Azercell-dən korporativ müştərilərə veb-sayt yaratmaq fürsəti!

Azercell-dən korporativ müştərilərə veb-sayt yaratmaq fürsəti!
11:15
11.07.2019
983
Ölkə
A
Müasir texnologiyalar və rəqəmsal həllərin tətbiqi ilə müştərilərin gündəlik və işgüzar həyatını daha da rahat etməyi hədəfləyən Azercell Telekom bu sıradan olan daha bir yeniliyə imza atıb. Belə ki, şirkət dünyanın rəqəmsal xidmətlərini korporativ müştərilərinə əlçatan etmək məqsədi ilə kiçik və orta sahibkarlar üçün “Business Web” - veb-sayt yaratma xidmətini istifadəyə verib. Bu xidmət vasitəsilə Azercell korporativ müştərilərinə öz bizneslərini veb-sayt kimi rəqəmsal ünsiyyət vasitəsinin köməyilə inkişaf etdirməkdə dəstək olacaq.  
 
Bulud texnologiyaları üzərindən çalışan “Business Web” xidməti çərçivəsində təklif edilən sayt idarəetmə həlli “Windows” və “Mac OSX” əməliyyat sistemlərini dəstəkləyir. Müxtəlif məzmunlu səhifələrin yaradılması üçün ayrı-ayrı tətbiqlərin mövcudluğu saytın idarə olunmasını daha sürətli və effektiv edir.  
 
Yeni yaradılmış xidmət də daxil olmaqla, Azercell-in korporativ abunəçiləri üçün geniş çeşiddə məhsul və həllər təklif etməsi onun etibarlı telekom tərəfdaşı kimi töhfəsini bir daha vurğulayır. 
 
Korporativ abunəçilər business@azercell.com e-mail ünvanına müraciətlərini göndərməklə, Azercell-in yaratdığı bu fürsətdən yararlana bilər. 
Yeni xidmət haqqında daha ətraflı məlumat üçün: https://www.azercell.com/az/corporate/busInessweb/ 
 
Azercell rəqəmsal dünyada sizin biznesinizin inkişafını dəstəkləyir!
 
 
Daha ətraflı məlumat üçün news@mcs.az ünvanına müraciət edə bilərsiniz
Azərbaycanın mobil rabitə sektorunun lideri və qeyri-neft sektorunun ən böyük vergi ödəyicisi və sərmayəçisi Azercell Telekom MMC 1996-cı ildə təsis edilmişdir. Azərbaycanın mobil rabitə sektorunda 49% bazar payına malik olan Azercell-in şəbəkəsi ölkə ərazisinin 99.1% (işğal altında olan ərazilər istisna olmaqla), əhalinin isə 99,8% əhatə edir. Hazırda 4,5 milyon abunəçi Azercell-in xidmətlərindən istifadə edir. Ölkəyə bir sıra yenilikləri ilk dəfə olaraq məhz Azercell gətirib: GSM texnologiyası, öncədən ödəmə sistemi, mobil internet xidmətləri, metropoliten ərazisində şəbəkənin qurulması, 24/7 Telefon Mərkəzi (*1111), həftənin 7 günü fasiləsiz ön ofis xidmətləri, M2M xidmətləri, 1 nöqtədə 3 xidmət göstərən Azercell Ekspres ofisləri, mobil müştəri xidmətləri, onlayn müştəri xidmətləri və sosial media üzərindən müştəri xidmətləri, mobil elektron imza xidməti “Asan İmza” və s. 2012-ci ildə Azercell ölkədə ilk dəfə 4G xidmətini təqdim etmişdir. Radio siqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, Azercell şəbəkəsi Azərbaycanın mobil operatorları arasında ən yüksək göstəricilər nümayiş etdirmişdir. Azercell ölkədə və MDB məkanında beynəlxalq “İnvestors İn People” İnsana Sərmayə Qızıl Sertifikatına layiq görülən yeganə şirkətdir.
ŞƏRH YAZ
0

Bu il Avropadan 1285 azərbaycanlı deportasiya olunacaq

Bu il Avropadan 1285 azərbaycanlı deportasiya olunacaq
01:46
Bu gün
819
Ölkə
A
Bu il Avropadan 1285 azərbaycanlının deportasiya olunacağı gözlənilir.

"Ölkə.Az" xəbər verir ki, bu barədə Dövlət Miqrasiya Xidmətinin rəisi Vüsal Hüseynov Real TV-yə müsahibəsində bildirib.

O deyib ki, bu ilin sonuna qədər Avropadan Azərbaycana 1000 nəfərdən çox şəxs deportasiya olunacaq. Artıq ilkin razılaşma əldə olunub.

Ölkə.Az

ŞƏRH YAZ
0

Şəki sakini Oğuzda qətl törətdi

Şəki sakini Oğuzda qətl törətdi
00:17
Bu gün
1553
Ölkə
A
Oğuz rayonunda qətl hadisəsi törətməkdə təqsirli bilinən Elnur Məmmədovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəmsinə göndərilib.

Cinayət işi hakim Rəşid Hüseynovun icraatına verilib.

Məhkəmə hazırlıq iclası dekabr ayının 2-nə təyin olunub.

Qeyd edək ki, hadisə rayonun Bucaq kəndində qeydə alınıb.

Oğuz rayon Bucaq kənd sakini, 1974-cü il təvəllüdlü Siyavuş Nurəddin oğlu İslamovla Şəki rayon sakini Elnur Məmmədov arasında şəxsi münasibətlər zəminində mübahisə düşüb. Mübahisə zamanı E. Məmmədov S. İslamovu döş qəfəsindən bıçaqlayıb. S. İslamov aldığı xəsarətlərdən hadisə yerində ölüb.

Cinayəti törətməkdə şübhəli sayılan E. Məmmədov saxlanılıb.

Natiq Allahverdiyev
Ölkə.Az

 

ŞƏRH YAZ
0
BAĞLA