Bakı polisi paytaxtda kütləvi reydlərə başladı

Bakı polisi paytaxtda kütləvi reydlərə başladı
18:32
25.06.2019
1371
Ölkə
A
Paytaxtda Bakı Şəhər Baş Polis İdarəsi tabeli orqanları ilə birgə cinayətkarlıqla mübarizə, ictimai qaydanın qorunması və ictimai təhlükəsizliyin təmin edilməsi, inzibati hüquqpozmalara qarşı gücləndirilmiş əməliyyat-profilaktik, profilaktik-maarifləndimə tədbirləri keçirir.

Bakı şəhər Baş Polis İdarəsindən "Ölkə.Az" verilən məlumata görə, paytaxtın bütün rayonlarını əhatə edən gücləndilmiş tədbirlərdə hüquq pozuntularının profilaktikası, küçə ticarəti, avara və dilənçiliklə məşğul olma ilə yanaşı, şəhər görkəminə xələl gətirən, antisanitariya, müəyyən olunmayan yerlərdə - səkilərdə, piyada keçidlərində avtomobillərin saxlanılması digər hallarla bağlı qanunvericilik çərçivəsində fəal iş aparılır. 

Paytaxtda nəqliyyat axınının intensiv olduğu yollarda hərəkət iştirakçılarının – sürücü və piyadaların hüquqi maarifləndirilməsi ilə bağlı fərdi söhbətlər aparılır. Söhbətlərdə inzibati xəta tərkibi yaradan hərəkətlərin təkcə qanun pozuntusu yox, həm də insanın həyat və sağlamlığı, maddi ziyana səbəb olan fəsadlar izah olunur. 

Fərdi profilaktik söhbətlərdə yol polisi, ictimai təhlükəsizlik idarə və şöbələrinin, post patrul və digər xidmətlərinin əməkdaşları ilə birgə KİV nümayəndələri iştirak edirlər. Kütləvi tədbirdə əsas məqsəd şəhər sakinlərinin məsuliyyət hissinin artırılması, hüquqi düşüncənin formalaşmasıdır. 

Paytaxt polisinin inzibati ərazisində xidmətin nümunəvi təşkili və aparılması, asayişin, vətəndaşların qanuni mənafelərinin hüquqazidd əməllərdən etibarlı qorunması nəzarətdə saxlanılmaqla, müvafiq tədbirlər davam etdirilir. 

Ölkə.Az

ŞƏRH YAZ
0

Elçin Şıxlı İTV-də

Elçin Şıxlı İTV-də
13:13
Bu gün
102
Ölkə
A
Azərbaycan Jurnalistlər Birliyinin sədri, tanınmış jurnalist Elçin Şıxlı İTV-də fəaliyyətə başlayıb.

“Ölkə.Az” xəbər verir ki,  Elçin Şıxlı  İTV-də “Pressinq” verilişinin aparıcısı vəzifəsinə təyin olunub.

E.Şıxlının aparıcısı olduğu verilişin ilk buraxılışı dünən axşam efirə verilib.
Verilişdə digər jurnalistlərlə yanaşı, “Yeni Nəsil” Jurnalistlər Birliyinin sədri Arif Əliyev də iştirak edib.

Mürtəza
Ölkə.Az

ŞƏRH YAZ
0

Xəzərdə üzən bütün gəmilərə xəbərdarlıq göndərildi

Xəzərdə üzən bütün gəmilərə xəbərdarlıq göndərildi
13:05
Bu gün
402
Ölkə
A
Sentyabrın 22-i günün ikinci yarısına qədər Xəzər dənizi akvatoriyasında gözlənilən küləkli hava şəraiti ilə əlaqədar “Azərbaycan Xəzər Dəniz Gəmiçiliyi” QSC-nin (ASCO) donanmasına aid Xəzərdə üzən bütün gəmilərə xəbərdarlıq göndərilib.

Bu barədə "Ölkə.Az"a qurumun mətbuat xidmətindən məlumat verilib.

Xəbərdarlıqda hava şəraiti ilə əlaqədar gəmilərdə qabaqlayıcı təhlükəsizlik tədbirlərinin görülməsi, gəmilərin qeyd edilən tarixdə təhlükəsiz sığınacaqlara getməsinin təmin olunması bildirilib. Küləkli havanın müşahidə olunacağı tarixlərdə limanlarda və lövbərlərdə dayanan gəmilərin kapitan və baş mexaniklərinə mütləq şəkildə gəmidə olmaları və gəmilərin təhlükəsiz dayanmasını təmin etmələri tapşırılıb.

Ölkə.Az

ŞƏRH YAZ
0
BAĞLA