Bakı Forumu çərçivəsində mədəniyyət və turizm nazirlərinin görüşü keçirildi

Bakı Forumu çərçivəsində mədəniyyət və turizm nazirlərinin görüşü keçirildi
14:55
06.05.2017
6
Mədəniyyət
A
IV Mədəniyyətlərarası Dialoq Forumu çərçivəsində mədəniyyət və turizm nazirlərinin 4-cü görüşü keçirilib.

"Ölkə.Az"ın APA-ya istinadən məlumatına görə, Türkiyə, Rusiya, İraq və digər ölkələrdən 40-dək nazir və nazir müavini, beynəlxalq təşkilatların rəhbərləri, diplomatik korpusun nümayəndələri iştirak ediblər.
 
Mədəniyyət və turizm naziri Əbülfəz Qarayev bildirib ki, görüş Azərbaycan rəhbərliyinin səyləri nəticəsində reallaşan humanitar layihələr barədə məlumatların verilməsi baxımından yaxşı fürsətdir. Onun sözlərinə görə, beynəlxalq qurumlar arasında əməkdaşlıq daha təhlükəsiz dünya yarada bilər.
 
BMT baş katibinin Sivilizasiya Alyansı üzrə ali nümayəndəsi Nassir Əbdüləziz Əl-Nasserin qənaətinə görə, bu forum xalqlar və dövlətlər arasında dialoqun gücləndirilməsində, zorakı ekstremizm probleminin innovativ təşəbbüslər vasitəsilə həllində, insanların təhlükəsizliyin təmin edilməsində mühüm rol oynayır: "Bu, təhlükəsizlik və sülh üçün yeganə yoldur. Hazırda dünyada sülhə çağırışlar var. Sülh və dialoq bir-birinə bağlıdır. Münaqişələrin həlli uzun perspektivli inkişaf üçün vacibdir".
 
O qeyd edib ki, bu işdə gənclərin yaxından iştirakı vacibdir. 2030-cu ilədək Dayanıqlı inkişafla bağlı gündəliyin qəbulunu tarixi hadisə adlandıran Əl-Nasser bunun yenidən qurulmuş tərəfdaşlıqla əldə oluna biləcəyini vurğulayıb. O nəzərə çatdırıb ki, münaqişə olan yerlərdə təhsil, qadın və gənc qızların inklüziv inkişafı vacibdir.
 
Sülhə nail olmaq üçün hərtərəfli işin aparılmalı olduğunu deyən ali nümayəndə BMT tərəfindən qəbul edilən 17 dayanıqlı inkişaf məqsədinin mədəni dialoqa bağlı olduğunu vurğulayıb. O, ötən il qəbul edilən Bakı bəyannaməsinin zorakı ekstremizmin qarşısını almağa kömək edəcəyinə ümidvar olduğunu söyləyib.
 
UNESCO baş direktoru İrina Bokova isə qeyd edib ki, çoxtərəfliliyin alternativi yoxdur. Dayanıqlı inkişaf yolunda mədəniyyət və din adamlarının bir araya gəlməsinin vacib olduğunu deyən baş direktor artıq siyasi liderlərin “yumşaq güc”ə müraciət etməyə başladığı söyləyib: "Biz qloballaşan dünyada yaşayırıq. Siyasi liderlər bunu anlamağa başlayırlar. BMT baş katibi dəfələrlə vurğulayıb ki, sülhməramlıların göndərilməsi ilə yanaşı münaqişənin səbəbləri aradan qaldırılmalıdır. Gənclər işlə təmin olunmalı ,onlara təhsil verilməlidir".
 
Mədəniyyət sahəsinin dünyada 30 mln. iş yeri yarada biləcəyini deyən İ. Bokova qeyd edib ki, bu kimi forumlarda iştirak edənlər inkişafı üzərlərinə böyük öhdəlik kimi götürüb.
 
BMT-nin Ümumdünya Turizm Təşkilatının baş katibi Taleb Rifai isə bildirib ki, turizm mədəniyyət irsinin paylayıcısıdır. Hər il 1,8 milyard insanın dünya səyahətinə çıxdığını deyən baş katib turizmin gəlir sahəsi kimi sayca üçüncü yer tutduğunu bildirib. Bu sahənin payına ətraf mühitə atılan zəhərli qazların cəmi 5 faizinin düşdüyünü deyən T.Rifai turizmin dünya iqtisadiyyatının 10 faizini təşkil etdiyini vurğulayıb.
 
