Azyaşlının gözü qarşısında anasını öldürənin cinayət işi — TƏFƏRRÜAT

Azyaşlının gözü qarşısında anasını öldürənin cinayət işi
16:25
17.04.2018
1298
Hadisə
A
Sevgilisini ayağı ilə boğaraq öldürən kişinin cinayət işi Bakı Ağır Cinayətlər Məhkəməsinə göndərilib.

“Ölkə.Az”ın məlumatına görə, cinayət məcəlləsinin 120.2.4-cü maddəsi ilə təqsirli bilinən Şaqalıyev Fərhad Cənnət oğlunun məhkəmə prosesinə hakim Azad Məcidov sədrlik edəcək. 

İttiham aktına görə, 2017-ci il oktyab ayının 25-də Sabunçu rayonu Bakıxanov qəsəbəsi Adil Əlibabayev küçəsindəki mənzildə paytaxt sakini, 1968-ci il təvəllüdlü Şaqaliyev Fərhad Cənnət oğlu qeyri-rəsmi nikah münasibətlərində olduğu, 1982-ci il təvəllüdlü Sadıqova Gülnarə Xanış qızını boğaraq öldürüb. 49 yaşlı kişi yerə yıxılmış sevgilisinin boğazına ayağını dirəyərək onun nəfəsini kəsərək öldürüb.

Bildirilir ki, hadisə vaxtı F.Şaqaliyev sərxoş vəziyyətdə olub. Belə ki, o, bir müddət əvvəl tanış olduğu Şamaxı sakini Gülnarə Sadıqova ilə sevgili həyatı yaşamağa başlayıb və Bakıxanov qəsəbəsində kirayə mənzil tutub. Ailəli, 2 uşaq atası olan Fərhad tez-tez həmin mənzildə sevgilisi ilə görüşüb. Lakin qadın sevgilisinin onunla daha çox vaxt keçirməyini, ona daha çox diqqət ayırmasını tələb edib. Bu səbəbdən də onlar arasında tez-tez münaqişələr yaşanıb. Növbəti dəfə eyni mövzuda mübahisə yaşanıb və F.Şaqaliyev sevgilisini döyüb. Yerə yıxılan qadının onu söydüyünü görən kişi ayağını onun boğazına dirəyərək boğub.

Hadisə Gülnarə Sadıqovanın az yaşlı oğlunun gözü qarşısında baş verib. Qətldən sonra Fərhad Şaqaliyev azyaşlı uşağı da götürərək Sabunçu rayon Polis idarəsinə gəlib. O könüllü təslim olaraq törətdiyi hadisə barədə məlumat verib. Araşdırmalar zamanı müəyyən edilib ki, Fərhad Gülnarənin 3-cü həyat yoldaşıdır. Hadisəni törədən F.Şaqaliyev isə kiçik sahibkardır.

ŞƏRH YAZ
0

Paytaxtda yaşayış binasında təhlükə aradan qaldırıldı

Paytaxtda yaşayış binasında təhlükə aradan qaldırıldı
23:35
22.03.2019
301
Hadisə
A
Paytaxtda yaşayış binasında təhlükə aradan qaldırıldı.

Trend-in Fövqəladə Hallar Nazirliyinin saytına istinadən məlumatına görə, Bakı şəhərinin Nərimanov rayonunda doqquzmərtəbəli yaşayış binasının xarici divarına bərkidilən metal vərəqə asılı vəziyyətdə qalıb. Ərazidən keçən insanların təhlükəsizliyinin təmin olunması məqsədilə Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Xilasedicilər asılı vəziyyətdə qalan metal vərəqəni divara bərkidib və müvafiq təhlükəsizlik tədbirləri həyata keçiriblər.

Ölkə.Az

ŞƏRH YAZ
0

Kürdəmirdə yol qəzası: 2 nəfər xəsarət aldı

Kürdəmirdə yol qəzası: 2 nəfər xəsarət aldı
20:28
22.03.2019
377
Hadisə
A
Kürdəmir rayonunda 2 nəfərin xəsarət alması ilə nəticələnən yol qəzası baş verib.

"Report"un Mərkəzi Aran bürosunun məlumatına görə, hadisə Bakı-Qazax avtomobil yolunun 212 km-də qeydə alınıb.

Belə ki, "VAZ-2106" və "VAZ-21099" markalı minik avtomobillərinin toqquşması nəticəsində rayonun Qarabucaq kənd sakinləri - 1990-cı il təvəllüdlü Vüqar Mahmud oğlu Mehdiyev və 2001-ci il təvəllüdlü Pünhan Şöhrət oğlu Allahverdiyev müxtəlif dərəcəli bədən xəsarətləri alıb.

Yaralılar Kürdəmir Rayon Mərkəzi Xəstəxanasının Travmatologiya şöbəsinə yerləşdiriliblər.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA