“Bacımı itin yerinə bağlayıb, dirək əvəzi basdırıb” — Əri şəhid bacısını ölümcül döydü + VİDEO

“Bacımı itin yerinə bağlayıb, dirək əvəzi basdırıb”
21:00
10.08.2017
118
Hadisə
A
Goranboy rayonunun Xınalı kəndində ər arvadına ağır xəsarət yetirib.

Ölkə.Az ARB TV-yə istinadən xəbər verir ki, kənd sakini, 41 yaşlı Amil Vahid oğlu Abdullayev həyat yoldaşı, qeyri-rəsmi nikahda yaşadığı 37 yaşlı Samirə Nabiyevanı xəstəxanalıq edib. Qadının səhər saatlarında şəhid qardaşının adına olan bulaqdan su gətirdiyi zaman onu küçədə döyüb, daha sonra üz və baş hissəsini şüşə qırıntısı ilə kəsib. 

Yaralı qadın xəstəxanaya yerləşdirilib. Onun vəziyyətinin ağır olduğu bildirilir. A.Abdullayev isə hadisə yerindən qaçıb.
 
Yaxınlarının sözlərinə görə, 3 övladı olan və qeyri-rəsmi nikahda yaşayan cütlük arasında tez-tez söhbətlər olurdu. Bu səbəbdən də 8 ay əvvəl qadın atası evinə köçüb.
 
“1 il olar ki, ayrıdırlar. Bacımı itin yerinə bağlayıb, dirək əvəzinə “setka”ya basdırıb. Onun başına hər oyun açıb”, - zərərçəkənin bacısı Pərvanə Nəbiyeva deyib.
 
Hazırda Goranboy Rayon Polis Şöbəsinin əməkdaşları A.Abdullayevi axtarır.
 
Qeyd edək ki, ailənin 3 övladı var.

ŞƏRH YAZ
0

Həftəsonu 6 yol qəzasında 2 nəfər ölüb

Həftəsonu 6 yol qəzasında 2 nəfər ölüb
19:31
Bu gün
380
Hadisə
A

Son 2 gündə baş verən yol qəzalarının statistikası açıqlanıb.

Daxili İşlər Nazirliyindən "Ölkə.Az"a verilən məlumata görə, respublikanın avtomobil yollarında 6 yol-nəqliyyat hadisəsi baş verib, nəticədə 2 nəfər ölüb, 13 nəfər xəsarət alıb.

ŞƏRH YAZ
0

Gürcüstanda azərbaycanlı uşaq nadir xəstəlikdən öldü

Gürcüstanda azərbaycanlı uşaq nadir xəstəlikdən öldü
18:46
Bu gün
389
Hadisə
A
Gürcüstanın Marneuli rayonunun 8 saylı orta məktəbinin şagirdi Yusif Talıbovun qəfil ölüm səbəbi məlum olub.

"Ölkə.Az"ın APA-ya istinadən məlumatına əsasən, 7 yaşlı Y. Talıbov M. İaşvili adına Mərkəzi Uşaq Xəstəxanasında meninqokoksemiya xəstəliyindən dünyasını dəyişib. 

Marneuli rayonunun İctimai Sağlamlıq Mərkəzindən bildirilib ki, məktəbli ilk olaraq yerli xəstəxanaya yerləşdirilib: “Sonra o, M. İaşvili adına uşaq xəstəxanasına aparılıb və yanvarın 18-də orada vəfat edib”. 

Mərkəzin məlumatına əsasən, meninqokoksemiya xəstəliyindən ölüm faktı bu il ilk dəfə qeydə alınıb. Qeyd olunur ki, Marneuli rayonunda epidemiya təhlükəsi yoxdur.  

Marneulinin 8 saylı orta məktəbində isə dezinfeksiya işləri aparılıb və yerli əhaliyə vəziyyətin təhlükəli olmadığı bildirilib.    

Gürcüstanın Xəstəliklərə Nəzarət və İctimai Sağlamlıq Mərkəzinin direktor müavini Paata İmnadze deyib ki, meninqokoksemiya diaqnozu ilə ölüm faktı bu il ilk dəfədir qeydə alınıb: “Meninqokoksemiya çox ciddi xəstəlikdir və təəssüf ki, ölümlə nəticələnir. Ötən il səhv etmirəmsə, meninqokoksemiya xəstəliyi ilə bağlı 10-na yaxın fakt olub. Bu, çox nadir xəstəlikdir. Meninqitdən fərqli olaraq, xəstəliyə meninqokoksemiya səbəb olursa, bu, çox ağır nəticələnir”. 

Qeyd edək ki, Y. Talıbovun ölüm səbəbi naməlum qaldığından Marneuli sakinləri onun epidemik xəstəlikdən dünyasını dəyişdiyini zənn edirdilər.  

ŞƏRH YAZ
0
BAĞLA