"Bacı bacının balasını bu günə qoyarmı?" deyən baldızının Arif Əsgərova deyəcəkləri var...

11:41
10.12.2018
2603
Ölkə
A

Azərbaycan cəmiyyəti çağdaş dönəmin ən ağrılı və humanitar böhranını yaşayır desək, yanılmarıq. Əsrlərlə qürrələndiyimiz və dünyaya fəxrlə bəyan etdiyimiz ailə institutu bəlkə də son minilliyin ən fəlakətli mərhələsini yaşayır. Çoxları ailələrin dağılmasının, qadına qarşı şiddət və çeşidli səbəblərdən qaynaqlanan intihar hallarının artmasının əsas baiskarını telekanalların az qala fahişələyi və xəyanəti təbliğ etməsində, sosial şəbəkələrdə yaşanan rəzalətdə axtarsa da etiraf edilməlidir ki, ən böyük günahkar Rəbbimizin ən ali varlıq kimi yaratdığı bəndələrinin bəzən insanlığa yaraşmayan davranışlar sərgiləmələridir. 

"Ölkə.Az" moderator.az-a istinadən xəbər verir ki, indi bəhs edəcəyimiz ailə faciəsi də oxucularımız üçün yeni deyil və son bir neçə ildə dəfələrlə xəbər saytlarında, sosial şəbəkələrdə, telekanallarda işıqlandırılıb. "Azərbaycan Dəmir Yolları"nın keçmiş rəhbəri Arif Əsgərovun ailəsində, daha doğrusu, yaxın çevrəsində yaşananlar da az qala bir teleserialın mövzusu olacaq dəhşətli ailə faciəsidir. A.Əsgərovun baldızının oğlu Rahib Hüseynovun törətdiyi cinayət, yəni heyrətamiz ssenari ilə yüzlərlə imkanlı adamın etibarından sui-istifadə edərək 10 milyonlarla dollar dəyərində dələduzluq etməsi, əməlləri ifşa olunduqda isə suda boğulanın saman çöpündən yapışdığı kimi, cinayətinə az qala qarşısına çıxan hər kəsi şərik etmək istəməsi ortalığı elə qarışdırıb ki, onlarla ailədə qanqaraçılıq yaranıb. 

Ən dəhşətlisi isə A. Əsgərovun həyat yoldaşı ilə bacısının bir-birinə düşmən olması və bununla da bir neçə ailənin, obrazlı desək, gününün göy əskiyə bükülməsidir. Arif Əsgərovun baldızı oğlu Rahib Hüseynovu himayəsinə alaraq baldızının ailəsinin çörək qazanması üçün etdiyi yaxşılıq indi dönüb iki ailə arasındakı düşmənçiliyə. Hətta iş o yerə çatıb ki, Rahib Hüseynovun anası gəlib bacısının evinin qarşısında ağı deyərək  "Bacı da bacının balasını bu günə qoyarmı?" fəryadı edir. 

Amma bir neçə gün öncə bəlli oldu ki, Rahib Hüseynovun anasını "bu günə qoyan" bacısı, yəni Arif Əsgərovun həyat yoldaşı yox, öz gəlini, cəmisi bir il öncə Rahibin dələduzluq əməllərindən yaxa qurtarmaq üçün nikaha girdiyi vəkili Sevil Hacıyeva olub. Belə ki, Rahibin atası və anası az qala hər gün Arif Əsgərovun yaşadığı evin qapısına gələrək oğlunun yoxa çıxmasında onların əlinin olduğunu üsyan etsə də sonda bəlli oldu ki, axtarışda olan və istintaqdan yayınan Rahibi gizlədən elə Sevil Hacıyeva olub. Görünür, cinayətinin üstünün açılacağından xoflanan çoxbilmiş vəkil polisləri qabaqlayaraq həyat yoldaşını öz əli ilə gətirib istintaqa təhvil verməyə macal tapıb. 

İndi sual olunur, məsələ bununla bitdimi? Bacılar arasındakı düşmənçilik, bir neçə ailənin illərdi yaşadığı gərginlik bitdimi? Rahib Hüseynovun atası və anası oğullarının kim tərəfindən "oğurlandığını" bildikdən sonra gəlib Arif Əsgərovun ailəsindən üzrxahlıq etdilərmi, yaxud gəlinlərini heç olmasa buna görə məzəmmət etdilərmi? 

