Bakı Metropoliteni gücləndirilmiş iş rejiminə keçir

Bakı Metropoliteni gücləndirilmiş iş rejiminə keçir
11:25
14.06.2018
1435
Ölkə
A
15 İyun – Milli Qurtuluş Günü və Ramazan bayramı münasibətilə ölkədə elan edilmiş 5 qeyri-iş günü ərzində, "Bakı Metropoliteni" QSC gücləndirilmiş iş rejimində çalışacaq.

"Ölkə.Az" quruma istinadən xəbər verir ki, bununla bağlı sədr Zaur Hüseynov əmr imzalayıb. 

Əmrlə bütün struktur vahidlərinin rəhbərlərinin qarşısına konkret vəzifələr qoyulub, həmçinin bayram günlərində əlavə növbətçiliklərin təşkili və zərurət yarandığı halda, ehtiyat qatarların xəttə buraxılması nəzərdə tutulub.

ŞƏRH YAZ
0

Şəkidə reyd keçirilib, 25 sürücü cərimələnib — FOTO + VİDEO

Şəkidə reyd keçirilib, 25 sürücü cərimələnib
21:37
Bu gün
92
Ölkə
A
Şəki rayonunda qaydaları pozan sürücülərə qarşı reyd keçirilib.

"Ölkə.Az" report-a istinadən bildirir ki, Dövlət Avtomobil Nəqliyyatı Xidmətinin Şəki regional şöbəsi və Dövlət Yol Polisi əməkdaşlarının keçirdiyi tədbir sürücülərin əhaliyə xidmətinin şəffaf və yüksək səviyyədə təmin olunması məqsədi daşıyır. 

Belə ki, şəhərdaxili küçələrdə postlar qurulub, yükdaşıma, sərnişindaşıma, taksi fəaliyyəti, qeyri-qanuni sərnişin daşınması ilə məşğul olan sürücülər müəyyənləşdirilib. Reyd zamanı 100-dən çox avtonəqliyyat vasitəsi saxlanılıb, 25 sürücü haqqında isə müvafiq tədbirlər görülüb.

Ölkə.Az

ŞƏRH YAZ
0

Çaylarda suyun səviyyəsi dəyişdi

Çaylarda suyun səviyyəsi dəyişdi
20:28
Bu gün
2434
Ölkə
A
Çaylarda suyun səviyyəsində dəyişiklik qeydə alınıb.

"Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 150-250, Lənkəran-Astara bölgəsi çaylarında isə orta hesabla 130-180 faizini təşkil edir.

Tranzit çaylarda hazırki vəziyyətə gəlincə, dekabrın 10-də Kür çayının Qıraqkəsəmən məntəqəsində suyun səviyyəsində 6 sm artım müşahidə olunub. Hazırda məntəqədə su sərfi 247 m3/s olmaqla ongünlük normanın 157 faizini təşkil edir. 2017-ci ildə isə bu rəqəm 178 m3/s olmaqla ongünlük normanın 113 faizini təşkil edib.

Qanıx çayının Əyriçay məntəqəsində suyun səviyyəsində 6 sm azalma müşahidə olunub. Hazırda məntəqədə su sərfi 94 m3/s olmaqla, ongünlük normanın 122 faizini təşkil edir. 2017-ci ildə isə bu göstərici 41 m3/s təşkil edərək ongünlük normanın 53 faizinə bərabər olub.

Kür çayının aşağı axınında hazırki vəziyyətə gəlincə, dekabrın 10-da Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Şirvan məntəqəsində 2 sm artım, Bankədə 2, Araz çayının Novruzlu məntəqəsində 5 sm azalma qeydə alınıb, lakin Surra məntəqəsində isə suyun səviyyəsində dəyişiklik müşahidə olunmayıb.

Hazırda Surra məntəqəsində suyun səviyyəsi 442 sm (2017-ci il dekabrın 10-da 392 sm), Şirvanda 327 sm (2017-ci il dekabrın 10-da 253 sm), Bankədə 251 sm (2017-ci il dekabrın 10-da 198 sm), Araz çayının Novruzlu məntəqəsində isə 140 sm (2017-ci il dekabrın 10-da 110 sm) təşkil edir.

Ölkə.Az

ŞƏRH YAZ
0
BAĞLA