Bakı metrosunda qatarda problem yarandı

Bakı metrosunda qatarda problem yarandı
09:39
23.10.2018
2213
Ölkə
A
Bakıda metroda qatarların hərəkətində gecikmə olub.

"Ölkə.Az" xəbər verir ki, bu barədə Trend-ə "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib.

Onun sözlərinə görə, intervalda baş verən gecikməyə səbəb "Neftçilər" stansiyasında qatar dalandan çıxarkən nasazlıq yaranması olub: "Saat 07:50-də "Neftçilər" stansiyasında 38-ci marşrut üzrə hərəkətdə olan, dalandan çıxan qatarda texniki problem yaranıb. Nəticədə qatar xəttə 5 dəqiqədən sonra çıxıb. Bu səbəbdən digər qatarların intervalında 7-9 dəqiqə gecikmə yaranıb".

B.Məmmədov bildirib ki, hazırda qatarların hərəkətində və intervalda heç bir problem yoxdur.

ŞƏRH YAZ
0

Mətbuat işçiləri peşə bayramını qeyd edir

Mətbuat işçiləri peşə bayramını qeyd edir
01:21
Bu gün
1655
Ölkə
A
Bu gün Azərbaycan milli mətbuatının yaranmasından 144 il ötür

“Ölkə.Az” xəbər verir ki, ölkədə ilk mətbu orqanın - əsası Həsən bəy Zərdabi tərəfindən qoyulmuş “Əkinçi” qəzetinin nəşrə başladığı 22 iyul tarixi 1991-ci ildən Azərbaycanda Milli Mətbuat günü kimi qeyd olunur.

“Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” az müddətdə həm ziyalı təbəqə, həm də sadə insanlar arasında çox məşhurlaşıb.

Təsadüfi deyil ki, dövrünün görkəmli ziyalıları və qələm sahibləri qəzetlə əməkdaşlıq edib, müntəzəm məqalələrlə çıxış edibilər. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb.

O vaxtdan müxtəlif tənəzzül və intibah dövrləri keçən Azərbaycan mətbuatı daim cəmiyyətin proseslərə baxışını əks etdirən güzgü rolunu oynayıb. 1998-ci ilin avqustunda senzuranın ləğvi isə Azərbaycanda mətbuatın inkişafına ciddi təkan verib.

Ölkə.Az

ŞƏRH YAZ
0

“Şirməmməd Hüseynov mükafatı” təsis edildi

“Şirməmməd Hüseynov mükafatı” təsis edildi
21:58
21.07.2019
2774
Ölkə
A
Parlament Jurnalistlər Birliyinin (PJB) üzvləri Milli Mətbuatın yaradılmasının 144-cü ildönümü ilə bağlı toplantı keçiriblər.

“Ölkə.Az” xəbər verir ki, toplantıda jurnalistika sahəsində baş verən yeniliklər, xüsusilə yeni medianın üstünlükləri ilə yanaşı mənfilikləri müzakirə olunub.

Müzakirələrdə Şirməmməd Hüseynovun vəfatını mətbuat tariximizin ən böyük itkilərindən biri kimi dəyərləndirilib. Toplantının sonunda “Şirməmməd Hüseynov mükafatı”nın təsis edilməsi barədə qərar qəbul olunub.

Mükafatın Əsasnaməsi yaxın vaxtlarda ictimaiyyətə təqdim olunacaq.

Ölkə.Az

ŞƏRH YAZ
0
BAĞLA