“BAFTA 2019” mükafatları təqdim edildi
İngilis Film və Televiziya Sənət Akademiyası Londonda mükafatları təqdim edib.
“Ölkə.Az” xəbər verir ki, “ən yaxşı film” mükafatı Netflix-in istehsalı olan “Roma” filminə verilib.
Rejissor Alfonso Kuaronun Meksikadakı uşaqlıq dövründən təsirlənərək lentə aldığı “Roma” filminin “Oskar” namizədi olacağı da bildirilir. Alfonso “ən yaxşı rejissor” mükafatını da əldə edib. “Roma” filmi eyni zamanda “ən yaxşı sinematoqrafiya”, “ingilis dilində olmayan ən yaxşı film” kateqoriyasında da qalib gəlib.
“The Favourite” filmi isə 7 nominasiyada qalib gəlib. Oliviya Kolman “ən yaxşı qadın aktrisa”, Reyçel Vaysz “ən yaxşı ikinci plan aktrisası” seçilib.
“Bohemian Rhapsody” filmində əfsanəvi rok qrupu “Queen”in solisti Freddi Merkurini canlandıran Rami Malek isə “ən yaxşı kişi aktyor” mükafatına layiq görülüb.
Hikmət Həsənov
Ölkə.Az
