“Azərişıq” işıq pulu ilə bağlı açıqlama verdi

“Azərişıq” işıq pulu ilə bağlı açıqlama verdi
12:21
11.08.2018
19499
Ölkə
A
Bu gün "Azərişıq" ASC-nin məsul şəxsləri iyul ayında abonentlərin aylıq elektrik enerjisi sərfiyyatının artması ilə əlaqədar yaranan mübahisələrə aydınlıq gətirilməsi məqsədilə mətbuat konfransı keçirib.

"Ölkə.Az"ın məlumatına görə, tədbirdə çıxış edən “Azərişıq" ASC-nin enerji satışı departamentinin direktorunun birinci müavini Vüqar Nəbibəyli bildirib ki, elektrik enerjisi sərfiyyatının bu ay çox olması ilə bağlı səslənən fikirlər doğru deyil:

"Bir kondisionerin gün ərzində 10 saat işləməsi abonentə bir ay ərzində 70 manata başa gəlir. Məişət avadanlıqlarının hər biri eyni tempdə çalışmadığı üçün sərfiyyat göstəriciləri də fərqlidir. İsti hava şəraiti ilə əlaqədar olaraq saatlarla kondisioner və digər avadanlıqların çalışması enerji sərfiyyatını artırıb. Abonentləri əmin edirik ki, sayğacın göstəricilərinə sistemdən müdaxilə etmək qeyri-mümkündür. Bir kondisionerin gün ərzində 10 saat işləməsi abonentə bir ay ərzində 70 manata başa gəlir. 40 dərəcədən yuxarı temperaturda avadanlıqların yük götürmə qabiliyyəti 1,5 dəfə artır. Həmin avadanlıqların üzərində temperatur intervalı var.
Orada qeyd olunur ki, məsələn, 25-30 dərəcədə bu avadanlıq bir saat ərzində 2,5 kilovatt enerji istehlak edir, havanın temperaturu 40 dərəcə olduqda hər saata 3,5 kilovatt enerji istehlak edə bilər”.

Vüqar Nəbibəyli deyib ki, avadanlıqların özlərini soyutmasına və ya işə düşməsinə də əlavə enerji sərf edilir:

"300 kilovattı 7 qəpikdən, digər sərfiyyatı isə 11 qəpikdən hesablamaqla, aylıq sərfiyyatı müqayisə etmək olar.
Bazada olan məlumata müdaxilə olunarsa, abonent yazılı şəkildə müraciət etmək mümkündür və şəbəkə mütəxəssisi məsələyə aydınlıq gətirəcək.

Nazirlər Kabinentinin qərarı ilə 10 iş günü ərzində şikayətə baxılır, lakin mütəxəssislərimiz maksimum 3-4 gün ərzində abonentlərin problemlərini həll edirlər”.

Vasif Həsənli
Ölkə.Az

ŞƏRH YAZ
2

"Təhsillə bağlı yeni qanun layihəsinin hazırlıqlarına başlanılıb" — İsa Həbibbəyli

22:47
25.03.2019
2058
Ölkə
A
“Ali təhsil haqqında” qanun layihəsinin hazırlıqlarına başlanılıb.

"Ölkə.Az" bildirir ki, bunu oxu.az-a açıqlamasında Milli Məclisin (MM) Elm və təhsil komitəsinin sədri, akademik İsa Həbibbəyli deyib.

“Elm və təhsil komitəsi olaraq növbəti layihə kimi “Ali təhsil haqqında” qanun layihəsini hazırlayacağıq.

Qeyd edim ki, ümumi orta təhsillə bağlı qanun layihəsi ikinci oxunuşdan keçib və martın 29-da keçirilən növbəti plenar iclasda artıq sənəd sonuncu - üçüncü oxunuşda müzakirələrə çıxarılıb qəbul olunacaq. Biz həmin qanun layihəsinin nəticələnməsini gözləyirdik.

Lakin bununla belə, biz indidən yeni qanun layihəsinin hazırlıqlarına başlamışıq”, - deyən İ.Həbibbəylinin sözlərinə görə, adıçəkilən komitənin üzvləri və əməkdaşları ali təhsil sahəsində dünya təcrübəsini öyrənir, lazımi sənədləri əldə edir, ölkə reallıqlarına aid müşahidələr aparır, pedaqoji ədəbiyyatı mütaliədən keçirir. 

“Hesab edirəm ki, yaz aylarında - aprel və ya mayda “Ali təhsil haqqında” qanun layihəsinin hazırlanması ilə bağlı İşçi qrupunu yaradıb, daha konkret işə başlayacağıq. Həmin qanun layihəsini Milli Məclisin payız sessiyasında gündəliyə daxil etməyi daha məqsədəuyğun hesab edirik.