 
"Turizm mədəni irsin qorunmasında böyük rol oynaya bilər. Yaxşı idarəçilik olsa, turizm sülhün və təhlükəsizliyin təmin edilməsinə töhfə verə bilər. Mədəniyyət siyasətinin və turizmin inteqrasiyasına nail olunmalıdır, özəl və dövlət sektoru arasında əməkdaşlıq təmin edilməlidir. Buradakı müzakirələr fəaliyyət planı və hərəkətlərimizdə əks olunmalıdır", - deyə o vurğulayıb.
 
Türkiyənin mədəniyyət və turizm naziri Nabi Avcı isə nazirlərin görüşlərində mədəniyyətlərarası dialoqdan istifadə edilməsinin vacibliyini vurğulayıb. Onun qənaətinə görə, mədəniyyət və turizmin qarşılıqlı əlaqələri ölkələr arasında ünsiyyəti asanlaşdıracaq və ekstremizmə qarşı mübarizəni gücləndirəcək.
 
"Türkdilli dövlətlərin şurası İpək Yoluna diqqəti cəlb etməyə çalışır. Bu ərazidə olan mədəni irs nümunələri qorunmalıdır. Türkiyə UNESCO-nun siyahısında 16 dünya mədəniyyət irsi nümunəsi ilə təmsil olunur. Mədəniyyət nümunələrin oğurlanması və qaçaqmalçılığın qarşısını almaq istiqamətində səyləri birləşdirmək lazımdır. Türkiyədə 43 dini turizm istiqaməti var. Təkcə iqtisadi əlaqələr kifayət eləmir. Yoxsulluq səviyyəsinin azaldılması, təbii sərvətlərdən səmərəli istifadə çox vacibdir və bu işdə mədəniyyət aparıcı rol oynamalıdır", - deyə o vurğulayıb.
 
Rusiya mədəniyyət naziri Vladimir Medinski isə tədbir iştirakçıları üçün ölkəsinin bir neçə mədəni abidəsinin təqdimatını keçirib. Nazirin sözlərinə görə, ancaq birgə səylər nəticəsində terrorçular tərəfindən dağıdılmış Suriyanın Palmira şəhərini bərpa etmək mümkündür.
 
İraqın mədəniyyət və turizm naziri Friad Rvandzi isə çıxışı zamanı terrorçuların ölkədəki mədəni abidələrə vurduğu ziyandan danışıb: "15 minədək artefakt İraqdan çıxarılıb. 254 əlyazma Mosulda yandırılıb. Əfsus ku, bir sıra ölkələr terrorçuluğa dəstək verir".
 
Azərbaycanın Rusiyadakı səfiri, keçmiş mədəniyyət naziri Polad Bülbüloğlu isə mədəniyyətlərarası dialoqun bəşəriyyətin tarixini anlamağa xidmət etdiyini deyib. Onun sözlərinə görə, bu gün dünyada təhsil, elm və mədəniyyət sahələrində böhran müşahidə olunur: “Çıxış yolu ənənəvi siyasətlə yanaşı mədəniyyətlərarası dialoq vasitəsi ilə regional və qlobal səviyyədə ünsiyyət yaratmaqdır. Azərbaycan davamlı inkişafın tərəfdarı ola bir ölkədir".
 
Tədbir digər iştirakçıların çıxışları ilə davam etdirilib.
 

ŞƏRH YAZ
0

Səttar Bəhlulzadənin çəkdiyi nadir şəkillər tapılıb — FOTO

Səttar Bəhlulzadənin çəkdiyi nadir şəkillər tapılıb
17:31
21.11.2017
124
Mədəniyyət
A
Xalq rəssamı Səttar Bəhlulzadənin çəkdiyi nadir şəkillər tapılıb

Bu barədə əməkdar incəsənət xadimi, sənətşünas Ziyadxan Əliyev məlumat verib. 

Xalq rəssamı Səttar Bəhlulzadənin naməlum əsərləri və bu vaxta qədər onun tədqiqatçılarına məlum olmayan nümunələr, sənədlər və fotolar aşkara çıxıb. Belə ki, bunların hamısı Bakıdakı şəxsi kolleksiyada üzə çıxarılıb. Onların sahibinin mütəxəssislərə üz tutması indiki halda təqdir olunası haldır. Əsərlərin mahiyyətinə, sənədlərin mərhəm tutumlu məzmununa əsasən onların vaxtilə rəssamın yaxınlarında olması ehtimalını söyləməyə əsas verir. Tabloların birində Şaxta baba təsvir olunub. Digəri  isə bizi əllərində meyvələrlə dolu bayram xonçasını saxlayan pioner qız və oğlanla qarşılaşdırır.120x80 sm ölçülü bu əsərlər karton üzərində tempera ilə çəkilib. Əminliklə demək olar ki, bu üslub Səttar Bəhlulzadənin yaradıcılığında rast gəlinan nadir əsərlərdəndir.  

