“Azyaşlı qızlar hamilə qalırdı” — İŞİD-in mamaçasından ŞOK AÇIQLAMA

“Azyaşlı qızlar hamilə qalırdı”
13:28
26.04.2018
11948
Dünya
A
ABŞ-ın “Washington Post” qəzeti bir müddət İŞİD-in paytaxtı Rakkada terror qruplaşmasının mamaçası kimi işləyən 66 yaşlı Samirə əl-Nasrdan müsahibə alıb.

 “Ölkə.Az” xəbər verir ki, Nasr İŞİD-in iç üzündən danışıb.

Samirə  bildirib ki, İŞİD terrorçuları öz ailələri və uşaqlarına da qarşı laqeyd davranırlar.

Mamaça İŞİD terrorçuları ilə evlənən gənc qadınlar barədə məlumat verib:

“Bir türk cütlük gəldi. Kişi İŞİD terrorçusu, qadın isə arvadı idi. Doğuşdan sonra uşağa hərbi geyim geyindirmək istədilər. Mən bunu gördüm və şok oldum. Uşağın cildinin həssas olduğunu söyləyərək onlara təkid etdim. Atası isə uşağın gələcəkdə İŞİD-ə qoşulacağını bildirdi.
Nasr terrorçuların etinasız və cani olduqlarını bildirib:

“3 il ərzində taksi ilə İŞİD terrorçularının evinə getdim. Bir çoxu xarici idi və bu etdiklərimdən qürur duymuram. Qadınlara dərman və ağrıkəsici vermək qadağan edilmişdi. Qadınlar saatlarla sancı çəkərək uşaq dünyaya gətirirdilər. Rakkada normal doğuşlardan 20, qeysəriyyə əməliyyatından isə 50 dollar alırdım. Terrorçuların arvadları əsasən uşaq yaşda olurdu və fərqli ölkələrdən gəlirdi. Tunis, Səudiyyə Ərəbistanı, Misir, Yəmən, Somali, Mərakeş, İrlandiya, Fransa, Almaniya, Rusiya, Türkiyə və bilmədiyim bir çox ölkədən hamilə qadın gördüm. Suriyadan gələn hamilələrin çoxu uşaq yaşlarında idi. Ən böyüyünün 15, ən kiçiyinin 13 yaşı var idi”.

Hikmət Həsənov
Ölkə.Az

ŞƏRH YAZ
2

İraqda 15 İŞİD terrorçusu məhv edildi

İraqda 15 İŞİD terrorçusu məhv edildi
18:47
Bu gün
716
Dünya
A
İraq ordusu Ənbər vilayətində anti-terror əməliyyatları keçirir.

“Ölkə.Az” xəbər verir ki, İraqın qərbində yerləşən bu vilayətdə İŞİD terror qruplaşmasının gizli hücrə evləri yerləşir.

Akaşat rayonunda İraq hərbçiləri 15 terrorçunu məhv edib. Bu barədə ordunun mətbuat xidməti məlumat yayıb.

“İraq ordusu bu gün ölkənin qərbində yerləşən Ənbər vilayətindəki Akaşat rayonundakı mağarada 15 İŞİD terrorçusunu məhv edib”, - deyə məlumatda deyilir.

Hərbçilər və yerli sakinlər arasındakı itkilər barədə məlumat verilmir.

Hikmət Həsənov
Ölkə.Az

ŞƏRH YAZ
0

Pakistanın sabiq baş naziri azadlığa buraxıldı

Pakistanın sabiq baş naziri azadlığa buraxıldı
17:39
Bu gün
758
Dünya
A
Pakistanın həbsdə olan keçmiş baş naziri Navaz Şərif, qızı Məryəm Navaz və kürəkəni Məhəmməd Səfdər haqqında şərti azadlıq qərarı çıxıb.

 “Ölkə.Az” xəbər verir ki, İslamabadın Ali Məhkəməsi Şərif, qızı və kürəkəninin etirazını müzakirə edib. Sözügedən şəxslərlə bağlı həbs qərarını verən Milli Hesabat Bürosu (NAB) prokuroru Əkrəm Kureyşinin təqdim etdiyi faktların yetərsiz olduğu qənaətinə gələn hakimlər şərti azadlıq qərarı veriblər.

Məhkəmənin qərarı Adiala həbsxanasına çatdıqdan sonra Şərif hər biri üçün 500 min rupi (6500 manat) ödəyərək qızı və kürəkəni ilə birlikdə azadlığa çıxacaq. Ali Məhkəmə isə “NAB”ın verdiyi həbs qərarlarını yenidən nəzərdən keçirəcək.

Qeyd edək ki, Şərifin Panamadakı “off shore” hesablarına aid məlumatlar üzə çıxmışdı və 2017-ci ildə Konstitusiya məhkəməsi tərəfindən vəzifədən uzaqlaşdırılmışdı. Ona qarşı mənbəyi bəlli olmayan pul ilə sərmayə qoymaq, satın almaq iddiası ilə korrupsiya və rüşvət ittihamı irəli sürülmüşdü.

Hikmət Həsənov
Ölkə.Az

ŞƏRH YAZ
0
BAĞLA