Baku.ws-ə açıqlamasında "Azercell"in narazı müştərisi Orxan Məmmədov deyib. Şikayətçinin sözlərinə görə, nömrə öz adına olsa da, "Azercell" nömrəni təkrar qeydiyyata salmaqdan imtina edib. Səbəb isə qəribə və bir o qədər gülməlidir: "Mənim 10 ildir işlətdiyim nömrəni ailə üzvlərim istifadə edir. "Azercell"dən isə deyirlər ki, nömrənin sahibi yox, onu istifadə edən şəxs gəlməlidir. Üstəlik, həmin nömrənin qoşulu olduğu telefonu da gətirməlidir. 

Görünür "Azercell"in bazasında köhnə nömrələr silinib. Bunu bərpa etməyi insanların əsəblərini pozmaq hesabına edirlər. 

Nömrə sahibi olaraq əlində şəxsiyyət vəsiqəsi uzun müddət növbə gözləyirsən. Daha sonra bir nəfər sizə yaxınlaşaraq nömrənizin qanunsuz olduğunu deyir. 

Hələ bu azmış kimi 10 illik müştərisinin sözlərini şübhə altına alır. Bu 10 il ərzində nömrədən dəfələrlə əməliyyatlar etmişəm. Nömrənin surətini çıxarmışam. Hər hansı bir əməliyyat zamanı müştərinin şəxsi məlumatları olmadan aparıla bilməz. Bəs o zaman bu 10 il ərzində bu qədər əməliyyat necə olub? 10 il ərzində şəxsi məlumatlarım olmayıbsa, bəs necə əməliyyatlar aparılıb?" 

Əldə etdiyimiz məlumata görə, anoloji problemlə digər köhnə nömrələrin sahibləri də üzləşir. Görünür, şirkət ya bazasında yeniliklər edərkən nömrələri silib, ya da nömrə satışı xidməti düzgün qurulmayıb. Məhz bu cür problemlərin qarşısını almaq məqsədilə hökumət 2 il öncə “Rabitə müəssisələri (operatorlar) tərəfindən rabitə vasitələrinin satışı və istifadəsi zamanı tələb olunan şərtlərin təsdiq edilməsi haqqında” 2005-ci il 7 iyul tarixli, 131 nömrəli qərara dəyişikliklər edib.

Bu qərar nömrələrin satışının mərkəzləşmiş qaydada, ümumi müddəalara uyğun bütün mobil operatorlar tərəfindən eyni qaydada aparılmasını nəzərdə tuturdu. Hökumət üzərinə düşəni etsə də, "Azercell" eyni qaydada üzərinə düşəni etmək iqtidarında deyil. Ticarətdə isə belə bir qızıl qayda var: "Müştəri hər zaman haqlıdır".  

ŞƏRH YAZ
0

Azərbaycanda "Yehovanın Şahidləri"nin fəaliyyəti məhdudlaşdırılıb? — Səyavuş Heydərovdan AÇIQLAMA

Azərbaycanda
16:53
Bu gün
407
Ölkə
A
Dini Qurumlarla İş üzrə Dövlət Komitəsinin sədr müavini Səyavuş Heydərov "Yehovanın Şahidləri" Avropa Assosiasiyasının sədri Toni Breys və qurumun nümayəndəsi Mariyano Makiyas Quzman ilə görüşüb.

Dövlət Komitəsindən "Ölkə.Az"a verilən məlumata görə, sədr müavini qonaqlara ölkədəki sabit dini durum, nümunəvi tolerantlıq mühiti, eləcə də dinlərarası harmoniya barədə məlumat verib.

O bildirib ki, ölkənin milli, dini xüsusiyyətlərindən irəli gələn tolerantlıq keyfiyyəti xalqın genefondunda özünə yer tapıb. Dinə bəşəri, tolerant və dünyəvi münasibət baxımından Azərbaycan nadir ölkələr sırasında ön sıralarda yer alır. Ölkədə vicdan və dini etiqad azadlığının təmin edilməsinə, dini konfessiyalar arasında əməkdaşlığın genişləndirilməsinə xüsusi diqqət yetirilir. 

