Bağça adıyla “yeyilən” milyonlar — Büdcədəki rəqəmlər işin üstünü açdı

Bağça adıyla “yeyilən” milyonlar
11:26
08.11.2019
4204
İqtisadiyyat
A
Büdcədən məktəbəqədər təhsil müəssisələrində ərzaq üçün ayrılan pulların xərclənməsində ciddi problemlər var. Və burada xırda vəsaitdən deyil, milyonlardan söhbət gedir.

Tanınmış ekspert Rövşən Ağayev 2020-ci ilin büdcəsi ilə bağlı paylaşdığı rəqəmlərdən də bu, aydın görünür.

"Ölkə.Az" BakuPost-a istinadən xəbər verir ki, onun göstərdiyi rəqəmlərin müqayisəsi kifayət qədər ilginc nəticələr çıxarmağa əsas verir:
“Deməli, 2017-ci ildə məktəbəqədər təhsil müəssisələrində ərzaq alınmasına 41.6 mln. manat xərclənmişdi. 2018-ci ildə proqnoz birdən-birə az qala 3 dəfə azaltdılar və 17.2 mln. manat xərc nəzərdə tutuldu. Amma il bitəndən sonra bəlli oldu ki, 17.2 mln. manat yox, faktiki olaraq 53.7 mln. manat xərclənib.

2019-cu il gəldi - məktəbəqədər təhsil ərzaq xərcləri az qala 2 dəfə artırıldı - 53 mln. manatdan 97.3 mln. manata çatdırıldı.
İndi isə 2020-ci il gəlib, həmin xərclər 35%-ə yaxın azaldılaraq 65 mln. manata endirilib.

Aydındır ki, qısa müddətdə nə ərzağın qiymətlərində, nə də uşaqların sayında belə kəskin qalxıb-enmə ola bilməz və onlar da xərclərin bu cür ziqzaqvarı hərəkətinə gətirməz.
Ehtimal etdiyim versiya: burda hansısa qara maraqlar cocuqların ərzağından qazanmaq üçün qara oyunlar qurur...”

Hər halda rəsmi izah çox maraqlı olar.

ŞƏRH YAZ
2

Rövnəq Abdullayev yeni direktor TƏYİN ETDİ

Rövnəq Abdullayev yeni direktor TƏYİN ETDİ
16:58
Bu gün
454
İqtisadiyyat
A

SOCAR-ın prezidenti Rövnəq Abdullayevin əmri ilə Məmmədov Bəxtiyar İbrahim oğlu Heydər Əliyev adına Neft Emalı Zavodunun direktoru, zavodun keçmiş direktoru İsmayılov Elman Abbas oğlu isə SOCAR-ın emal üzrə vitse-prezidentinin müavini təyin olunub.

SOCAR-dan "Ölkə.Az"a verilən məlumata görə, Bəxtiyar Məmmədov 1971-ci ildə anadan olub. Azərbaycan Neft Akademiyasını (indiki Azərbaycan Dövlət Neft və Sənaye Universiteti) bitirdikdən sonra “Azərneftyağ” NEZ-də əmək fəaliyyətinə başlamış, 2015-ci ilə kimi zavodda müxtəlif vəzifələrdə çalışmışdır. 2015-2016-cı illərdə Heydər Əliyev adına NEZ-də şöbə rəisinin müavini, 2016-2019-cu illərdə isə Karbamid Zavodunun baş mühəndisi – direktor müavini işləmişdir.

ŞƏRH YAZ
0

Neftin qiyməti ucuzlaşdı

Neftin qiyməti ucuzlaşdı
11:25
Bu gün
368
İqtisadiyyat
A
Dünya birjalarında neftin qiyməti ucuzlaşıb.

"Ölkə.Az" xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,44 dollar geriləyərək 63,90 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,35 dollar ucuzlaşaraq 58,89 dollar təşkil edib.

ŞƏRH YAZ
1
BAĞLA