Bakı məktəbində müəllim vərəmə yoluxub — RƏSMİ

Bakı məktəbində müəllim vərəmə yoluxub
18:27
14.02.2018
2024
Ölkə
A
Bakı şəhəri, 23 saylı tam orta məktəb bu təhsill qurumunda çalışan müəllimdə vərəm xəstəliyinin aşkarlanması ilə əlaqədar məlumat yayıb.

Məktəbdən “Ölkə.Az”a daxil olan məlumatda bildirilib ki, həmin təhsil müəssisəsinin müəllimi Q.Balayeva (ad və soyad şərtidir) ötən ilin dekabrın 26-dan “kəskin respirator xəstəliyi” diaqnozu ilə işə gəlmir: “Fevralın 9-da Nəsimi rayon Gigiyena və Epidemiologiya Mərkəzi tərəfindən 23 nömrəli tam orta məktəbə göndərilən məktubda Q.Balayevada “sağ ağciyərin vərəmi” diaqnozunun təsdiq edildiyi qeyd olunub. Dərhal Səhiyyə Nazirliyinin qurumları tərəfindən təhsil müəssisəsinin pedaqoji heyətinin və şagirdlərin müvafiq müayinəsi, həmçinin profilaktik tədbirlər həyata keçirilib və bu iş davam etməkdədir. Ötən il dekabrın 26-dan bu günə qədər şagird və müəllimlər arasında heç bir xəstəlik əlaməti aşkar olunmayıb”.

ŞƏRH YAZ
1

Deputat Azay Quliyev bu gün seçicilərini qəbul edib — FOTOLAR

Deputat Azay Quliyev bu gün seçicilərini qəbul edib
20:26
Bu gün
754
Ölkə
A
Milli Məclisin deputatı Azay Quliyev bu gün seçicilərini qəbul edib.

"Ölkə.Az" xəbər verir ki, deputat seçicilərini ayrılıqda dinləyərək onların problemləri ilə maraqlanıb.

Müraciətlər əsasən məşğulluq, hüquq, əfv, əmlak məsələləri və digər mövzuları əhatə edib.

Azay Quliyev seçicilərini narahat edən məsələləri daim diqqət mərkəzində saxladığını və onların həlli üçün müvafiq addımlar atacağını qeyd edib.

Deputat bildirib ki, seçicilərin ona ünvanlanan müraciətlərini aidiyyatı qurumlara göndərməklə yanaşı həmçinin, onların icra vəziyyətini də daim diqqətdə saxlayır.

Ölkə.Az

ŞƏRH YAZ
0

Aqrar Tədqiqatlar Mərkəzi yaradılacaq — FӘRMAN

Aqrar Tədqiqatlar Mərkəzi yaradılacaq
20:13
Bu gün
649
Ölkə
A
Azərbaycan Prezidenti İlham Əliyev Azərbaycan Respublikası Kənd Təsərrüfatı Nazirliyinin tabeliyində Aqrar Tədqiqatlar Mərkəzinin yaradılması haqqında Fərman imzalayıb.

"Ölkә.Az"ın verdiyi məlumata görə, fərmanda bildirilir ki, aqrar sahədə elmi tədqiqat institutlarının fəaliyyətinin gücləndirilməsi, təhlil, qiymətləndirmə və proqnozlaşdırmanın aparılması, aqrar-sənaye kompleksi üzrə müxtəlif xidmətlərin, o cümlədən dövlət sifarişlərinin yerinə yetirilməsi, kənd təsərrüfatının inkişafı ilə bağlı məlumat bazasının yaradılması, proqram və layihələrin hazırlanması, sahənin strateji planlaşdırılmasının və innovativ inkişafının təmin edilməsi məqsədi ilə Kənd Təsərrüfatı Nazirliyinin tabeliyindəki Kənd Təsərrüfatının İqtisadiyyatı Elmi Tədqiqat İnstitutu (bundan sonra – Elmi Tədqiqat İnstitutu) publik hüquqi şəxs statusu olan Aqrar Tədqiqatlar Mərkəzinə (bundan sonra – Mərkəz) çevrilmə yolu ilə yenidən təşkil edilsin.

Mərkəzin təsisçisinin “Publik hüquqi şəxslər haqqında” Azərbaycan Respublikası Qanununun 8.2-ci maddəsində qeyd edilən səlahiyyətlərini Kənd Təsərrüfatı Nazirliyi həyata keçirəcək.

Kənd Təsərrüfatı Nazirliyi beynəlxalq ekspertlərin Mərkəzin fəaliyyətinə cəlb edilməsini təmin etməli və onun fəaliyyətinin dövlət-özəl sektor tərəfdaşlığı prinsipi əsasında təşkili ilə bağlı tədbirlər görməlidir.

Fərmanla, Mərkəzin nizamnamə fondunun formalaşdırılması üçün Azərbaycan Respublikasının 2018-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 1 milyon manat ayrılıb.

Fərmandan irəli gələn digər qanunvericilik məsələlərinin həlli aidiyyatı dövlət qurumlarına tapşırılıb.

Ölkә.Az

ŞƏRH YAZ
0
BAĞLA