Bakı-2017: Azərbaycan güləşçisi FİNALDA — YENİLƏNİB

Bakı-2017: Azərbaycan güləşçisi FİNALDA
11:29
18.05.2017
192
İdman
A
Azərbaycanın yunan-Roma güləşçisi İslam Abbasov (85 kq) IV İslam Həmrəyliyi Oyunlarında yarımfinalda mübarizəsini davam etdirib.

Ölkə.Az"ın Trend-ə istinadən məlumatına görə, final uğrunda mübarizədə idmançımızın rəqibi Qırğızıstan güləşçisi Azat Beishbekov olub.

Güləşçimiz rəqibini 3:1 hesabı ilə məğlub edərək finala vəsiqə qazanıb.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

***

Azərbaycanın yunan-Roma güləşçisi İslam Abbasov (85 kq) IV İslam Həmrəyliyi Oyunlarında dörddə bir finalda xalça üzərinə çıxıb.

Ölkə.Az"ın Trend-ə istinadən məlumatına görə, ilk görüşdə idmançımızın rəqibi İran təmsilçisi Fallah Hamidabadi Mahdi olub.

İdmançımız 2:1 hesabı ilə rəqibinə qalib gələrək yarımfinala vəsiqə qazanıb.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

ŞƏRH YAZ
0

Ronaldunun anası etiraf etdi: “Hamilə qalanda uşaqdan qurtulmaq istəyirdim”

Ronaldunun anası etiraf etdi: “Hamilə qalanda uşaqdan qurtulmaq istəyirdim”
19:31
23.05.2018
217
İdman
A
“Real Madrid”in məşhur ulduzu Kriştianu Ronaldunun anası Mariya Dolores Aveyru maraqlı etiraflar edib.

 “Ölkə.Az” xəbər verir ki, Mariya Dolores Ronaldunun dünyaya gəlməyəcəyindən danışıb. Qadın bildirib ki, Kriştianuya hamilə olanda artıq 3 övladı olub. 

“Mən gizlətmirəm, dördüncü övladımı aldırmaq istəyirdim. Amma bunu edə bilmədim. Bu gün bunu edə bilmədiyimə görə xoşbəxtəm. Kriştianu ulduz oldu və həyatıma rəng qatdı. Bütün qadınlara məsləhətim odur ki, belə bir xoşbəxtlikdən imtina etməsinlər”.

Qeyd edək ki, bu yaxınlarda Aveyrunun “Qəhrəman ana” kitabı çapdan çıxacaq. Qadın kitabda özü və ailəsindən bəhs edir.

Hikmət Həsənov
Ölkə.Az

ŞƏRH YAZ
0

AFFA Cavid Hüseynovu cəzalandırdı

AFFA Cavid Hüseynovu cəzalandırdı
15:50
23.05.2018
220
İdman
A
Bu gün AFFA-nın İntizam Komitəsinin iclası keçirilib.

"Ölkə.Az"ın məlumatına görə, yığıncaqda Topaz Premyer Liqasının XXVIII turunda baş verənlər müzakirə olunub.

“Sumqayıt” – “Zirə” matçında 6 futbolçusu sarı vərəqə ilə cəzalanan qonaqlar 800 manat cərimələnib. Oyunun 90+3-cü dəqiqəsində “Sumqayıt” azarkeşləri tərəfindən meydançaya kənar əşyalar atıldığı üçün klub 1600 manat ziyana düşüb.

“Kəpəz”lə qarşılaşmanın 87-ci dəqiqəsində ikinci sarı vərəqə alaraq meydançadan kənarlaşdırılan “Neftçi”nin futbolçusu Kiril Petrov 1 oyunluq cəzalanıb və klubunu 200 manat xərcə salıb.

“Qəbələ” klubunun futbolçusu Cavid Hüseynovun cəzası daha ağır olub. “Qarabağ”la görüşün 45+2-ci dəqiqəsində aqressiv davranışa görə birbaşa qırmızı vərəqə alan yarımmüdafiəçi 3 oyunluq cəzalanıb. O, komandasını 2400 manat cəriməyə məruz qoyub.

ŞƏRH YAZ
0
BAĞLA