Bağlanmış bankın vəzifəli şəxslərinə qarşı cinayət işi qaldırıldı

Bağlanmış bankın vəzifəli şəxslərinə qarşı cinayət işi qaldırıldı
17:57
25.09.2017
225
Ölkə
A
Lisenziyası ləğv edilən "RoyalBank” ASC-nin 5 saylı filialının sabiq müdiri Natiq Bayramov və filialın sabiq xəzinədarı Rövşən Qasımov barəsində yenidən cinayət işi açılıb.

"Ölkə.Az"ın APA-ya istinadən xəbərinə görə, N. Bayramov Cinayət Məcəlləsinin 179.3.2 (mənimsəmə: külli miqdarda olduqda), R. Qasımov barəsində isə 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb.
 
İş üzrə ibtidai istintaq yekunlaşaraq, Bakı Ağır Cinayətlər məhkəməsinə göndərilib.
 
Cinayət işi hakim Mail Bayramovun icraatında araşdırılacaq.
 
Məhkəmənin hazırlıq iclası sentyabrın 27-nə təyin edilib.
 
Xatırladaq ki, hər iki şəxs 2014-cü ildə eyni maddələr üzrə ittiham olunub. İttihama görə,  “RoyalBank” ASC-nin 5 saylı filialının sabiq müdiri Natiq Bayramov öz qulluq mövqeyindən istifadə etməklə özgənin əmlakını ələ keçirmək məqsədi ilə, Bakı şəhər sakinini aldadıb guya bankda sonuncunun və arvadının adına ümumilikdə 72 min ABŞ dolları olması barədə saxta əmanət kitabçasını təqdim etməklə sonuncuya məxsus külli miqdarda əmlakı ələ keçirib.
 
O, həmçinin eyni niyyətlə həmin şəxsi təkrarən aldadaraq 63 min manat pulu “Royal Bank” ASC-nin 5 saylı filialının Bakı şəhərində yerləşən inzibati binasında almaqla dələduzluq etməsinə, bundan başqa filialın kredit mütəxəssisi Arif Hacıqurbanov aldatma yolu ilə özgənin əmlakını ələ keçirmə məqsədilə Bakı şəhər sakinin şəxsiyyət vəsiqəsinin surətindən və əmək haqqı barədə qanunsuz hazırladığı rəsmi sənəddən istifadə edərək sonuncunun adına 5 min 100 ABŞ dolları kredit rəsmiləşdirərək xeyli miqdarda özgə əmlakını ələ keçirib.
 
Natiq Bayramov Cinayət Məcəlləsinin 178.3.2-ci (külli miqdarda ziyan vurmaqla dələduzluq), Arif Hacıqurbanov 178.2.3 (şəxs tərəfindən öz qulluq mövqeyindən istifadə etməklə dələduzluq) və 178.2.4-cü (xeyli miqdarda ziyan vurmaqla dələduzluq), Rövşən Qasımov 308.1-ci (vəzifə səlahiyyətlərindən sui-istifadə) maddələri ilə ittiham ediliblər.
 
Həmin şəxslər müəyyən müddətdən sonra azadlığa buraxılıblar.

ŞƏRH YAZ
0

Bakıda eyvanlardan paltar asmaq qadağan edildi

Bakıda eyvanlardan paltar asmaq qadağan edildi
00:59
Bu gün
3003
Ölkə
A
Bakının Nərimanov rayon İcra Hakimiyyəti rayon sakinlərindən balkonlardan paltarların qurudulması üçün çəkdikləri zivələri yığışdırmağı tələb edib.

“Ölkə.Az” “Xəzər TV”yə istinadən xəbər verir ki, İcra Hakimiyyətinin ictimai-siyasi və humanitar məsələlər şöbəsinin müdiri Hüseyn Cəfərov bildirib ki, həmin tələb mərkəzi prospektlərdə yerləşən binaların sakinlərinə aiddir.

Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.

Ölkə.Az

ŞƏRH YAZ
0

Yavər Camalovun son — VİDEOSU

Yavər Camalovun son
22:10
23.06.2018
5105
Ölkə
A
Bu gün dünyasını dəyişən müdafiə sənayesi naziri Yavər Camalovun son görüntüləri yayılıb.

“Ölkə.Az” xəbər verir ki, yayılan məlumatlarda nazirin bu günlərdə Parisdə keçirilən “EUROSATORY-2018” beynəlxalq müdafiə və təhlükəsizlik sərgisində iştirak etdiyi, elə sərgidən sonra səhhətinin pisləşdiyi bildirilir. 

Yeniçağ.az isə nazirin sərgidə çəkilmiş və son görüntülərini yayıb. Həmin videonu təqdim edirik:

Ölkə.Az

ŞƏRH YAZ
0
BAĞLA