"Azmeat": Məqsədimiz əhalini təzə və bütün gigiyenik qaydalara uyğun ətlə təmin etməkdir

17:23
16.05.2018
1253
Ölkə
A
Azərbaycanın ət istehsalçısı "Azmeat Production" MMC Azərbaycanda halal kəsim qaydalarına əməl etməklə yanaşı, bütün növ beynəlxalq standartlara uyğun fəaliyyət göstərir.

"Ölkə.Az" xəbər verir ki, bunu "Report"a açıqlamasında şirkətin direktoru Firəngiz Elyazova deyib.

"Məqsədimiz əhalini təzə və bütün gigiyenik qaydalara uyğun ətlə təmin etməkdir"

Onun sözlərinə görə, rəhbərlik etdiyi şirkət 2017-ci ilin may ayından fəaliyyətə başlayıb və məqsədi əhalini təzə, bütün gigiyenik qaydalara uyğun ətlə təmin etməkdir: "Azmeat"də peşəkar mütəxəsislər fəaliyyət göstərir. Şirkət iri və xırda buynuzlu heyvanların halal yolla kəsimini həyata keçirən iki ayrı-ayrı xətdən ibarət, alman texnologiyası əsasında qurulmuş müəssisədir. Kəsimə daxil olan heyvanlar mütləq baytarlıq sertifikatı, sağlam olmaları barədə arayışla qəbul edilir. Kəsim prosesinə və hazır məhsulun müştəriyə çatdırılmasına baytar həkimi nəzarət edir. "Azmeat" qida təhlükəsizliyinin idarə edilməsi sistemi üzrə beynəlxalq "İSO 22000:2005" sertifikatına malikdir".

"Qida Təhlükəsizliyi Agentliyi ilə əməkdaşlıq edəcəyik"

"Hesab edirəm ki, heyvanların düzgün kəsilməsi qida təhülkəsizliyinin ən ümdə vəzifələrindən biridir. Yeni yaradılmış Qida Təhülükəsizliyi Agentliyi ilə qarşılıqlı əməkdaşlıq edəcəyimizə ümid edirəm. Düşünürəm ki, həm onlar bizə, həm də biz onlara kömək edəcəyik ki, Bakının küçələrində heyvan kəsiminin qarşısını alaq. Çünki bu, antisanitariyadır. Müəssisənin gücü çatır ki, bütün Bakıya heyvan kəsimi xidməti göstərsin. 3 böyük soyuducu kameramız mövcuddur. Vakuum paketlənməsi və məhsulun çeşidlənərək əhaliyə çatdırılması üçün şəraitimiz var. Bir növbədə - 8 saat ərzində 400-500 xırda və 100-150 iri buynuzlu heyvanın kəsilməsi, emal edilib soyuducuda saxlanılması mümkündür", - deyə F.Elyazova bildirib. 

"Yerli fermalardan heyvan alırıq"

Şirkət rəhbərinin sözlərinə görə, "Azmeat" istehlak bazarında yeni olsa da, artıq bir neçə böyük supermarketlər şəbəkəsi ilə əməkdaşlıq edir: "Belə ki, müəssisədə kəsilmiş təzə soyudulmuş ətin "Azmeat" brendi altında birbaşa satışı həyata keçirilir. Həmçinin, şirkət bir neçə restoranı da ətlə təchiz edir. Yerli bazarın təlabatını ödəmək üçün Azərbaycanda fəaliyyət göstərən orta və iri fermalarla yaxından əməkdaşlıq edirik, heyvan alırır. "Azmeat"ın istehsal sahəsi Bakının Sabunçu rayonunun Zabrat qəsəbəsində, logistik baxımdan münasib ərazidə yerləşir: "Bu, diri heyvanların şəhərin  mərkəzinə daxil olmadan müəssisəyə daşınmasına şərait yaradır. Müəssisənin imkanlarından həm də kənar fiziki və hüquqi şəxslər də istifadə edə bilərlər. Yəni, başqa sahibkarlara məxsus heyvanlar da burada kəsilərək soyudula və maşınlarımız vasitəsilə lazımi ünvanlara çatdırıla bilər". 