S.Heydərov vurğulayıb ki, Azərbaycanda əhalinin böyük əksəriyyətini təşkil edən müsəlmanlarla yanaşı, digər dinlərin mənsublarına da öz inanc və etiqadlarına uyğun yaşamaları üçün bərabər şərait yaradılıb, bütün dini icmalar dövlətin diqqət və qayğısı ilə əhatə olunub.

Görüş zamanı Azərbaycan həqiqətləri barədə də danışan Dövlət Komitəsinin sədr müavini Ermənistanın təcavüzakarlıq siyasətini davam etdirməsinin bütün regionda sülh və sabitliyin təmin edilməsinə, dinlərarası əməkdaşlığın bərqarar olunmasına ciddi problemlər yaratdığını deyib.

Söhbət əsnasında bəzi beynəlxalq hesabatlarda Azərbaycanda "Yehovanın Şahidləri" dini icmasının fəaliyyətinin məhdudlaşdırılması barədə qeyri-obyektiv məlumatların yer aldığı diqqətə çatdırılıb. "Yehovanın Şahidləri" Avropa Assosiasiyasına bu cür qərəzli informasiyalara qarşı obyektiv mövqe nümayiş etdirmələri tövsiyə olunub.

Bakıya yenidən səfər etməsindən məmnunluğunu ifadə edən qurumun sədri Toni Breys Azərbaycanda mövcud olan dini tolerantlıq mühitini yüksək qiymətləndirib. Dini icma üzvlərinin sərbəst fəaliyyətinə görə yaradılan şəraitə, eyni zamanda icmanın rastlaşdığı problemlərin həllində göstərilən dəstəyə görə razılığını ifadə edib. Beynəlxalq hesabatlarda həqiqətə uyğun olmayan məlumatların yayılmasının qarşısının alınması üçün səy göstərəcəklərini bildirib.

ŞƏRH YAZ
0

Bakının mərkəzində yol çökdü — SƏBƏB / FOTO

Bakının mərkəzində yol çökdü
16:40
Bu gün
650
Ölkə
A
Paytaxtın Səməd Vurğun küçəsində yolun səki hissəsi çöküb.

"Ölkə.Az"ın məlumatına görə, ərazidə yeni tikili inşa olunan zaman yolun dayanıqlılığı təmin edilməyib.

Hazırda tikinti şirkəti tərəfindən yolun bərpası işləri davam etdirilir.

"Ölkə.Az" xəbər verir ki, Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli bildirib ki, küçədə eni üç, uzunluğu 60 metr olan sürüşmə qeydə alınıb:

“Ərazidə yeni bina inşa edilir. Yolun dayanıqlığı və geoloji işlər aparılmadan tikinti işlərinə başlanılıb. Yolun sürüşməməsi üçün divar qurulmayıb. Yağış yağdıqda isə sürüşmə qeydə alınıb”.

Anar Nəcəfli qeyd edib ki, hazırda əraziyə dəymiş ziyanın məbləği hesablanır.

Binanı inşa edən şirkətin – “Pilot İnşaat-A” MMC-nin icraçı direktoru Nuran Həsənzadə jurnalistlərə bildirib ki, yolun çökməsi yağışın yağması ilə əlaqəlidir:
“Şirkət tərəfindən tikinti boyunca istinad divarı çəkilib. Fikrimizcə, piyada səkisinin çökməsi yağış sularının borular vasitəsilə axıdılması və müəyyən qədər torpağı yumasıdır.  Nəticədə bu cür hadisə baş verib”.

"Yəni, yağış suları borular vasitəsilə axıdılır, bu da müəyyən qədər torpağı yuyur. Düşünürük ki, sürüşmənin səbəbi budur", - şirkətin  icraçı direktoru Nuran Həsənzadə deyib.

Qeyd edək ki, Azərbaycan Avtomobil Yollarının mətbuat xidməti Anar Nəcəfli yolun dayanıqlığı və geoloji işlər aparılmadan tikinti işlərinin həyata keçirildiyini bildirib.

ŞƏRH YAZ
0
BAĞLA