Bəs, müvafiq dövlət qurumları necə, bu məsələdə bütün günahkarların çevrəsini müəyyənləşdirə bildimi? Hüquq-mühafizə orqanları, Vəkillər Kollegiyası, Ailə, Qadın və Uşaq Problemləri üzrə Dövlət Komitəsi bu ailə faciəsinin heç olmasa qismən də olsa yoluna düşməsi üçün hərəkətə keçdilərmi? Hər şey bir yana, gözü yaşlıq iki bacını barışdırmağa cəhd edildimi? Hələlik göprünən odur ki, izaholunmaz susqunluq yaşanır. Bu isə növbəti faciələrin baş vermə ehtimalını artırır. 

Biz bu ailə faciəsinə biganə qalmağı yolverilməz hesab edirik, ona görə də prosesi diqqətlə izləyirik və cəmiyyətin hörmət-izzət sahibi olan müxtəlif kəsimlərinin nümayındələrinin olaya münasibətlərini öyrənəcəyik, bir neçə ailənin faciəsinə çevrilmiş bu böhranı durdurmağa çalışacağıq... 

ŞƏRH YAZ
0

Bakıda narkotacir tutuldu

Bakıda narkotacir tutuldu
13:38
Bu gün
154
Ölkə
A
Nizami Rayon Polis İdarəsi 23-cü Polis Bölməsi əməkdaşlarının həyata keçirdikləri əməliyyat-axtarış tədbiri nəticəsində narkotik vasitələrin alqı-satqısı ilə məşğul olan şəxslər saxlanılıblar.

DİN-in Mətbuat xidmətindən "Ölkə.Az"a verilən məlumata görə, əməliyyat zamanı əvvəlcə Bakı şəhər sakini Firuz Mehdizadə İbrahim Cəfərovun 242 manat pulunu bankomat kartından oğurladığı üçün polislər tərəfindən tutulub. 

Onun üzərində şəxsi axtarış aparılan zaman 0,185 qram narkotik vasitə heroin aşkar olunaraq götürülüb. F.Mehdizadə ifadəsində heroini Nizami rayonu Keşlə qəsəbəsində yaşayan Gündüz adlı narkotacirdən aldığını bildirib.

Əməliyyat tədbirlərinin davamı olaraq narkotik vasitələrin satışı ilə məşğul olan əvvəllər dəfələrlə məhkum edilmiş Gündüz Tahirov da bölmə əməkdaşları tərəfindən tutularaq istintaqa təqdim edilib. Onun yaşadığı evə baxış zamanı 3,550 qram heroin, 5 kiloqram 10 qram qurudulmuş marixuana, müxtəlif növ psixotrop dərmanlar, 10 ədəd kultivasiya edilmiş çətənə kolu aşkar edilərək götürülüb.

Faktla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işi başlanılıb, istintaq tədbirləri davam etdirilir.

Ölkə.Az

ŞƏRH YAZ
0

Sabah Bakıda 32 dərəcə isti olacaq

Sabah Bakıda 32 dərəcə isti olacaq
13:11
Bu gün
525
Ölkə
A
Sabah Azərbaycanda gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında iyunun 19-da hava dəyişkən buludlu olacaq, əsasən yağmursuz keçəcək. Şimal-qərb küləyi arabir güclənəcək.

Havanın temperaturu Abşeron yarımadasında gecə 20-24, gündüz 28-32, Bakıda gecə 21-23, gündüz 30-32 dərəcə isti təşkil edəcək.

Atmosfer təzyiqi normadan aşağı 756 mm civə sütunu, nisbi rütubət gecə 60-70, gündüz 35-40 faiz olacaq.

Abşeronun Şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) dəniz suyunun temperaturu 21-22 dərəcə isti təşkil edəcək. Cənub çimərliklərində (Türkan, Hövsan, Sahil, Şıx) şimal-qərb küləyi arabir güclənəcək. Dəniz suyunun temperaturu 23-24 dərəcə isti təşkil edəcək.

Azərbaycanın rayonlarında sabah hava əsasən yağmursuz keçəcək, lakin gecə və axşam bəzi şimal və qərb rayonlarında şimşək çaxacağı, yağış yağacağı gözlənilir. Ayrı-ayrı yerlərdə leysan xarakterli olacağı, dolu düşəcəyi ehtimalı var. Qərb küləyi bəzi yerlərdə arabir güclənəcək.

Havanın temperaturu gecə 19-24, gündüz 30-35, dağlarda gecə 11-16, gündüz 20-25 dərəcə isti təşkil edəcək.

Tibbi-meteoroloji proqnoza gəlincə, iyunun 19-20-də Abşeron yarımadasında mülayim xəzri küləyinin üstünlüyü gözlənilir ki, bu da meteohəssas insanlar üçün müsbət amildir.

Ölkə.Az

ŞƏRH YAZ
0
BAĞLA