Bununla da 2009-cu ildə qəbul olunan “Təhsil haqqında” qanunda öz əksini tapmış təhsilin bütün pillələri ilə bağlı qanun layihələrini ölkə ictimaiyyətinə, elm və təhsil işçilərinə təqdim etmiş olacağıq”, - deyə komitə sədri əlavə edib.

Ölkə.Az

ŞƏRH YAZ
0

“Bu adam hər şeyini itirib. Arvadı, evi yox. Verdiyim evi də xaraba qoyub” — Kəramətin şair atası

“Bu adam hər şeyini itirib. Arvadı, evi yox. Verdiyim evi də xaraba qoyub”
21:37
25.03.2019
2914
Ölkə
A
"Demişəm Kəraməti tabutuma yaxın qoymayın. Onu zülmlə böyütmüşdüm... Məni o alçaq öldürdü. Ona nifrət edirəm". Ötən gün bu statusu ilə gündəmə gələn şair Qəşəm Nəcəfzadə, bir neçə saatdan sonra məlum statusunu sildi... Statusunun düzgün anlaşılmadığını deyir şair.

"Ölkə.Az" bildirir ki, şair Qəşəm Nəcəfzadə məlum məsələlərlə bağlı news24.az-ın suallarını cavablandırır.

- Dünən sosial şəbəkədə yazdığınız məlum statusun əsas səbəbi nə idi?

- Son on gündür ki, Kəramətə görə təzyiqim qalxıb. İnsanlar evdə hansı problemlərin olduğunu bilmir. Bu səbəbdən məni qınayanlarda oldu ki, niyə oğlu haqqında belə bir şey yazıb. Oğlumu qızışdıranlar var. Kənardan Kəraməti qabağa verib, onun tarixdə qalacağını, dövrümüzün Cəlil Məmmədquluzadəsi, Sabiri olduğunu deyirlər. Onu içki məclislərində öyrədib, hər şeyi yazdırırlar. Hesab edirəm ki, Kəramət nə yazırsa, onların hər birini birtərəfli yazır, deyir. Məsələni araşdırmır. Məsələn, Kəramətin meyxananın kimsəyə lazım olmamasını deməsi düzgün deyil. O, meyxanada olan problemlər barədə - rus sözlərinin işlənməsini, zəif və ya yaxşı meyxana deyənlərin olduğunu deməli idi. İstəməzdim ki, meyxananın hec kəsə lazım olmaması ilə bağlı fikirlərini hörmətli meyxanaçımız Aydın Xırdalanlının dəfn olunduğu gün desin. Bu mənə təsir elədi. Amma yazdığım statusda fikirlərimi təkcə buna görə deməmişdim. Məni o yandırır ki, Kəramət bütün məsələlərdə çox inadkar və cəsarətlidir. Amma bunları səriştəsiz edir. Fikirlərini naşı şəkildə dediyi üçün bu da məndə və bir çoxlarında qıcığa səbəb olur.

- Oğlunuzla aranızda vaxtaşırı belə narazıqlıqlar olur. Ata kimi ona məsləhətlər verirsiniz?

- Ata olanlar məni başa düşməlidir. Kiminsə oğlu onu, arvadını, nəslini söydürsə, kimsə dözməz. Kəramət niyə məni söydürməlidir? Özü də söyənlər küçə adamlarıdır. Hətta bəziləri məni tanıyıb, qəsdlə söyür. Amma bu, oğluma kar eləmir. O, mənim sözümə qulaq asmır! İnsan hər şeyini itirərkən sonuncu gülləsi qalanda onu özünə sıxır. Belə olmaz axı. O, iş yerini, səhhətini, ailəsini, dostlarını qorumalı idi. Bu gün əksər dostları belə ona qarşı çıxır. Kəramət ikinci ailəsindən də ayrılıb. O, dostlarının yanında məndən çox olur. Onlar onun niyə ailəsindən ayrıldığını bilmirlər? Amma onu məndən qoruyurlar...

- Bəs ikinci ailəsindən nə səbəbə ayrıldı?

- İçki ucbatından! Mənim ata kimi nələr çəkdiyimi heç kəs bilmir. Oğul evləndirmişəm ki, bunları yaşayım? İki nəvəmə də həsrətəm. Yanıb yaxılıram. İnsanlar isə əvəzində mənim oğluma qarşı çıxdığımı deyir. Kəraməti məndən çox istəyirlər? Məni qınayanlar çoxdur. Zəng edib deyirlər ki, sizdən gözləməzdik. Kəraməti mənə tərifləyirlər. Amma yaxşı oğlan insanları təhqir etməməlidir. Mənə zəng edib söyürlər ki, oğluna sahib çıx!

