KORONAVİRUSA YOLUXANLARIN SAYI - CANLI STATİSTİKA

AzTV doqquz işçisini qovdu — ŞOK SƏBƏB

AzTV doqquz işçisini qovdu
16:19
22.05.2020
7800
Ölkə
A
AzTV-də işdən çıxarılan 9 sürücü şirkətdən yanacaq oğurluğu edib. Bu, konkret faktlarla sübuta yetirilib. Hazırda AzTV bu barədə (8 nəfər haqqında) Səbail Rayon Polis İdarəsinə və (1 nəfər haqqında) Laçın Rayon Məhkəməsinə müraciət edib.

"Ölkə.Az" xəbər verir ki, bu barədə Azərbaycan Televiziya və Radio Verilişləri QSC-nin Sosial media və ictimaiyyətlə əlaqələr şöbəsindən məlumat verilib.

“Bu gün ölkədə aparılan kütləvi təmizləmə və korrupsiyaya qarşı mübarizə fonunda həmin adamları işdə saxlamaq qanunu pozmaq deməkdir. Bəli, karantin dövründə kimisə işdən azad etməmək barədə dövlətin müraciəti və konkret göstərişləri var. Amma bu, o demək deyil ki, kimsə çalışdığı iş yerindən oğurluq edə bilər. Özü də müraciətdə adları çəkilən bəzi sürücülər təxminən 1 il əvvəl də maşından yanacaq çəkdiklərinə görə əməkdaşlar tərəfindən tutulub. Amma izahatları alınaraq töhmət verilib və işə qaytarılıb. Lakin yenidən bu əmələ at atıblar. Hazırda iş üzrə araşdırma gedir və nəticə olan kimi AzTV bu barədə özü mediaya açıqlama verəcək”, - şöbədən bildirilib.

Qeyd edək ki, mətbuatda AzTV-nin 9 sürücüsünün böhtan atılaraq işdən çıxarıldığını iddia etməsi və bununla bağlı I vitse-prezidentə müraciət ünvanlaması barədə məlumat yayılıb.

ŞƏRH YAZ
0

Azərbaycanlı jurnalist koronavirusdan sağaldı — FOTO

Azərbaycanlı jurnalist koronavirusdan sağaldı
00:58
Bu gün
1527
Ölkə
A
Azərbaycanlı idman jurnalisti Anar Cəfərsoy koronavirusa qalib gəlib.

"Ölkə.Az" qafqazinfo-ya istinadən xəbər verir ki, bu barədə jurnalist sosial şəbəkədə məlumat paylaşıb. A.Cəfərsoy sağalması üçün göstərdikləri dəstəyə görə Tibb Universitetinin Tədris Terapevtik Klinikasının tibb işçiləri heyətinə təşəkkür edib.

O bildirib ki,  immunitet sistemini gücləndirmək üçün dərmanlardan, təbii qidalardan istifadə edir:

“Koronavirus orqanizmə ciddi təsir edib, çəkim də azalıb. Həkim məsləhətinə əsasən, immuniteti gücləndirmək üçün dərmandan, təbii qidalardan istifadə etməyə davam edirəm”.

Qeyd edək ki, jurnalistin 69 yaşlı anası Zöhrə Cəfərova mayın 28-də koronavirusdan Mərkəzi Neftçilər Xəstəxanasında vəfat edib.

Xatırladaq ki, Anar Cəfərsoy mayın 22-də koronavirusa yoluxduğunu bildirmişdi.

Ölkə.Az

ŞƏRH YAZ
0

Azərbaycanda koronavirusdan sağalmış şəxs digər sağalanlara müraciət etdi — VİDEO

Azərbaycanda koronavirusdan sağalmış şəxs digər sağalanlara müraciət etdi
00:18
Bu gün
1574
Ölkə
A
Azərbaycanda koronavirusa qalib gəlmiş şəxslər digər pasiyentlərin sağalması üçün artıq plazma verməyə başlayıblar.

"Ölkə.Az" xəbər verir ki, ölümlə yaşam arasında mübarizə aparıb sağlamlıqlarına qovuşmuş həmin şəxslərlə bağlı “Xəzər” televiziyası reportaj hazırlayıb.

Paytaxtdakı xəstəxanaların birində çalışan və qulluq etdiyi pasiyentlərin birindən virusa yoluxan İsmayıl Əliyev də qan verərək xəstə insanların sağalmasına kömək olmağa çalışıb.

O, digər sağalan şəxsləri bu addımı atmağa çağırıb.

ŞƏRH YAZ
1
BAĞLA