Bakı metrosunda cinayət — Girişdə gənc oğlanı bıçaqladılar + FOTO

Bakı metrosunda cinayət
09:01
25.09.2017
105
Hadisə
A
Metronun “20 Yanvar” stansiyasının girişində gənc oğlan bıçaqlanıb.

"Ölkə.Az" Report-a istinadla xəbər verir ki, hadisə Yasamal rayonu ərazisində qeydə alınıb.

Belə ki, 1992-ci il təvəllüdlü Müzəffərov Müzəffər Cəllalədin oğlu stansiyanın girişində naməlum şəxs və ya şəxslərlə əlbəyaxa dava edib. Nəticədə ona bir neçə bıçaq zərbəsi vurulub. Yaralı xəstəxanaya yerləşdirilib.

Faktla bağlı Yasamal Rayon Polis İdarəsində araşdırma aparılır.

ŞƏRH YAZ
0

Keçmiş MTN-nin general və polkovnikinin işi apellyasiya baxışına verildi

Keçmiş MTN-nin general və polkovnikinin işi apellyasiya baxışına verildi
17:28
Bu gün
81
Hadisə
A
Ləğv edilmiş Milli Təhlükəsizlik Nazirliyi (MTN) Antiterror Mərkəzinin rəisi, general-mayor Elçin Quliyev və Mərkəzin əməkdaşı, polkovnik Azər Mehdiyevin barələrində çıxarılmış hökmdən verilən apellyasiya şikayəti üzrə məhkəmə prosesi keçirilib.

“Ölkə.Az” məlumat verir ki, bu gün Bakı Apellyasiya Məhkəməsində hakim Sahibxan Mirzəyevin sədrliyi ilə baş tutan prosesdə təqsirləndirilən şəxslərin anket məlumatları yenidən dəqiqləşdirilib.

Məhkəmənin baxışa verilməsi barədə qərar qəbul edilib.

Məhkəmənin baxış iclası fevralın 26-na təyin edilib.

Qeyd edək ki, Elcin Quliyev Bakı Hərbi Məhkəməsində çıxarılan hökmün ləğvini və ona bəraət verilməsini istəyib. O, müsadirə olunması üçün üzərinə həbs qoyulan əmlaklarının da özünə qaytarılmasını tələb edib.

Azər Mehdiyev də apellyasiya şikayətində bəraət istəyib. Bu iş üzrə zərərçəkmişlərdən yalnız iş adamı Maqsud Mahmudov apellyasiya şikayəti verib. O, dəymiş ziyanla bağlı mülki iddianın təmin olunmasını, təqsirləndirilən şəxslərin cəzalarının ağırlaşdırılmasını istəyib. Maqsud Mahmudov Elçin Quliyev və Azər Mehdiyevə qarşı 200 min manata yaxın mülki iddia qaldırıb.
İttihama görə, Elçin Quliyev və Azər Mehdiyev dövlət orqanlarında müxtəlif vəzifələrdə çalışan şəxslərə, iş adamlarına hədə-qorxu gəliblər, onlardan külli miqdarda pul alıblar.

İstintaq sənədlərinə görə, Elçin Quliyev və digər şəxslər MTN polkovniki Malik Mustafayevi intihar həddinə çatdırıblar. Malik Mustafayev xidməti vəzifəsi başında intihar edib. Onun qardaşı Mətləb Mustafayev MTN tərəfindən şərlənərək həbs edilib. Bundan sonra şantaj olunan Malik Mustafayev özünü öldürüb.

Cinayət işi üzrə ümumilikdə 18 nəfər zərərçəkmiş var. Elçin Quliyev və Azər Mehdiyev ittihamlarla razılaşmır, onlar barələrində bəraət hökmünün çıxarılmasını istəyirlər.

Bakı Hərbi Məhkəməsinin hökmü ilə Elçin Quliyev 10 il 6 ay, Azər Mehdiyev isə 8 il azadlıqdan məhrum ediliblər. Hər iki təqsirləndirilən şəxsin rütbədən məhrum edilməsi barədə ölkə prezdentinə təqdimat göndərilməsi haqqında qərar qəbul edib.
Məhkəmə zərərçəkmişlərin mülki iddiasını təmin etməyib.

Elçin Quliyevə qarşı Dövlət Təhlükəsizlik Xidmətinin 7 milyon manatlıq mülki iddiası təmin olunub. Təqsirləndirilən şəxslərin üzərinə həbs qoyulmuş mülklərinin müsadirə olunması barədə də qərar qəbul edilib.

Bu cinayət işi üzrə istintaq 7 milyon 736 min 58 manat ziyan vurulduğu qənaətinə gəlib və DTX bu məbləğin ödənilməsi üçün mülki iddia irəli sürüb. Pulu ödəməli olan şəxs kimi isə general Elçin Quliyev cavabdeh olaraq tanınıb.

Ölkə.Az

ŞƏRH YAZ
0

Gəncədə 65 yaşlı qadının meyiti tapıldı

Gəncədə 65 yaşlı qadının meyiti tapıldı
17:05
Bu gün
114
Hadisə
A
Bu gün FHN-in Böhran Vəziyyətlərində İdarəetmə Mərkəzinə Gəncə şəhəri, Kəpəz rayonunda 1 nəfərin mənzildə bağlı qapı arxasında köməksiz vəziyyətdə qalması barədə müraciət daxil olub.

FHN-in “Ölkə.Az”a verdiyi məlumata görə, hadisə yerinə cəlb olunmuş Gəncə Regional Mərkəzinin müvafiq xilasetmə qüvvələri giriş qapısını açıb. Orada aşkarlanan 1953-cü il təvəllüdlü Yusubova Solmaz İslam qızının meyiti aidiyyəti üzrə təhvil verilib.

Ölkə.Az

ŞƏRH YAZ
0
BAĞLA