"Steyk ətlərin istehsalına başlayacağıq"

"Azmeat" yaxın vaxtlarda steyk ətlərin istehsalına başlamağı planlaşdırır. F.Eyvazova deyir ki, müəssisədə ətin dondurulması və çeşidlənməsi üçün aparatlar sifariş verilib: "Bu yaxınlarda həmin aparatları alacayıq. Biz steyk ətini təcrübədən keçirmişik".

"İrana ət ixrac edirik, BƏƏ-yə ixracla bağlı danışıqlar aparırıq"

"Azmeat" hazırda Bakıda keçirilən Azərbaycan Beynəlxalq Qida Sənayesi “WorldFood Azerbaijan 2018” sərgisinin iştirakçılarından biridir. Şirkət rəhbərinin sözlərinə görə, sərgini ziyarət edənlərin onların stendinə marağı böyüküdür: "Sərgi çərçivəsində yeni tərəfdaşların tapacağımıza ümid edirik".

O, həmçinin bildirir ki, hazırda "Azmeat" qonşu İrana ət ixrac edir, Birləşmiş Ərəbə Əmirliklərinə (BƏƏ) ixracla bağlı isə danışıqlar aparır: "İran İslam Respublikası bizim müəssisəyə lisenziya verib. Hazırda isə BƏƏ-nin Ekologiya və Nəzarət Nazirliyi ilə əməkdaşlıq edirik. Onların nümayəndələri "Azmeat"də olub. Lisenziya aldıqdan sonra bu ölkənin də bazarına çıxmağı planlaşdırırıq". 

ŞƏRH YAZ
1

Zakir Həsənov yeni istifadəyə verilən obyektlərlə tanış oldu

Zakir Həsənov yeni istifadəyə verilən obyektlərlə tanış oldu
18:39
Bu gün
279
Ölkə
A
Azərbaycanın müdafiə naziri, general-polkovnik Zakir Həsənov yeni istifadəyə verilən hərbi təyinatlı obyektlərin açılışında iştirak edib.

Müdafiə Nazirliyindən "Ölkə.Az"a verilən məlumata görə, Ali Baş Komandan İlham Əliyevin göstərişinə əsasən mühəndis-istehkam hərbi hissələrinin yerinə yetirdiyi vəzifələr, bu bölmələrin texniki baxımdan təkmilləşdirilməsi və döyüş potensialının artırılması üçün müasir texnikalar alınaraq qoşunların təminatına verilib. Hərbi əməliyyatların mühəndis təminatının yerinə yetirilməsi zamanı tətbiq olunan müxtəlif növ texnikanın saxlandığı park, şəxsi heyətin hazırlığı üçün nəzərdə tutulan taktiki sinif otaqları və digər inzibati tikililər müvafiq avadanlıqlar və əyani təbliğat vasitələri ilə tam təchiz edilib.

Sonra Müdafiə Nazirliyinin rəhbərliyi Kimya Qoşunlarının üzərinə düşən tapşırıqların xüsusiyyətləri nəzərə alınmaqla yeni istifadəyə verilən qərargah, əsgər yataqxanası, yeməkxana və xüsusi texnikanın saxlandığı parkla tanış olub. Qeyd olunub ki, yaradılan şərait şəxsi heyətin kimya təminatı tapşırıqlarını daha keyfiyyətlə yerinə yetirməsinə müsbət təsir göstərəcək.

General-polkovnik Z.Həsənov hər iki qoşunların komandanlığı qarşısında döyüşə hazırlıq səviyyəsinin artırılması və döyüş vasitələrinin effektiv istifadəsi ilə bağlı müvafiq tapşırıqlar qoyub. 

