Bakı-Şamaxı yolunda yeni sürüşmə — Süxurlar yola tökülüb

Bakı-Şamaxı yolunda yeni sürüşmə
20:54
12.09.2017
286
Ölkə
A
Bakı-Şamaxı avtomobil yolunun 106-111-ci km-də uçqun, çökmə, axıntı tipli sürüşmə prosesi baş verib.

Ölkə.Az bildirir ki, bunu Trend-ə Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib.

Onun sözlərinə görə, sürüşmənin məhsulları yola tökülüb.

Ə.Qaralov qeyd edib ki, bundan başqa, Şamaxı rayonunda bir necə il əvvəl inşa olunan Çuxuryurd-Qızmeydan yolunun 2-4-cü km-də sürüşmə sahəsində aktivlik müşahidə edilir.

Ə.Qaralov əlavə edib ki, Bakı-Ağsu magistral yolunun 132-156-cı km-də yenə də lokal tipli müəyyən çökmələr, torpaq uçqunları baş verib: "Bu yollardakı sürüşmə əraziləri yeni əmələ gəlməyib. Burada zaman-zaman həmişə sürüşmələr baş verir".

ŞƏRH YAZ
0

Şəhid ailələrinə 11 min manat nə vaxt ödəniləcək? — VİDEO

Şəhid ailələrinə 11 min manat nə vaxt ödəniləcək?
00:40
Bu gün
5655
Ölkə
A
Şəhid vərəsələrinə birdəfəlik ödənişin edilməsi üçün tam şəffaf sistem yaradılıb. Buna hüququ çatanlar təkcə notariusa müraciət etməklə yardımı ala biləcək.

"Ölkə.Az" xəbər verir ki, bu barədə Xəzər TV-yə əmək və əhalinin sosial müdafiəsi nazirinin müavini İlqar Rəhimov məlumat verib.

Azərbaycan prezidentin fərmanı ilə 1997-ci il avqustun 2-dək ölkəmizin ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların siyahısı Səfərbərlik və Hərbi Xidmətə Çağırış üzrə Dövlət Xidməti, Ədliyyə Nazirliyi və Dövlət Sığorta Kommersiya Şirkətinə təqdim ediləcək. Bu siyahı dəqiqləşdirildikdən sonra Əmək və Əhalinin Sosial Müdafiəsi Nazirliyinin saytında yerləşdiriləcək.

Adı siyahıda qeyd edilən vətəndaşlar hərbi qulluqçunun ölümü haqqında şəhadətnamə, şəhidin ölmüş elan edilməsi haqqında məhkəmə qərarı, vərəsəlik hüququnu təsdiq edən sənəd və ödənişi almaq üçün bank hesabını təqdim etməklə yardımı ala biləcək. Bu sənədləri daha tez təqdim edənlər, daha tez ödəniş ala biləcəklər.

Qeyd edək ki, ilkin hesablamalara görə, bu vəsait 9 minə yaxın şəhidin vərəsəsinə veriləcək ki, bu da 100 milyon manatdan çox vəsait deməkdir.

Ölkə.Az

ŞƏRH YAZ
0

Alpinistlər həmkarlarının öldüyü yeri ziyarət edib — FOTO

Alpinistlər həmkarlarının öldüyü yeri ziyarət edib
22:34
24.05.2018
7495
Ölkə
A
Bir qrup alpinist Azərbaycan Xalq Cümhuriyyətinin yaranmasının 100 illiyi münasibətilə Böyük Qafqazın ən yüksək dağ zirvələrindən olan Şahdağ zirvəsinə yürüş edib.

"Ölkə.Az" xəbər verir ki, dəniz səviyyəsindən 4242 metr yüksəklikdə yerləşən zirvəyə yürüş “Everest” idman klubunun təşəbbüsü ilə reallaşıb. On beş nəfərlik alpinist qrupunun Şahdağa yürüşü mayın 22-dən başlayıb və iki gün davam edib. Mayın 23-də zirvəyə çatan alpinistlər orada Xalq Cümhuriyyətinin 100 illiyi ilə bağlı poster açıblar.

Yürüşdən əvvəl alpinistlər ötən ilin dekabr ayında itkin düşmüş dağçılar Babur Hüseynov, Fəridə Cəbrayılzadə və Namin Bünyətzadənin qar uçqunu altında qaldığı yeri ziyarət ediblər.

Ölkə.Az

ŞƏRH YAZ
0
BAĞLA