 

Rəssamın yaradıcılığı üçün çox-çox gözlənilməz olan bu əsərləri görəsən S.Bəhlulzadə niyə çəkib? Xasiyyətinə və yaradıcı davranışına bələdçiliyimizin qarşılığında deyə bilərik ki, ideoloji bağlılıqdan və sifarişlə nə isə çəkməkdən tamamilə uzaq olan Səttar Bəhlulzadə bu əsərləri yalnız ona çox doğma olan adamların xahişi ilə çəkə bilərdi. Hər iki əsərin uzun illər ərzində istifadə olunmaması, asılmadan müxtəlif saxlancda səliqəsiz saxlanması onun bədii-texniki vəziyyətinə duyulası xələl gətirib. Ancaq onun son sahibinin səyləri nəticəsində - aparılan nisbi bərpa işləri sayəsində əsərlərin bədii keyfiyyəti nisbi də olsa özünə qaytarılıb və dahi rəssamın zəngin yaradıcılıq irsində çox qabarıq görünməsə də, çox böyük əhəmiyyət kəsb edir. 

Hər iki əsərdə rəssamın öz yaradıcılıq manerasına sadiq qalması, kifayət qədər bədii sərbəstlik nümayiş etdirməsi duyulandır. Karton səthində rənglərin pastoz xarakterli olmaması bilavasitə istifadə olunan materialın rəngsaxlama imkanlarının məhdud olmasından irəli gəlmişdir. Digər tərəfdən səth üzərində rənglərdən qənaətlə və akvarelsayağı istifadə rəssamın altmışıncı illər yaradıcılığı üçün səciyyəvi olan xüsusiyyətdir. Başqa sözlə desək, əsərin Səttar Bəhlulzadə tərəfindən çəkildiyini təsdiqləyəcək bədii-texniki əlamətlər kifayət qədərdir. 

C:\Users\RS 5\Desktop\441e855fc3cd.jpgC:\Users\RS 5\Downloads\IMG_20171116_172448.jpg

Üzə çıxarılan sənədlərin arasında rəssamın öz əli ilə yazdığı bir tərcümeyi-hal da vardır. Rus dilindəki bu mətnin əhəmiyyətli cəhətlərindən biri onun S.Bəhlulzadənin həyatının 1927-1940-cı illər dövrünə işıq salmasıdır. Belə ki, həmişə ictimailəşən kitablarda, qəzet-jurnal yazılarında gənc Səttarın "Kommunist” qəzetində işləməsi və Moskvaya təhsil almağa getməsi ilə bağlı qeyri-dəqiq informasiyalara rast gəlinirdi. Bu tərcümeyi-halda diqqəti daha çox cəlb edən informasiyadan  biri onun Moskvaya təhsil almağa göndərilməsi məsələsidir.  Məlumdur ki, o vaxtlar hər bir respublikada ixtisaslı kadr çatışmazlığının yerli istedadlı gəncləri Moskvaya və SSRİ-nin digər mərkəzi şəhərlərinə təhsil almağa göndərməklə aradan qaldırılması ənənə şəklini almışdı. Qənaətimizcə, gənc Səttarın həmin gənclərin siyahısına daxil edilməsi bilavasitə Əzim Əzimzadənin zəmanəti ilə baş tutmuşdu. Onun başqa fakultəyə yox, qrafika üzrə ixtisasını seçməsi də "Rəssamlığımızın Sabiri”nin uzaqgörənliyinin nəticəsi idi. Belə ki, Ə.Əzimzadə Səttar Bəhlulzadənin simasında özünün gələcək davamçısını görürdü...

 

C:\Users\RS 5\Downloads\IMG_20171116_151608.jpg

Əksər nəşrlərdə S.Bəhlulzadənin institutdakı ixtisas dəyişikliyinin III yox, II kursdan sonra baş verdiyi bildirilir. Yeni üzə çıxarılan tərcümeyi-hal köhnə tarixçənin bir qədər də dəqiqləşdirilməsinə imkan verdi. Onun Azərbaycan Rəssamlıq Texnikumunda oxuyarkən daşıdığı 53 saylı tələbə bileti də üzə çıxarılan qiymətli sənədlərdəndir. Maraqlısı həmin vaxtlarda rəssamın "Bəhlulov” soyadı daşımasıdır, odur ki, onun nə vaxtdan "Bəhlulzadə” olmasının müəyyənləşdirilməsi yönündə axtarışlar davam edir. 

