Azercell-dən #Hədiyyə

Azercell-dən #Hədiyyə
18:27
24.06.2019
915
Ölkə
A
Azercell-in yenilənmiş rəqəmsal məhsullar portfelindən ödənişsiz istifadə imkanı! 
 
Müasir texnologiyalar və effektiv həllər vasitəsilə insan həyatını asanlaşdırmağı hədəfləyən Azercell fəaliyyətində yeni bir dövrə qədəm qoyub. Belə ki, 21 iyun tarixində şirkət yeni brend kimliyini ictimaiyyətə açıqlayıb. Yeni rəqəmsallaşma strategiyası çərçivəsində Azercell,  məhsullar portfelini daha da zənginləşdirərək, abunəçilərə “Zvuk”, “Bookmate”, “TelekomTv“, “BuludCinema” və “IVI” xidmətləri üzrə ödənişsiz premium istifadə imkanı təqdim edir.
“Zvuk” xidməti ilə smartfonunuzda istənilən musiqi parçasını dinləmək və öz play list-inizə əlavə etmək çox asandır. 21 iyun – 30 iyul tarixləri ərzində 7707 qısa nömrəsinə Bonus sözünü göndərməklə, abunəçilər “Zvuk” xidmətindən 30 gün müddətində ödənişsiz istifadə edə bilərlər. 
 
850 000-dən çox kitabla “Bookmate” xidməti sizin sevimli virtual kitabxananıza çevriləcək. Xidmətdən 30 gün ərzində ödənişsiz istifadə imkanından faydalanmaq üçün 21 iyun- 30 iyul tarixləri ərzində 7171 nömrəsinə Bonus sözünü göndərmək lazımdır. 
 
Azercell dünya və yerli kanalları mobil telefonunuza daşıyan “TelekomTV” xidmətindən də ödənişsiz premium istifadə fürsəti təqdim edir. Yararlanmaq üçün 21 iyun -30 iyul tarixləri aralığında 4040 nömrəsinə Bonus sözünü göndərmək kifayətdir.
 
HD formatda təqdim olunan filmləri asanlıqla izləyə biləcəyiniz “BuludCinema” xidmətindən 30 günlük ödənişsiz premium istifadə imkanını əldə etmək üçün 21 iyun-30 iyul tarixləri ərzində 4044 qısa nömrəsinə Bonus açar sözü göndərilməlidir.
 
Azercell məkanından asılı olmayaraq, ən sevilən film və serialları izləyə biləcəyiniz “IVI” xidməti çərçivəsində 10 günlük ödənişsiz premium istifadə imkanı hədiyyə edir. 21 iyun – 30 iyun tarixləri ərzində 3333 nömrəsinə Bonus sözünü göndərməklə, bu fürsətdən yararlanmaq mümkündür.
 
Qeyd edilən xidmətlərə ödənişsiz premium istifadə imkanı yalnız ilk qoşulma zamanı təqdim olunur. Ödənişsiz istifadə üçün ayrılan müddət başa çatdıqda, xidmətə abunəlik dayandırılır və əlavə haqq tutulmur.
 
 “Zvuk”, “Bookmate”, “BuludCinema” və “IVI” xidmətinin tətbiqləri IOS və Android əməliyyat sistemlərini, “TelekomTv” tətbiqi isə yalnız Android əməliyyat sistemini dəstəkləyir. Tətbiqləri müvafiq olaraq, Applestore və ya Google Play vasitəsilə yükləmək mümkündür.
 
Azercell-in yenilənmiş rəqəmsal məhsullar portfelindən ödənişsiz istifadə fürsətini qaçırmayın!
 
Daha ətraflı məlumat üçün news@mcs.az ünvanına müraciət edə bilərsiniz
 
Azərbaycanın mobil rabitə sektorunun lideri və qeyri-neft sektorunun ən böyük vergi ödəyicisi və sərmayəçisi Azercell Telekom MMC 1996-cı ildə təsis edilmişdir. Azərbaycanın mobil rabitə sektorunda 49% bazar payına malik olan Azercell-in şəbəkəsi ölkə ərazisinin 99.1% (işğal altında olan ərazilər istisna olmaqla), əhalinin isə 99,8% əhatə edir. Hazırda 4,5 milyon abunəçi Azercell-in xidmətlərindən istifadə edir. Ölkəyə bir sıra yenilikləri ilk dəfə olaraq məhz Azercell gətirib: GSM texnologiyası, öncədən ödəmə sistemi, mobil internet xidmətləri, metropoliten ərazisində şəbəkənin qurulması, 24/7 Telefon Mərkəzi (*1111), həftənin 7 günü fasiləsiz ön ofis xidmətləri, M2M xidmətləri, 1 nöqtədə 3 xidmət göstərən Azercell Ekspres ofisləri, mobil müştəri xidmətləri, onlayn müştəri xidmətləri və sosial media üzərindən müştəri xidmətləri, mobil elektron imza xidməti “Asan İmza” və s. 2012-ci ildə Azercell ölkədə ilk dəfə 4G xidmətini təqdim etmişdir. Radio siqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, Azercell şəbəkəsi Azərbaycanın mobil operatorları arasında ən yüksək göstəricilər nümayiş etdirmişdir. Azercell ölkədə və MDB məkanında beynəlxalq “İnvestors İn People” İnsana Sərmayə Qızıl Sertifikatına layiq görülən yeganə şirkətdir.
Ölkə.Az
ŞƏRH YAZ
0

Heydər Əliyev Fondu “Azərbaycan” pavilyonuna görə xüsusi mükafata layiq görülüb

Heydər Əliyev Fondu “Azərbaycan” pavilyonuna görə xüsusi mükafata layiq görülüb
18:05
Bu gün
409
Ölkə
A
Heydər Əliyev Fondu Moskva hökumətinin “Moskva restavrasiyası - 2019” müsabiqəsinin xüsusi mükafatına layiq görülüb.

