Bacılar ABŞ ordusunda general rütbəsi alıblar — FOTO

Bacılar ABŞ ordusunda general rütbəsi alıblar
18:05
08.09.2019
3864
Dünya
A
ABŞ ordusunda xidmət edən general-mayor Maria Lodi Barrettin bacısı Paula Lodi briqada generalı rütbəsinə yüksəlib.

"Ölkə.Az" bildirir ki, bu, ABŞ ordusunda tarixi olay sayılır.

ABŞ ordusu 1901-ci ilə qədər qadınları öz sıralarına rəsmi olaraq qəbul etmirdi. Bu gün qadınlar ordunun 1,3 milyonlıq aktiv iş gücünün 16 faizindən çoxunu yerinə yetirir.

ABŞ mediası general-mayor Maria Lodi Barrett və briqada generalı Paula Lodinin uğur hekayəsini ordudakı qadınlar üçün əlamətdar bir mərhələ hesab edib.

Barrett və Lodinin atası, italyan mühacir Ruston Lodi, II Dünya Müharibəsində döyüşüb və 'Gümüş Ulduz' mükafatına layiq görülüb. Ataları kimi hərbçi olmağa qərar verən iki bacının orduya yazılmalarının əsas məqsədi təhsil haqqını ödəmək idi.

Barrett, orduya yazılarkən sərhəddən kənarda xidmət etmək istəyirdi və Tufts Universitetindəki Ehtiyat Məmurların Təlim Korpusuna (ROTC) qoşuldu. O, 1988-ci ildə leytenant rütbəsinə yüksəldi. Barrett rütbəsini qaldırdı, bacısı Paula isə ordunun Rutgers Universiteti Ehtiyat İşçiləri Təlim Korpusuna qatıldı. Əvvəlcə qısa müddətə xidmət etməyi planlaşdıran Paula Tibbi Xidmət Dərnəyinə qoşulduqdan sonra hərbi sahədə irəliləmək istədi.

Hazırda ABŞ ordusunun müxtəlif hissələrində yüksələn bacılardan biri general-mayor, digəri isə briqada generalı kimi xidmət edir və bu, ABŞ ordusunda bir ilk olaraq tarixə keçdi. (Musavat.com)

general bacilar 1

Ölkə.Az

ŞƏRH YAZ
0

Zəlzələ zamanı uşaq dünyaya gətirdi — VİDEO

Zəlzələ zamanı uşaq dünyaya gətirdi
19:10
Bu gün
223
Dünya
A
Türkiyədə baş verən güclü zəlzələ çoxlu sayda dramatik talelərin yaşanmasına da səbəb olub.

"Ölkə.Az" xəbər verir ki, bir yanda çoxlu sayda ölən və yaralanan olduğu halda, bir yanda da zəlzələ zamanı yeni körpə dünyaya gəlib.

Elazığda özəl xəstəxanada doğuş zamanı zəlzələ baş versə də, tibbi işçiləri özlərini itirməyiblər. Doğuş uğurlu keçib. Ananın və körpənin vəziyyətinin yaxşı olduğu bildirilir.

ŞƏRH YAZ
0

Çin koronavirusa görə vəhşi heyvanların satışını qadağan edib

Çin koronavirusa görə vəhşi heyvanların satışını qadağan edib
17:56
Bu gün
354
Dünya
A
Çinin Bazara nəzarət və tənzimləmə İdarəsi, Kənd Təsərrüfatı və Kənd Ərazilərinin İnkişafı Nazirliyi, Meşə Təsərrüfatı İdarəsi koronovirusla əlaqədar vəhşi heyvanların ölkə ərazisində istənilən formada satışı və daşınmasını qadağan edib.

"Ölkə.Az" APA-ya istinadən xəbər verir ki, Çin hökuməti istehlakçılara vəhşi heyvanlarının ətindən istifadənin hansı təhlükələrə səbəb olacağı barədə xəbərdarlıq edib, bunun dərk edilməsini zəruri sayıb və insanlara sağlam qidalardan istifadə tövsiyə olunub.

Xatırladaq ki, Çin 31 dekabr 2019-cu ildə  Ümumdünya Səhiyyə Təşkilatına Vuhan şəhərində naməlum virus yoluxması barədə məlumat verib. Mütəxəssislər bunun “2019-nCoV” tipli koronavirus olduğunu müəyyənləşdiriblər.

ŞƏRH YAZ
0
BAĞLA