"Azərişıq": "Pis hava şəraiti ilə əlaqədar paytaxt və bölgələrin enerji təchizatında ciddi problem olmayıb"

17:15
15.04.2018
3210
Ölkə
A
"Hava şəraitinin qeyri-sabit keçməsinə baxmayaraq, paytaxt Bakıda və regionların elektrik enerjisi ilə təchizatında ciddi problemlər yaranmayıb".

"Ölkə.Az" "Report"a istinadən xəbər verir ki, bu açıqlamanı "Azərişıq" ASC-nin mətbuat xidmətinin rəhbəri Tanrıverdi Mustafayev deyib.

T.Mustafayevin sözlərinə görə, təmsil etdiyi qurum məlum hava şəraiti üçün əvvəldən hazırlıq işləri görüb:

"Ötən gün respublikamızın bəzi dağlıq və dağətəyi ərazilərində küləyin təsirindən elektrik enerjisinin verilişində qısamüddətli fasilə yaranmışdı. Əməkdaşlarımızın operativliyi və sayıqlığı nəticəsində qəzanın nəticələri tez bir zamanda aradan qaldırılıb və elektrik enerjisinin verilişi bərpa edilib. Onu da əlavə edim ki, paytaxt və regionlarda bütün maşın və texnikamız hazır vəziyyətə gətirilib. Baş verə biləcək hər hansı qəzanın yaxud kəsintinin qarşısını almaq üçün əməkdaşlarımız hazırdır".

Ölkə.Az

ŞƏRH YAZ
0

Bakıda qadınların qənimi tutuldu

Bakıda qadınların qənimi tutuldu
19:17
Bu gün
23
Ölkə
A
Yasamal rayonunda qadına qarşı soyğunçuluq edilib.

"Ölkə.Az" xəbər verir ki, Rayon Polis İdarəsinin 29-cu Polis Şöbəsinə müraciət edən zərərçəkən Fazilə Zeynalova naməlum şəxsin onun içərəsində 120 manat və mobil telefon olan çantasının soyğunçuluq yolu ilə ələ keçirdiyini bildirib.

Şöbə əməkdaşlarının həyata keçirdikləri təxirəsalınmaz əməliyyat tədbiri nəticəsində qeyd edilən hadisəni törətməkdə şübhəli bilinən, əvvəllər iki dəfə məhkum olunmuş Göygöl rayon sakini Arif Əliyev saxlanılıb.

Araşdırma zamanı onun Yasamal rayonu ərazisində Validə Vəliyevaya qarşı da soyğunçuluq edərək həmin şəxsin içərisində 200 manat olan əl çantasını aldığı məlum olub. Saxlanılan şəxs ifadəsində törətdiyi cinayəti etiraf edib.

Faktla bağlı 29-cu Polis Şöbəsində toplanan materiallar araşdırılması üçün Yasamal Rayon Polis İdarəsinə göndərilib, istintaq tədbirləri davam etdirilir.

Ölkə.Az

ŞƏRH YAZ
0

Bu marşrutların hərəkət istiqaməti müvəqqəti dəyişdirilir

Bu marşrutların hərəkət istiqaməti müvəqqəti dəyişdirilir
19:02
Bu gün
116
Ölkə
A
Sabahdan 22, 24, 35, 40, 49, 55, 57, 60, 76, 78, 105, 106, 113, 141, 185, 186, 191, 208, 209 və 213 nömrəli müntəzəm marşrut xətti üzrə avtobusların hərəkət sxemində müvəqqəti dəyişiklik ediləcək.

Bu barədə “Ölkə.Az”a Bakı Nəqliyyat Agentliyindən (BNA) bildirilib.

Məlumata görə, dəyişiklik Sabunçu rayonu, Bakıxanov qəsəbəsi, Yavər Əliyev küçəsində aparılan yenidənqurma işləri ilə əlaqədar hərəkətin tam olaraq məhdudlaşdırılması səbəbindən edilib. Qeyd edilən tarixdən bu xətt üzrə avtobuslar alternativ olaraq X.Xasməmmədov və L.Məmmədbəyli küçələrindən keçməklə fəaliyyət göstərəcəklər.

Dəyişiklik məhdudiyyət tam aradan qalxanadək qüvvədə olacaq.

Ölkə.Az

ŞƏRH YAZ
0
BAĞLA