Bakı sakini özünü 4-cü mərtəbədən atmaq istədi

Bakı sakini özünü 4-cü mərtəbədən atmaq istədi
00:07
17.12.2017
1264
Hadisə
A
Bakıda intihara cəhd hadisəsi baş verib.

Ölkə.Az FHN-nin saytına istinadən bildirir ki, Bakı şəhərinin Xətai rayonunda 1 nəfər qadın yaşadığı 9 mərtəbəli binanın 4-cü mərtəbəsindəki mənzilin eyvanına çıxaraq intihar etmək istəyini nümayiş etdirib.

Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub. Xilasedicilər tərəfindən hadisə yerində müvafiq təhlükəsizlik tədbirləri görülüb.

Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb. Əməliyyat başa çatıb.

ŞƏRH YAZ
2

Salyanda kişi meyiti tapıldı

Salyanda kişi meyiti tapıldı
11:17
Bu gün
44
Hadisə
A
Salyanda meyit tapılıb.

"Ölkə.Az" Report-a istinadən xəbər verir ki, kişi meyiti bu gün səhər saatlarında şəhərin Ağa Mirbağırağa küçəsində aşkar edilib.

Hadisə yerinə hüquq-mühafizə orqanlarının əməkdaşları cəlb olunub. Meyit daxili və xarici müayinə üçün Məhkəmə Tibbi Ekspertiza və Patoloji Anatomiya Birliyinin Salyan rayon şöbəsinə aparılıb. Cəsədin şəhər sakini Emin Rzayevə məxsus olduğu bildirilir.

Faktla bağlı araşdırma aparılır.

ŞƏRH YAZ
0

Bakıda ana evdən qaçdı — Uşaqları gözü yaşlı qaldı/VİDEO

Bakıda ana evdən qaçdı
11:03
Bu gün
79
Hadisə
A
Bakıda iki uşaq anası 4 gündür ki, yoxa çıxıb.

"Ölkə.Az" Xəzərxəbər-ə məlumatına görə, itkin düşən İlahə Əsədovanın övladları-7 yaşlı Fuad və onun lal-kar qardaşı 6 yaşlı Allahverdi hər gün anasının yolunu gözləyir. Uşaqlar anaları ilə bağlı nəsə eşidəndə göz yaşlarına hakim ola bilmirlər.

İki uşaq anasından günlərdi ki, xəbər yoxdur. Paytaxtın Zaqulba qəsəbəsində yaşayan İlahə Əsədova 4 gündür ki, övladlarını və həyat yoldaşını tərk edib.

İlahə Əsədova hara getməsi barədə heç kimə məlumat verməyib. Bir neçə gündür davam edən axtarışlar isə hələ ki, nəticə verməyib. Ata çörək pulunu fəhləlik edərək qazanır. Evdə atasız və anasız qalan azyaşlı uşaqlar isə özləri yemək hazırlamaq məcburiyyətində qalıblar.

Ailənin qohumu, həm də qonşusu olan İsmayıl Xələfov deyir ki, İlahənin həyat yoldaşı Vüsal Əsədov nitq əngəllidir. Onlar ailə qurduqdan bu günə qədər isə heç vaxt problemləri olmayıb.

İlahə Əsədova barəsində Daxili İşlər Nazirliyinin 102 qaynar xəttinə də məlumat verilib. İki uşaq anasından isə hələlik bir xəbər yoxdur.

 

ŞƏRH YAZ
0
BAĞLA