Heydər Əliyev Fondundan "Ölkə.Az"a verilən məlumata görə, bu mükafat Fonda Rusiya paytaxtındakı Xalq Təsərrüfatı Nailiyyətləri Sərgisində “Azərbaycan” pavilyonunun əsaslı bərpa və təmirinin yüksək səviyyədə təşkilinə görə təqdim edilib.

Mükafatı Moskva şəhərinin meri Sergey Sobyanin təqdim edib.

“Moskva restavrasiyası - 2019” mədəni irs obyektlərinin qorunması və təbliği sahəsində ən yaxşı layihə müsabiqəsi artıq 9-cu dəfədir keçirilir. Bu il təşkilatçıya 48 obyekt üzrə 96 ərizə daxil olub.

Qeyd edək ki, Xalq Təsərrüfatı Nailiyyətləri Sərgisində “Azərbaycan” pavilyonu 1939-cu ildə inşa olunub. Moskva hökuməti keçmiş sovet respublikalarına milli pavilyonların bərpası təklifini irəli sürdükdən sonra 2017-cı ildə pavilyon rəsmi olaraq Azərbaycan tərəfinə təhvil verilib və burada Heydər Əliyev Fondunun dəstəyi ilə bərpa işlərinə başlanılıb. Noyabrın 23-də pavilyonun bərpa işlərindən sonra açılış mərasimi keçirilib .

Milli pavilyonumuzda bərpa işləri onun binasının tarixi görünüşü, memarlıq-etnik özünəməxsusluğu saxlanılmaqla həyata keçirilib. Azərbaycan və Rusiya tərəfindən peşəkar memar, bərpaçı-rəssamların iştirakı ilə həyata keçirilən işlər divarlar, mərmər döşəmə, tavan, pəncərə və qapılar, fənərlər və mərmər sütunlar, dekorativ elementlər və digər detallar daxil olmaqla eksteryer və interyeri, bütün sərgi zallarını əhatə edib.

Burada yeddi zalda xalqımızın qədim tarixini, mədəniyyətini, ənənələrini əks etdirən eksponatlarla yanaşı, müstəqil Azərbaycanın tarixi, ölkəmizin iqtisadi-siyasi, humanitar sahələrdəki nailiyyətləri, turizm potensialı barədə məlumatlar əldə etmək mümkündür.

Daimi ekspozisiya zalında milli musiqi, xalçaçılıq, sənətkarlıq nümunələri sərgilənir. Həmçinin pavilyonda Azərbaycanın məşhur rəssamlarının əsərləri təqdim edilir. Pavilyonun ekspozisiya zalında, eyni zamanda, Azərbaycan xalqının ümummilli lideri Heydər Əliyev, Azərbaycan-Rusiya əlaqələrinin genişlənməsində vacib rol oynamış ölkə ziyalıları barədə məlumatlar təqdim olunur.

Burada ayrı-ayrı zallarda müxtəlif mövzularda mühazirə və konfransların keçirilməsi, musiqi proqramlarının, eləcə də turizm zonasında Azərbaycanın turizm imkanları barədə məlumatların təqdimatı nəzərdə tutulur.

“Ticarət evi” zonasında Azərbaycan istehsalı olan məhsullar təqdim edilir.

Kitabxana və oxu zalında müxtəlif kitablar, o cümlədən Heydər Əliyev Fondunun nəşrləri ilə tanış olmaq mümkündür.

ŞƏRH YAZ
0

Fuad Muradov: Ermənilər bir təxribat törədəcəklərsə, on qat cavabını alacaqlar — VİDEO

Fuad Muradov: Ermənilər bir təxribat törədəcəklərsə, on qat cavabını alacaqlar
17:44
Bu gün
787
Ölkə
A
Erməni diasporunun güclü olması şişirdilmiş məsələdir.

"Ölkə.Az"ın məlumatına görə, bunu Yeni Azərbaycan Partiyasının İcra Katibliyində keçirilən mətbuat konfransında Diasporla İş üzrə Dövlət Komitəsinin sədri Fuad Muradov deyib. 

Onun sözlərinə görə, erməni milləti üçün Ermənistan dövləti anlayışı yoxdur:

“Siz heç vaxt bir ermənidən Ermənistana qayıtmaq istədiyini eşidə bilməzsiniz. Ortada böyük bir oyun var. Bu oyunun qanunlarını onlar özləri müəyyən edir. 

Digər tərəfdən, dünyanın aparıcı mətbuat orqnanlarında onların nümayəndələri var. “Böyük Ermənistan” düzəldib vitrinə qoysalar da, əslində, merkantil maraqlar güdürlər. Biz onlarla hər yerdə toqquşuruq. Son illərdə daha çox toqquşuruq. Biz xəbərdarlığımızı etmişik.

Bir daha demək istəyirəm ki, bizim müqəddəs torpaqlarımızla, mədəniyyətimizlə bağlı tərxibat həyata keçirəcəklərsə, 10 qat cavabını alacaqlar. Onlar çalışırlar ki, bu məsələrdə siyasətçilərdən istifadə edib müxtəlif səfərlər təşkil etsinlər. Bunun qarşısı səfirlik, icma üzvləri tərəfindən alınır. 

Bu yaxınlarda Lüksemburqda keçirilən “Qarabağ-Düdelanj” oyununda da biz bunu gördük. O azərbayacanlıları ora heç kim göndərməmişdi. Onlar özləri getdilər və təxribata cavab verdilər”.

ŞƏRH YAZ
0
BAĞLA