C:\Users\RS 5\Downloads\IMG_20171116_151856.jpgC:\Users\RS 5\Downloads\IMG_20171116_151743.jpg

Əldə olunan foto materialların arasında rəssamın əvvəllər çap olunmayan şəkilləri də vardır.  Sənədlərin biri də vaxtilə Azərbaycan KP MK-nın ikinci katibi vəzifəsində işləmiş P.M.Yelistratovun Səttar Bəhlulzadəyə 1965-ci ildə Kislovodskidən yazdığı məktubdur. İstirahət zamanı Səttarın anasının vəfat etdiyini eşidən partiya işçisinin duyulası səmimiyyət dolu bu məktubunda rəssama baş sağlığı bildirilir, onun yüksək sənətkarlığına vurğunluq ifadə olunur. Xatırladım ki, P.M.Yelistratov  partiya işçisi olsa da, incəsənətlə çox yaxından maraqlanan adam idi. Bakıda işlədiyi müddətdə ən çox getdiyi yer də S.Bəhlulzadə ilə yanaşı, T.Salahov və T.Nərimanbəyovun emalatxanaları idi...

C:\Users\RS 5\Downloads\IMG_20171116_151532.jpgC:\Users\RS 5\Downloads\IMG_20171116_151504.jpg

Yeni sənədlərdə rəssamın 1947-1974-cü illəri əhatə edən qeydləri də mövcuddur. Əski əlifba ilə yazılmış bu qeydlərdə müxtəlif mövzulara toxunulmuşdur. Hazırda mətnlərin dəqiqləşdirilməsi istiqamətində işlər görülməkdədir. Əldə olunan foto materialların arasında rəssamın əvvəllər çap olunmayan foto şəkilləri də vardır. Bütünlükdə üzə çıxarılan materialları böyük sənətkarın həyat və yaradıcılığının öyrənilməsinə böyük töhfə saymaq olar.

 

C:\Users\RS 5\Downloads\IMG_20171116_151132.jpgC:\Users\RS 5\Downloads\IMG_20171116_151300.jpg

C:\Users\RS 5\Downloads\IMG_20171116_151438.jpgC:\Users\RS 5\Downloads\IMG_20171116_151322.jpg

ŞƏRH YAZ
0

Dərbənddə Nizami Gəncəvinin abidəsinə xətər yetirildi — FOTO

Dərbənddə Nizami Gəncəvinin abidəsinə xətər yetirildi
14:07
21.11.2017
184
Mədəniyyət
A
"Dərbənddə şair Nizami Gəncəvinin abidəsinə xətər yetirilib. Şəhər meriyası təhlükəsizlik tələblərimizə cavab vermir".

"Ölkə.Az" xəbər verir ki, bunu Report-un Rusiya bürosuna açıqlamasında Dərbənd şəhərindəki Azərbaycan diasporunun rəhbəri Telman Hacəliyev deyib.

Onun sözlərinə görə, naməlum şəxslər şairin heykəlinin baş barmağını sındırıb və abidə ətrafındakı parkı pis vəziyyətə salıblar.

"Ağaclar kökü ilə qarışıq torpaqdan çıxarılıb, qazon tapdanıb. Müvafiq tədbirlərin görülməsi və vandalların cəzalandırılması üçün hüquq-mühafizə orqanlarına və meriyaya müraciət etmişik", - T.Hacəliyev bildirib.

Onun sözlərinə görə, bu, ilk belə hadisə deyil.

"2015-ci ilin yanvar ayında abidəni yandırmışdılar. Dağıstanın keçmiş rəhbəri Ramazan Abdulatipovun göstərişi ilə abidə bərpa edildi, onun ətrafında isə abadlıq işləri həyata keçirildi. Amma park ərazisində müşahidə kameraları quraşdırılmadı və buna görə də də belə əməli törədənlər məsuliyyətdən qaçmağı bacarır. Ümid edirəm ki, bu dəfə problemə daha ciddi yanaşacaqlar və cinayətkarlar yaxalanacaq", - diaspor rəhbəri vurğulayıb.

ŞƏRH YAZ
0
BAĞLA