Badamdardakı sürüşmənin əhatə dairəsinə düşən ərazinin xəritəsi Nazirlər Kabinetinə təqdim edilib

Badamdardakı sürüşmənin əhatə dairəsinə düşən ərazinin xəritəsi Nazirlər Kabinetinə təqdim edilib
21:27
12.10.2018
1301
Ölkə
A
Bakının Səbail rayonunda, Badamdar - 20-ci sahə yolunda baş vermiş sürüşmənin əhatə dairəsinə düşən ərazinin xəritəsi hazırlanaraq Nazirlər Kabinetinə təqdim edilib.

"Ölkə.Az" xəbər verir ki, bunu trend-ə özəl olaraq Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib.

Ə.Qaralovun sözlərinə görə, sürüşmənin əhatə dairəsinə sürüşmə ərazisinin yuxarı qaşında (istinad divarının yuxarı hissəsində) yerləşən 11 fərdi yaşayış evi və 20-ci sahə-Badamdar yolunda yerləşən iki iaşə obyekti düşüb:

"Evlərə və obyektlərə ziyan dəyməsə də, onlar sürüşmənin əhatə dairəsinə düşüblər. Buna görə də həmin tikililər hər zaman sürüşmədən ziyan çəkə bilərlər".

ETSN rəsmisi əlavə edib ki, ekologiya və təbii sərvətlər nazirinin tapşırığına uyğun olaraq, sürüşmə ilə əlaqədar növbətçilik rejiminə keçilib. Ərazidə mütəmadi olaraq müşahidələr aparılır.

Qeyd edək ki, Bayılda Badamdar-20-ci sahə yolunda sürüşmə prosesi aktivləşib, bununla əlaqədar bu gün Badamdar-20-ci sahə və 20-ci sahə-Badamdar yolu bağlanılıb, nəqliyyatın hərəkətinə icazə verilmir.

Bundan başqa, Səbail rayon İcra Hakimiyyəti tərəfindən Badamdar qəsəbəsi 3-cü yaşayış massivində dağ yamacının üst hissəsində yerləşən 8 fərdi yaşayış evində yaşayan vətəndaşlara müvəqqəti olaraq evlərini tərk etmələri ilə bağlı xəbərdarlıq edilib.

Həmçinin "Azərişıq" ASC və "Azəriqaz" İstehsalat Birliyinin mətbuat xidmətlərindən Trend-ə verilən məlumata görə, həmin ərazidə elektrik enerjisi və 11 fərdi evə təbii qazın verilişi dayandırılıb.

Ölkə.Az

ŞƏRH YAZ
0

Dini Qurumlarla İş üzrə Dövlət Komitəsinə YENİ TƏYİNAT

Dini Qurumlarla İş üzrə Dövlət Komitəsinə YENİ TƏYİNAT
12:16
Bu gün
5
Ölkə
A
Azərbaycan Dini Qurumlarla İş üzrə Dövlət Komitəsində (DQİDK) yeni təyinat olub.

"Ölkə.Az" xəbər verir ki, Dövlət Komitəsindən “Report”un sorğusuna cavab olaraq bildirilib ki, Cahandar Əlifzadə DQİDK-nın Dini qurumlarla iş üzrə şöbəsininin müdiri vəzifəsinə təyin edilib.

Bununla bağlı komitə sədri Mübariz Qurbanlı müvafiq əmr imzalayıb.

Xatırladaq ki, C.Əlifzadə bundan əvvəl Dövlət Komitəsində Dinşünaslıq ekspertizası şöbəsi müdirinin müavini vəzifəsində çalışıb. 

Qeyd edək ki, şöbənin əvvəlki müdiri Əliheydər Zülfüqarov Prezident Administrasiyasının Millətlərarası münasibətlər, multikulturalizm və dini məsələlər şöbəsində böyük məsləhətçi vəzifəsinə təyinat alıb.

Ölkə.Az

ŞƏRH YAZ
0

İlhamənin oğlundan azadlığa buraxılandan sonra İLK AÇIQLAMA

İlhamənin oğlundan azadlığa buraxılandan sonra İLK AÇIQLAMA
11:43
Bu gün
1296
Ölkə
A
Mərhum xalq artisti İlhamə Quliyevanın oğlu Orxan Nadirov azadlığa buraxılandan sonra ilk dəfə mətbuata danışıb.

 O.Nadirov "Ölkə.Az"ın əməkdaşıyla söhbətində bunları deyib:

"Hələ mətbuata danışmaq istəmirəm. Amma bir neçə gün sonra məhz sizin saytınıza geniş müsahibə verib, indiyə qədər baş verənləri detallarına qədər açıqlayacağam. Bu müddət ərzində mənə dəstək olan hər kəsə təşəkkürümü bildirirəm. Xüsusi təşəkkürüm isə Binəqədi Rayon Məhkəməsinin hakimi Mirheydər Zeynalovadır. Onun işə obyektiv baxmasının nəticəsində hazırda azadlıqdayam".

Qeyd edək ki, O.Nadirov Cinayət Məcəlləsinin 178.2.4-cü (dələduzluq: xeyli miqdarda törədildikdə) maddəsi ilə ittiham olunurdu. Onun barəsində şərti cəza və min manat cərimə qərarı çıxarılıb.

Ölkə.Az

ŞƏRH YAZ
0
BAĞLA