Bakı-2017: Qadın basketbolçularımız çempion oldu
Bakı-2017 IV İslam Həmrəyliyi Oyunlarında 3X3 qadın basketbolçuların yarışı başa çatıb.
Ölkə.Az Trend-ə istinadən bildirir ki, həlledici görüşdə Azərbaycan və Mali yığmaları qarşılaşıblar.
Daha yaxşı oyun nümayiş etdirən millimiz İslamiadanın çempionu olub - 13:7.
Qeyd edək ki, Bakı-2017 IV İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.