Bakı-Qazax yolunda yol qəzası — Xəsarət alanlar var

Bakı-Qazax yolunda yol qəzası
14:42
06.12.2017
1661
Hadisə
A
Bakı-Qazax magistral yolunda iki nəfərin xəsarət alması ilə nəticələnən yol qəzası baş verib.

"Ölkə.Az" APA-ya istinadən məlumat verir ki, hadisə yolun Ağstafa rayonu Qırlı kəndi ərazisində qeydə alınıb.
 
Hərəkətdə olan iki avtomobilin toqquşması nəticəsində Qırlı kənd sakinləri, 1971-ci il təvəllüdlü Abbasov Şövqü Sovet oğlu və 1988-ci il təvəllüdlü Məsiyev Sərxan Həkim oğlu müxtəlif bədən xəsarətləri alaraq xəstəxanaya yerləşdiriliblər.
 
Onlara tibbi yardım göstərilib. Vəziyyətlərinin orta ağır olduğu bildirilir.

ŞƏRH YAZ
0

Bakıda polis bölməsinin ərazisində üç top mərmisi tapıldı

Bakıda polis bölməsinin ərazisində üç top mərmisi tapıldı
18:52
Bu gün
249
Hadisə
A
Bakıda polis bölməsinin ərazisində üç boş top mərmisi tapılıb.

Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, aprelin 20-də saat 13:10-da Fövqəladə Hallar Nazirliyinin Böhran Vəziyyətlərində İdarəetmə mərkəzindən Agentliyə Bakı şəhəri, Nərimanov rayonu, M.Nərimanov küçəsi 1 ünvanında mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu dərhal həmin əraziyə göndərilib.

Agentliyin mütəxəssisləri tərəfindən yuxarıda adı qeyd olunan rayonun 17-ci polis bölməsinin inzibati ərazisinə baxış keçirilib, aparılan təcili təxirəsalınmaz operativ əməliyyat axtarış tədbirləri nəticəsində 3 ədəd boş top mərmisi (1 ədəd 100 mm-lik OF-412, 1 ədəd 122 mm-lik S-463 və 1 ədəd 122 mm-lik OF-530) aşkar olunub, götürülərək Agentliyin mərkəzi məhvetmə ərazisinə daşınıb.

Aşkar olunan mərmilərin ətrafında 100 kv.m əraziyə yerüstü baxış keçirilib, bundan əlavə təhlükəli əşya və qurğu aşkar edilməyib.

ŞƏRH YAZ
0

Bakıda metronun deposundan əl qumbarası tapıldı

Bakıda metronun deposundan əl qumbarası tapıldı
18:22
Bu gün
198
Hadisə
A
Bakıda metronun deposundan əl qumbarası tapılıb.

Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, aprelin 20-də saat 12:39-da Daxili İşlər Nazirliyinin ″102″ Xidməti-Zəng mərkəzi sistemindən və saat 12:54-də Fövqəladə Hallar Nazirliyinin Böhran Vəziyyətlərində İdarəetmə Mərkəzindən Agentliyə Bakı şəhəri, Nərimanov rayonu ərazisində əl qumbarasının tapılması barədə məlumatlar daxil olub.

Məlumatlara əsasən Agentliyin xüsusi mobil çevik əməliyyat qrupu dərhal həmin əraziyə göndərilib.

Agentliyin mütəxəssisləri tərəfindən yuxarıda adı qeyd olunmuş ərazidə ″Bakı Metropolteni″ QSC-nin N.Nərimanov adına Elektrik deposunun ərazisinə baxış keçirilib, aparılan təcili təxirəsalınmaz operativ əməliyyat axtarış tədbirləri nəticəsində 1 ədəd F-1 əl qumbarası aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Aşkar olunmuş əl qumbarasının ətrafında 500 kv.m əraziyə yerüstü və 20 kv.m əraziyə yeraltı baxış keçirilib, bundan əlavə təhlükəli əşya və qurğu aşkar edilməyib.

ŞƏRH YAZ
0
BAĞLA