- Məlum statusu niyə sildiniz?

- Yaxşı qarşılanmadığını gördüm. İnsanlar məni baş düşmür. Onların əksəriyyəti çox səviyyəsizdir. Səviyyəlilər isə danışmır.

 

- Statusunuzda qeyd etmişdiniz ki, "ölsəm, tabutuma Kəraməti yaxın qoymayın"

- Həmin vaxt çox kövrəlmişdim. Ölmək istəmirəm!.. Gör, məsələ nə dərəcədə ağır olub ki, ata bu sözləri deyib. Ömrüm boyu əxlaqlı müəllim olmuşam. Üç övlad böyütmüşəm. Hər birini evləndirib, evlə təmin etmişəm. Nəvələrim hər gələndə evimizdə toy-bayram olur. Hazırda yoldaşımla ikimiz qalırıq. Ömrüm boyu siqaret və içki içməmişəm, yeddindən gec evə gəlməmişəm. Artıq 60 yaşım tamam olacaq. Bu cür adam yaşının kamil çağında bu sözləri yazırsa, hər adam fikirləşməlidir ki, mən nələr çəkmişəm. Ondan başqa da övladlarım var. Amma şükür ki, çox fərqlidirlər!

Kəramət heç bir tövsiyəyə qulaq asmır. O, tövsiyəyə qulaq assa, mən niyə status yazıram ki? Kəramət nə mənim, nə anasının, nə də qohumların sözünü eşitmir. Elə başa düşməsinlər ki, bunu əvvəl yazdıqlarma görə deyirəm. Xeyr. Ayrı problemlər var. İçki onun ailəsini dağıtdı. Hətta işini, dostlarını belə əlindən aldı. İnsanları təhqir edib söyüşlər söyür. Mənə də bu barədə deyirlər. Olmaz axı belə. Ya müxalifət, ya da iqtidar ol. Daha ortalıqda niyə quyruq bulayırsan? İnsan öz iş yerini qorumalıdır. Hazırda Bakı Dövlət Universitetində işləyir. Heç onun yazdığı statuslar onun işlədiyi yerə yaraşır?

- Kəramət statusunuzdan xəbərdar oldumu? Sizə zəng eləmədi?

- Yox. Mən onunla birdəfəlik qurtarmışam. Ayrı vaxtlarda ata balaya, bala ataya cavabdeh deyil. Belə olanda isə tez deyirlər ki, atadır günahkar. Bizim cəmiyyətimiz məsələnin onlara sərf edən tərəfdən yapışırlar. Kəraməti iki ay müalicə elətdirdim. Lazım olan bütün dərmanları aldım, amma qiymətləndirilmədim.

- Kəramətin eks həyat yoldaşları və övladları ilə münasibətiniz necədir?

- Yaxşıdır. Amma onunla barışmaq istəmirlər. Kəramət özü də istəmir. Nəvələrimi mənə göstərirlər, amma uzaqdadırlar. Nəvələrim bizi istəyir. Burada böyüyüblər, getdikləri yer onlara yaddır. Ata heç vaxt səhv eləməz. Ailəsini dağıtmaz. İkinci həyat yoldaşını boşadığı üçün günah Kəramətdədir. Bu adam fasiləsiz, bütün sutkanı içir. Ayıq vaxtı olmur. Bu insanda qız oturar?

- Şərif Ağayarın dünən sizin yazdıqlarından sonra yazdığı "Qəşəm müəllimə deyən olsa ki, Anar fəxri ad alanların siyahısına səni də salıb, səhhəti düzələcək" statusundan xəbərdarsınız?

- Şərif Ağayar Əlincə Qalasında etibarını itirəndə mənə çoxdan fəxri ad verilmişdi. Dövlətimizə, Anar müəllimə də minnətdaram. Bu ayrı şeylərdir. Cinlə şeytanı qarışdırmasınlar! Kəramət yazıçılıqla məşğul olsaydı, o dini əsərlər, romanlar yazsaydı, kitabların çap etdirsəydi, universitetdən çıxmasaydı, içməsəydi, arvadlarını boşamasaydı və min dənə belə status yazsaydı, deyərdim sənə qurban olum. Onun arxasında olacağımı deyərdim. Amma bu adam hər şeyini itirib. Arvadı, evi yox. Verdiyim evi də xaraba qoyub. Gəl bundan sonra sənə yazdıqlarına görə inansınlar. Əlbəttə ki, ona özü kimi içki düşkünləri inanacaq. Bir atanın övladına edəcəyi hər şeyi onun üçün etmişəm.

Ölkə.Az

ŞƏRH YAZ
0
BAĞLA