Bakı-Ələt yolunda maşın aşdı, bir ailənin 4 üzvü yaralandı

Bakı-Ələt yolunda maşın aşdı, bir ailənin 4 üzvü yaralandı
17:40
23.03.2019
2592
Hadisə
A
Bu gün səhər Bakı-Ələt yolunda qəza baş verib.

“Ölkə.Az” Trend-ə istinadən xəbər verir ki, hadisə yolun Qaradağ rayon Səngəçal qəsəbəsi ərazisindən keçən hissəsində olub.

Bakı istiqamətində hərəkət edən “Mercedes” markalı avtomobilin sürücüsü idarəetməni itirərək yoldan çıxıb və maşın aşıb.

Qəza nəticəsində xəsarət alanlar Təcili tibbi yardım briqadasının köməyi ilə 1 saylı Kliniki Tibbi Mərkəzə yerləşdirilib.

Xəsarət alanlar bir ailənin üzvləridir. Onlardan üçü müayinə olunaraq evə buraxılıb, 1954-cü il təvəllüdlü Həsənova Rəvşəndə isə reanimasiya şöbəsinə yerləşdirilib. Vəziyyəti ortadır.

Xəsarət alanların hamısı Ağcabədi rayonunun sakinləridir.

Faktla bağlı araşdırma aparılır.

Ölkə.Az

 

ŞƏRH YAZ
1

Biləsuvarda ağır qəza: 2 nəfər ölüb

Biləsuvarda ağır qəza: 2 nəfər ölüb
16:27
Bu gün
571
Hadisə
A
Biləsuvar rayonunda iki nəfərin ölümü ilə nəticələnən yol qəzası baş verib.

Fövqəladə Hallar Nazirliyindən "Ölkə.Az"a verilən məlumata görə, nazirliyin Böhran Vəziyyətlərində İdarəetmə Mərkəzinə daxil olan məlumata əsasən Biləsuvar rayonunda “LADA” və “ВАЗ” markalı iki minik avtomobili toqquşub 

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri “ВАЗ” markalı avtomobildə sıxılı vəziyyətdə qalan 2 nəfərin meyitini (şəxsiyyətləri dəqiqləşdirilir) deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər. 

Ölkə.Az

ŞƏRH YAZ
0

Dönər yeyənlərin nəzərinə — Diqqətli olun

Dönər yeyənlərin nəzərinə
13:36
Bu gün
1727
Hadisə
A
Bakı şəhər prokurorluğunun dönərdən zəhərlənmə hadisəsi ilə bağlı məlumat yayıb.

"Report"a daxil olan məlumatda bildirilib ki, iyunun 25-də 20 nəfər Bakı şəhər sakinlləri “qida zəhərlənməsi” diaqnozu ilə 1 saylı Kliniki Tibbi Mərkəzə yerləşdirilib, müvafiq tibbi yardım göstərildikdən sonra evə buraxılıblar.

Aparılmış araşdırmalarla müəyyən edilib ki, həmin şəxslər qeyd edilən tarixdə paytaxtın Xətai rayonu, Babək prospekti 65 ünvanda yerləşən maşın bazarında fəaliyyət göstərən “Qədir xum” adlı dönərxanadan dönər alıb yedikdən sonra səhhətlərində yaranmış problemlə əlaqədar xəstəxanaya müraciət ediblər.

Qida Təhlükəsizliyi Agentliyinin mütəxəssisləri ilə birlikdə dönərxanaya baxış keçirilib, nümunələr götürülərək laborator müayinəsinə göndərilib.

Fakta görə rayon prokurorluğunda Cinayət Məcəlləsinin 314.1-ci (səhlənkarlıq) maddəsi ilə cinayət işi başlanıb, insanların zəhərlənmə səbəblərinin və digər halların müəyyənləşdirilməsi məqsədi ilə müvafiq ekspertizalar təyin edilib.

Hazırda iş üzrə təqsirli şəxslərin dairəsinin müəyyənləşdirilməsi istiqamətində zəruri istintaq hərəkətləri davam etdirilir.

ŞƏRH YAZ
0
BAĞLA