Ölkə.Az

ŞƏRH YAZ
0

Əli Abdalov Mehman Hüseynovla barışdı — VİDEO

Əli Abdalov Mehman Hüseynovla barışdı
18:23
Bu gün
548
Ölkə
A
Penitensiar Xidmətin 14 saylı cəzaçəkmə müəssisəsinin Rejim-nəzarət şöbəsinin böyük inspektoru, ədliyyə leytenantı Əli Abdalov həbsdə olan bloqqer Mehman Hüseynovla barışıb.

"Ölkə.Az" Report-a istinadən xəbər verir ki, bununla bağlı videoda Ə.Abdalov və M.Hüseynov arasında səmimi söhbət aparıldığı görünür.

Xatırladaq ki, M.Hüseynov 2017-ci ilin martın 3-dən həbsdədir. O, Suraxanı Rayon Məhkəməsinin qərarı ilə 2 il müddətinə azadlıqdan məhrum edilib. Qərar Nəsimi rayon Polis İdarəsinin rəisi Musa Musayevin xüsusi ittiham qaydasında etdiyi şikayət əsasında çıxarılıb. Bloqqer Cinayət Məcəlləsinin 147.2-ci (böhtan, ağır və ya xüsusilə ağır cinayətdə ittiham etməklə böhtan atma) maddəsi ilə ittiham olunub.

Ötən il dekabrın dekabrın 26-da isə Penitensiar Xidmət açıqlama yayaraq bildirib ki, 14 saylı cəzaçəkmə müəssisəsində plan üzrə aparılan növbəti ümumi axtarış-baxış tədbirləri zamanı məhkum Hüseynov Mehman Rafiq oğlu müəssisənin Rejim-nəzarət şöbəsinin böyük inspektoru, ədliyyə leytenantı Abdalov Əli Ələddin oğlunun qanuni tələblərinə tabe olmayaraq ona qarşı zor tətbiq edib, fiziki müqavimət göstərərək sonuncuya bədən xəsarəti yetirib, xidməti otaqda olan əşyaları dağıdaraq sındırıb. Bu faktla bağlı Bakı şəhəri Qaradağ Rayon Prokurorluğunda Cinayət Məcəlləsinin 315.2-ci maddəsi (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etməklə müqavimət göstərmə) ilə cinayət işi başlanmışdı.

Bir qrup hüquq müdafiəçisi, eləcə də Penitensiar Xidmətin 14 saylı cəzaçəkmə müəssisəsində cəza çəkən Mehman Hüseynov onun barəsində aparılan istintaqın obyektivliyinin təmin edilməsi üçün dövlət başçısına müraciət edib.

Azərbaycan Respublikasının Prezidenti İlham Əliyev hər zaman olduğu kimi ədalət və humanizm prinsiplərini önə çəkərək həmin müraciətləri nəzərə alıb və cinayət işi üzrə araşdırmanın obyektiv aparılması, ədalətli və humanist qərar qəbul olunması üçün qanunla nəzərdə tutulmuş bütün zəruri tədbirlərin görülməsini Azərbaycan Respublikasının Baş prokuroruna tövsiyə edib. Azərbaycan Respublikasının Prezidentinin tövsiyələrinə uyğun olaraq Azərbaycan Respublikasının Baş prokuroru tərəfindən istintaq orqanına M.Hüseynovun barəsində hazırda istintaq olunan cinayət işi üzrə müvafiq tapşırıqlar verilib. İstintaq orqanı tərəfindən M.Hüseynovun gənc olduğu, cəza çəkdiyi müddətdə intizam məsuliyyətinə cəlb edilmədiyi, islah olunma yoluna qədəm qoyduğu, ailəsində qayğıya ehtiyacı olan yaşlı və tək yaşayan atasının olduğu, törətdiyi cinayətin az ağır cinayətlər kateqoriyasına aid olmaqla, hazırda onun əməlinin və şəxsiyyətinin cəmiyyət üçün təhlükəli olmadığı nəzərə alınaraq, M.Hüseynov barəsindəki cinayət işinin icraatına xitam verilib.

ŞƏRH YAZ
0
BAĞLA