Bacısının başını kəsib azadlığa çıxan qızla bağlı — Yeni xəbər

Bacısının başını kəsib azadlığa çıxan qızla bağlı
16:37
13.11.2017
7373
Hadisə
A
Bakıda bacısının başını balta ilə kəsərək qətlə yetirməkdə təqsirləndirilən 1995-ci il təvəllüdlü Pərvanə Nuriyeva ilə bağlı yeni xəbər var.

"Ölkə.Az" lent.az-a istinadən xəbər verir ki, prokuror Sabunçu məhkəməsinin P.Nuriyevanın barəsində verdiyi qərardan apellyasiya protesti verib.
 
Şikayət Bakı Apellyasiya Məhkəməsində hakim Əmir Bayramovun icraatına verilib.
 
Proses noyabrın 14-nə təyin edilib.
 
Qeyd edək ki, qətl 2014-cü ilin oktyabr ayında Xətai rayonunda baş verib.  1993-cü il təvəllüdlü Günel Nuriyeva yaşadığı Xudu Məmmədov küçəsi-18 ünvanında özündən iki yaş kiçik olan bacısı Pərvanə Nuriyeva tərəfindən qətlə yetirilib. P.Nuriyeva mübahisə zəminində bacısı G.Nuriyevaya 22 bıçaq zərbəsi vurub və daha sonra onun başını kəsib.
 
P.Nuriyeva Cinayət Məcəlləsinin 120.1-ci (qəsdən adamöldürmə) maddəsi ilə ittiham olunub.
 
Bakı Ağır Cinayətlər Məhkəməsində, hakim Eldar İsmayılovun sədrliyi ilə keçirilən prosesdə hökm oxunub. Məhkəmə P.Nuriyeva barəsində məcburi xarakterli tibbi tədbirlərin tətbiq edilməsi ilə bağlı qərar çıxarıb. O, müalicə edilməsi üçün Səhiyyə Nazirliyinin 1 saylı Respublika Psixiatriya Xəstəxanasına göndərilib.
 
P.Nuriyevanın yaxınları Sabunçu Rayon Məhkəməsinə müraciət edib. Belə ki, onun yaxınları Səhiyyə Nazirliyinin 1 saylı Respublika Psixiatriya Xəstəxanasının ümumi tipli psixiatriya Stasionarında məcburi müalicəsinin ləğv edilərək, məcburi ambulatoriya müşahidəsi və psixiatr müalicəsinə keçirilməsini istəyiblər. Məhkəmə həmin təqdimatı təmin edib. Və beləliklə, P.Nuriyeva azadlığa çıxıb.
 
Xatırladaq ki, bacılarının atası Etibar Nuriyev Şəkidə tanınan biznesmendir.

ŞƏRH YAZ
0

Sabunçuda kütləvi dava: Yaralananlar var

Sabunçuda kütləvi dava: Yaralananlar var
16:44
Bu gün
139
Hadisə
A
Bakının Sabunçu rayonunda kütləvi dava baş verib.

Ölkə.Az publika.az-a istinadən xəbər verir ki, rayonun Ramana qəsəbəsində 5 nəfər arasında baş verən dava zamanı 1972-ci il təvəllüdlü Müşviq Nəcəfov və 1972-ci il təvəllüdlü Hidayət Kərimov bıçaqlanıb. Hər iki yaralı xəstəxanaya yerləşdirilib.

Faktla bağlı cinayət işi başlanıb.

ŞƏRH YAZ
0

Bakıda tələbə qız qaçırıldı

Bakıda tələbə qız qaçırıldı
15:50
Bu gün
924
Hadisə
A
Bakıda universitetin qarşısından tələbə qız qaçırılıb.

Ölkə.Az Lent.az-a istinadən xəbər verir ki, Beyləqan rayon sakini, 1948-ci il təvəllüdlü Aslanova Tamilla Zeynalabdin qızı polisə müraciət edərək bildirib ki, noyabrın 17-də saat 13:00 radələrində Azərbaycan Pedaqoji Universitetin 2-ci kurs tələbəsi olan 18 yaşlı qızı Nigar (ad şərtidir) universitetin qarşısından qaçırılıb.

Şikayətçi əlavə edib ki, qızının qaçırılmasını Beyləqan rayon sakini, 1996-cı il təvəllüdlü Əliyev Mirkənan Nazim oğlu təşkil edib.

Qadın qızının evə qaytarılmasında polisdən kömək istəyib.

ŞƏRH YAZ
0
BAĞLA