KORONAVİRUSA YOLUXANLARIN SAYI - CANLI STATİSTİKA

Bakı-Naxçıvan-Bakı aviareysinin qrafiki dəyişdirildi

Bakı-Naxçıvan-Bakı aviareysinin qrafiki dəyişdirildi
20:11
26.03.2020
2506
Ölkə
A
Koronavirus infeksiyasının (COVID-19) yayılmasının qarşısını almaq məqsədilə "Azərbaycan Hava Yolları" aviaşirkətinin Bakı-Naxçıvan-Bakı marşrutu üzrə müntəzəm reysləri bu gündən etibarən həftədə bir dəfə cümə axşamları həyata keçiriləcək.

"Ölkə.Az" "Azərbaycan Hava Yolları" aviaşirkətinə istinadən xəbər verir ki, beləliklə, növbəti Bakı-Naxçıvan-Bakı istiqaməti üzrə reys 2 aprel tarixində həyata keçiriləcək. Bakıdan uçuş saat 13:10-da, Naxçıvandan uçuş saat 15:30-da baş tutacaq.

Bundan əlavə, insanların bir yerə sıx toplaşmasının qarşısının alınması məqsədilə "AZAL"-ın aviabilet satış ofisləri bağlı olacaq, Bakıdan Naxçıvan istiqaməti üzrə reysə aviabiletləri "AZAL" aviaşirkətinin saytından əldə edə bilərsiniz (www.azal.az).

Bakıdan Naxçıvana yalnız Naxçıvanda yaşayan sərnişinlər, Naxçıvandan Bakıya yalnız Azərbaycan paytaxtının sakinləri uçub gələ bilərlər.

Uçuşlar 2-ci Terminaldan/ 2-ci Terminala yerinə yetiriləcək. Yalnız adlarına aviabilet əldə edən sərnişinlərin aerovoğzal binasına daxil olmasına icazə verilir. Digər şəxslərin müşayiət edən (qarşılayan/ yola salan) şəxslərin aerovoğzal binasına girişi qadağandır.

"AZAL" aviaşirkəti vətəndaşları ehtiyac olmadan evlərindən çıxmamağa və hava yolu ilə səyahət etməməyə çağırır. Aviaşirkət dünyanın əksər ölkələrinin qarşılaşdığı hazırkı fövqəladə vəziyyətdə daha təmkinli olmağı və görülən tədbirlərə anlayışla yanaşmağı xahiş edir.

Ölkə.Az

ŞƏRH YAZ
0

Kamran Əliyevdən yeni — TƏYİNAT

Kamran Əliyevdən yeni
17:02
Bu gün
461
Ölkə
A
Baş prokurorluqda növbəti kadr dəyişikliyi olub.

"Ölkə.Az"ın məlumatına görə, bu barədə Baş prokuror Kamran Əliyev əmr imzalayıb.

Əmrə əsasən, Ədliyyə polkovnik-leytenantı Qəhrəmanov Şöhrət Qazaxəli oğluna Şəmkir hərbi prokuroru vəzifəsinin icrası həvalə edilib.

ŞƏRH YAZ
0

Sabunçunun icra başçısı operativ qərargahın qoyduğu qaydaları pozur — VİDEOREPORTAJ

Sabunçunun icra başçısı operativ qərargahın qoyduğu qaydaları pozur
16:55
Bu gün
610
Ölkə
A
Bakıda supermarketlərdən birində qanunsuz şəkildə bir neçə şöbənin bağlanması tələb olunub.

"Ölkə.Az" oxu.az xəbər verir ki, bu barədə redaksiyamıza daxil olan məlumatda qeyd edilib.

Söhbət paytaxtın Sabunçu rayonu, Bakıxanov qəsəbəsi, Sakit Qocayev küçəsi 27 C ünvanında yerləşən “Megastore” mağazalar şəbəkəsindən gedir.

Göndərilən məlumatda iddia olunur ki, ötən gün Sabunçu Rayon İcra Hakimiyyətinin başçısı Adil Vəliyevin iştirakı ilə ərazidə reyd keçirilib:

“Ötən gün mağazaya Sabunçu Rayon İcra Hakimiyyətinin başçısı Adil Vəliyev gəlmişdi. Çəkiliş apardılar. Bu zaman bizə qadağa olunduğu halda, nə üçün mağazada oyuncaq, tekstil şöbələrinin işlədiyi sual olundu.

Daha sonra isə həmin şöbələrin lentə alınması və bu şöbələrdə satışın dayandırılması tələb olundu. Bildirildi ki, növbəti dəfə bu məqam müşahidə edilərsə, cərimə tətbiq ediləcək. Bu barədə hüquqşünaslarımıza da məlumat vermişik. Xahiş edirik, məsələnin ictimaiyləşdirilməsinə kömək edəsiniz”.

Şikayət əsasında Baku TV-nin çəkiliş qrupu sözügedən mağazada olub və vəziyyətlə yerindəcə tanış olub.

ŞƏRH YAZ
0
BAĞLA