B12 vitamininin çatışmazlığını necə bilmək olar? — Əlamətləri

B12 vitamininin çatışmazlığını necə bilmək olar?
10:17
10.09.2019
4371
Maraqlı
A
B12 vitamininin çatışmazlığı, bədən və sinir sisteminin sağlamlığına ciddi təsir edir. Bu çatışmamazlıq ayrıca bir çox xəstəliyin yaranmasına da səbəb ola bilir. Xalq arasında unutqanlıq əlaməti ilə də bilinir. Yaxşı bəs, B12 vitamininin çatışmazlığını necə anlaya bilərik?

B12 vitamini suda həll olması səbəbi ilə istifadə olunduqdan sonra çox hissəsi sidik vasitəsilə orqanizmdən xaric olunur. Sinir sisteminin sağlamlığı və qırmızı qan hüceyrələrinin yaranması üçün vacib olan vitaminlərdən biridir. Beyin, saç, dırnaq və mədə-bağırsaq sistemi üçün önəmlidir. Vitaminin çatışmazlığını dəqiq öyrənmək üçün qan testi yoxlanılması mütləqdir.

B12 vitamini ən çox heyvan mənşəli qidalarda olur. Toyuq, digər quş ətləri, qırmızı ət, süd, yumurta, balıq və dəniz məhsullarını buna misal gətirmək olar.

Bu vitamin bədənin tarazlığının qorunması üçün həddən artıq lazımlı vitamindir.

B12 VİTAMİN ÇATIŞMAZLIĞININ ƏLAMƏTLƏRİ HANSI HALLARDA VƏ HANSI İNSANLARDA MÜŞAHİDƏ OLUNUR?

Vegeterian olan insanlarda;

Yaşı 50 dən yuxarı olan insanlarda;

Mədə-bağırsaq sistemi xəstəliyi;

Arıqlamaq üçün mədə kiçiltmə əməliyyatı olan insanlarda;

Mədənin şirə ifraz etmədiyi zamanlarda;

Hamilələrdə və iştah problemi olan uşaqlarda;

Spirtli içkidən həddən artıq istifadə edən insanlarda;

 

B12 VİTAMİNİNİN ÇATIŞMAZLIĞI NƏLƏRDİR?

Qan azlığı;

Halsızlıq;

Qarabasma hallarının müşahidə olunması;

Fikrini toplamaqda çətinlik çəkmək və diqqət dağınıqlığı;

Yaddaş problemi və unutqanlıq;

Dildə şişkinlik və iltihablanma;

Rəngin saralması və ya rəngində solğunluq;

Gücsüszlük;

Görmə qabiliyyətinin pozulması;

Qol və ayaqda keyimə;

Tarazlığın pozulması və yeriməkdə çətinlik;

Nəfəs darlığı;

Dad bilmə qabiliyyətinin itməsi;

Qəbizlik və ishal;

Nərmin

Ölkə.Az

ŞƏRH YAZ
0

Rusiyalı məmurun Azərbaycanda “Şokolad vannası” üçün xərclədiyi məbləğ — AÇIQLANDI - FOTO

Rusiyalı məmurun Azərbaycanda “Şokolad vannası” üçün xərclədiyi məbləğ
23:40
17.09.2019
2492
Maraqlı
A
Rusiyalı məmurun Azərbaycanda qəbul etdiyi naftalanlı "şokolad vannası"nın qiyməti açıqlanıb.

“Ölkə.Az” bizimyol.info-ya istinadən xəbər verir ki, keçdiyimiz günlərdə Ulyanovsk vilayətinin qubernatorunun məsləhətçisi Svetlana Openışeva Azərbaycanda yerləşən sanatoriyaların birində qəbul etdiyi "şokolad vannası"nda "selfi" çəkərək instagramda paylaşıb.

Azərbaycan sanatoriyalarından əldə olunan məlumata görə, 5 ulduzlu hoteldə müalicəvi "şokolad vannası"nın 1 həftə dəvam edən proseduru, gündə 3 dəfə yemək daxil olmaqla ən az 1099 manatdır.

Qeyd edək ki, Svetlana izləyicilərindən paylaşdığı şəklə görə üzr istəyib.

Ölkə.Az

ŞƏRH YAZ
0

"Bu ölkə yox olacaq..." — Gerçəkləşməyə başlayan Vanqanın proqnozları

12:06
17.09.2019
14598
Maraqlı
A
Bolqar görücü Vanqanın proqnozları özünü doğrultmağa başladı.

"Ölkə.Az" xəbər verir ki, KİV-lər əfsanəvi Bolqar görücü Vanqinin proqnozlarını yayıblar. 

Piterburger.ru saytının məlumatına görə, görücü Suriyadakı hərbi münaqişəni nəzərdə tutub.  Bu həqiqət nəşrə görə, qorxunc görünür, çünki Vanqa bundan sonra üçüncü dünya müharibəsinin başlayacağını və Avropanın tamamilə yer üzündən silinəcəyini söyləyib.

Həmçinin, ABŞ-ın mövcudluğuna da son qoyulacaq. Bundan başqa, o, Çinin dünya fövqəl dövləti statusunu alacağını və yerin üzərindən uça biləcək nəqliyyatın nə ilə icad ediləcəyini də proqnozlaşdırıb.

Onun sözlərinə görə, Rusiyada iqtisadi problemlər olacaq, amma nəticədə Rusiyadan bir hökmdar dünyanı xilas edəcək. Bundan əlavə, o, neftin əhəmiyyətini itirəcəyini və vaxt keçdikcə hasilatın dayandırılacağını proqnozlaşdırıb.

Portalın yazdığına görə, yəqin ki, bunun səbəbi yeni yanacaq növünün açılması olacaq ki, bunun da nəticəsində ölkələr arasındakı münasibətlərdə təcavüz aradan qalxacaq.

Müşfiq Məmmədov
Ölkə.Az

ŞƏRH YAZ
0
BAĞLA