Bakı sakinləri qorxu içində — Sürü ilə gəzirlər, üstümüzə cumurlar - VİDEO

Bakı sakinləri qorxu içində
13:35
11.07.2019
2082
Ölkə
A
Bakı küçələrində sahibsiz heyvanlar sakinləri narahat edir. Küçə itlərinin quduzlaşması, son vaxtlar hətta azyaşlılara hücumu insanların bu narahatlığını daha da artırıb.

"Ölkə.Az" xəbər verir ki, Heydər Əliyev Fondunun və Bakı Şəhər İcra Hakimiyyətinin dəstəyi ilə yaradılmış “Toplan” Sahibsiz İtlərə Qayğı Mərkəzinin hazırladığı videoçarxda paytaxt sakinləri küçə itləri ilə bağlı yaşadıqları problemlərdən bəhs ediblər.

Sakinlər bildirir ki, küçə itlərinin səhərə qədər ulaşması evdə körpələrin yatmasına imkan vermir. Axşam saatlarında uşaqlar həyətdə oynamaq istəsələr də, itlərə görə bayıra çıxa bilmirlər.

“1921 - qaynar xətt”inə edilən zənglərə cavab olaraq tədbirlər görülsə də, ərazidə sahibsiz itlər hələ də çoxdur.

Suraxanı rayon sakinləri də itlərin əlindən tərpənə bilmədiklərini deyir. Uşaqları nə həyətə buraxa, nə də məktəbə rahat göndərə bilirlər.

Bəziləri isə sahibsiz heyvanların hamısının bir məkanda saxlanılmasını, itlərə ziyan vermədən sığınacaqlara yerləşdirilməsini təklif edirlər.

Sakinlər itlərin sürü ilə gəzdiyini, insanların üstünə cumduğunu da bildirirlər.

ŞƏRH YAZ
0

Bu il Avropadan 1285 azərbaycanlı deportasiya olunacaq

Bu il Avropadan 1285 azərbaycanlı deportasiya olunacaq
01:46
Bu gün
890
Ölkə
A
Bu il Avropadan 1285 azərbaycanlının deportasiya olunacağı gözlənilir.

"Ölkə.Az" xəbər verir ki, bu barədə Dövlət Miqrasiya Xidmətinin rəisi Vüsal Hüseynov Real TV-yə müsahibəsində bildirib.

O deyib ki, bu ilin sonuna qədər Avropadan Azərbaycana 1000 nəfərdən çox şəxs deportasiya olunacaq. Artıq ilkin razılaşma əldə olunub.

Ölkə.Az

ŞƏRH YAZ
0

Şəki sakini Oğuzda qətl törətdi

Şəki sakini Oğuzda qətl törətdi
00:17
Bu gün
1590
Ölkə
A
Oğuz rayonunda qətl hadisəsi törətməkdə təqsirli bilinən Elnur Məmmədovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəmsinə göndərilib.

Cinayət işi hakim Rəşid Hüseynovun icraatına verilib.

Məhkəmə hazırlıq iclası dekabr ayının 2-nə təyin olunub.

Qeyd edək ki, hadisə rayonun Bucaq kəndində qeydə alınıb.

Oğuz rayon Bucaq kənd sakini, 1974-cü il təvəllüdlü Siyavuş Nurəddin oğlu İslamovla Şəki rayon sakini Elnur Məmmədov arasında şəxsi münasibətlər zəminində mübahisə düşüb. Mübahisə zamanı E. Məmmədov S. İslamovu döş qəfəsindən bıçaqlayıb. S. İslamov aldığı xəsarətlərdən hadisə yerində ölüb.

Cinayəti törətməkdə şübhəli sayılan E. Məmmədov saxlanılıb.

Natiq Allahverdiyev
Ölkə.Az

 

ŞƏRH YAZ
0
BAĞLA