Bacısının başını kəsib azadlığa çıxan qızla bağlı — Yeni xəbər

Bacısının başını kəsib azadlığa çıxan qızla bağlı
16:37
13.11.2017
7962
Hadisə
A
Bakıda bacısının başını balta ilə kəsərək qətlə yetirməkdə təqsirləndirilən 1995-ci il təvəllüdlü Pərvanə Nuriyeva ilə bağlı yeni xəbər var.

"Ölkə.Az" lent.az-a istinadən xəbər verir ki, prokuror Sabunçu məhkəməsinin P.Nuriyevanın barəsində verdiyi qərardan apellyasiya protesti verib.
 
Şikayət Bakı Apellyasiya Məhkəməsində hakim Əmir Bayramovun icraatına verilib.
 
Proses noyabrın 14-nə təyin edilib.
 
Qeyd edək ki, qətl 2014-cü ilin oktyabr ayında Xətai rayonunda baş verib.  1993-cü il təvəllüdlü Günel Nuriyeva yaşadığı Xudu Məmmədov küçəsi-18 ünvanında özündən iki yaş kiçik olan bacısı Pərvanə Nuriyeva tərəfindən qətlə yetirilib. P.Nuriyeva mübahisə zəminində bacısı G.Nuriyevaya 22 bıçaq zərbəsi vurub və daha sonra onun başını kəsib.
 
P.Nuriyeva Cinayət Məcəlləsinin 120.1-ci (qəsdən adamöldürmə) maddəsi ilə ittiham olunub.
 
Bakı Ağır Cinayətlər Məhkəməsində, hakim Eldar İsmayılovun sədrliyi ilə keçirilən prosesdə hökm oxunub. Məhkəmə P.Nuriyeva barəsində məcburi xarakterli tibbi tədbirlərin tətbiq edilməsi ilə bağlı qərar çıxarıb. O, müalicə edilməsi üçün Səhiyyə Nazirliyinin 1 saylı Respublika Psixiatriya Xəstəxanasına göndərilib.
 
P.Nuriyevanın yaxınları Sabunçu Rayon Məhkəməsinə müraciət edib. Belə ki, onun yaxınları Səhiyyə Nazirliyinin 1 saylı Respublika Psixiatriya Xəstəxanasının ümumi tipli psixiatriya Stasionarında məcburi müalicəsinin ləğv edilərək, məcburi ambulatoriya müşahidəsi və psixiatr müalicəsinə keçirilməsini istəyiblər. Məhkəmə həmin təqdimatı təmin edib. Və beləliklə, P.Nuriyeva azadlığa çıxıb.
 
Xatırladaq ki, bacılarının atası Etibar Nuriyev Şəkidə tanınan biznesmendir.

ŞƏRH YAZ
0

Bakıda marketi soydular

Bakıda marketi soydular
13:12
Bu gün
2032
Hadisə
A
Nizami rayonunda günün günortaçağı soyğunçuluq baş verib.

“Ölkə.Az”ın məlumatına görə, naməlum şəxs Salatın Mehdi qızı Nuriyevanın işlədiyi dükana  daxil olaraq kassirdən pul istıyib. Sonra isə özü kassaya yaxınlaşaraq orada olan 150 manat pulu götürərək aradan çıxıb. 

Faktla bağlı Nizami RPİ-də araşdırmalara başlanılıb, mağazanın müşahidə kameralarına baxış keçirilib. Hazırda soyğunçunun şəxsiyyətinin müəyyənləşdirilməsi istiqamətində əməliyyat tədbirləri davam etdirilir.

ŞƏRH YAZ
0

Bakıda dəhşətli intihar — Qadın özünü 17-ci mərtəbədən atdı (VİDEO)

Bakıda dəhşətli intihar
13:03
Bu gün
3603
Hadisə
A
Bakının Yasamal rayonunda dəhşətli intihar hadisəsi baş verib.

"Ölkə.Az"ın Oxu.Az-a istinadən verdiyi məlumatına görə, bu barədə sosial şəbəkədə məlumat yayılıb.

Hadisə bu gün səhər saatlarında Yeni Yasamal ərazisində, “Şərur” MTK-ya məxsus binada baş verib. Qadın özünü binanın 17-ci mərtəbəsindən atıb. 

Bina sakinlərinin sözlərinə görə, dünən gecədən binadakı mənzillərdən birində qadın ağlaması eşidilirmiş:

“Dava-dalaş səsi gəlirdi. Sonra bir anda dəhşətli səs gəldi. Və bir nəfər özünü mənzildən yerə atdı. Özünü atan qadın alt geyimində idi. Qonşular üstünə adyal örtdülər” . 

ŞƏRH YAZ
0
BAĞLA