Bakı şəhəri icra başçısı kim olacaq? — VERSİYALAR

Bakı şəhəri icra başçısı kim olacaq?
22:13
22.04.2018
11516
Ölkə
A
21 aprel tarixində Azərbaycan Respublikası Prezidenti İlham Əliyev Nazirlər Kabinetinin yeni tərkibi haqqında sərəncam imzaladı.

“Ölkə.Az” xəbər verir ki, sərəncama əsasən, Bakı şəhər icra başçısı Hacıbala Abutalıbov tutduğu vəzifədən azad edilib. Digər sərəncamla Abutalıbov Baş nazirin müavini təyin edildi.

Hələ ki, Bakı Şəhər icra hakimiyyəti başçısı postu boşdur. Hazırda Bakı Şəhər İcra Hakimiyyətinə faktiki olaraq Fidumə Hüseynova rəhbərlik edir. Məsələ burasındadır ki, Bakı Şəhər İcra Hakimiyyətinin rəhbərliyində 3 vəzifə var - başçı və iki müavin. Amma hazırda başçı və bir müavin vəzifəsi boşdur. 

Görəsən bu vacib posta kim təyin ediləcək.

İstər mətbuatda, istər sosial şəbəkədə bu posta namizədlər arasında adı hallananlardan biri də Sumqayıtın icra başçısı Zakir Fərəcovdur. Əslən Laçından olan Zakir Fərəcov 2015-ci ildən Sumqayıta icra başçısı təyin edilib.

Bu posta iddialı namizədlərdən biri də Nəsimi rayon icra başçısı Asif Əsgərovdur. Karyerasında nazir müavinliyi, Zaqatala və Səbail rayonlarının icra başçılığı olan Əsgərov 2015-ci ildən Nəsimi rayonunun icra başçısıdır.

Adı daha çox hallananlardan biri də Elmar Vəliyevdir. Yevlax Şəhər Sovetinin deputatı kimi karyerasına başlayan Vəliyev Dövlət Gömrük Komitəsində rəis müavini, Yevlax şəhər icra hakimiyyətinin başçısı kimi vəzifələr tutub. 2011-ci ildən Gəncə şəhər icra hakimiyyətinin başçısıdır.

Hikmət Həsənov

Ölkə.Az

ŞƏRH YAZ
1

Lənkəranda tank əleyhinə mina tapılıb

Lənkəranda tank əleyhinə mina tapılıb
19:46
Bu gün
38
Ölkə
A
2018-ci il 20 avqust tarixində saat 07:59-da Fövqəladə Hallar Nazirliyinin Böhran Vəziyyətlərində İdarəetmə mərkəzindən və saat 08:10-da Daxili İşlər Nazirliyinin ″102″ Xidməti-Zəng mərkəzi sistemindən Agentliyə Lənkəran rayonu, dəniz sahili ərazisində 1 ədəd minanın tapılması barədə məlumatlar daxil olub.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, məlumatlara əsasən Agentliyin xüsusi mobil çevik əməliyyat qrupu, Lənkəran rayon Polis şöbəsinin və Sahil Mühafizə xidmətinin əməkdaşları dərhal həmin əraziyə göndərilib.

Agentliyin mütəxəssisləri tərəfindən Daxili İşlər Nazirliyinin Lənkəran rayon Polis şöbəsinin və Dövlət Sərhəd Xidmətinin Sahil Mühafizə xidmətinin əməkdaşları ilə birlikdə yuxarıda adı qeyd olunmuş ərazidə dəniz sahilinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd tank əleyhinə mina (TM-62P3) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Minanın tapıldığı yerin ətrafında 1 500 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

ŞƏRH YAZ
0

Qurban bayramı ilə bağlı yarmarkalar keçiriləcək — SİYAHI

Qurban bayramı ilə bağlı yarmarkalar keçiriləcək
18:02
Bu gün
470
Ölkə
A
Qurban bayramı ilə əlaqədar Kənd Təsərrüfatı Nazirliyinin dəstəyi ilə paytaxt və bölgələrdə iribuynuzlu və xırdabuynuzlu heyvanların satış yarmarkası keçiriləcək.

Nazirlikdən "Ölkə.Az"a verilən məlumata görə, yarmarkalar Qida Təhlükəsizliyi Agentliyinin müəyyən etdiyi məntəqələrdə təşkil olunacaq. Satış yarmarkalarının Bakı şəhərinin 32 nöqtəsində, Gəncə, Neftçala, Lənkəran, Şəki, Şirvan, Quba, Ağdaş, Şamaxı, Göyçay, İsmayıllıda keçirilməsi nəzərdə tutulur.

21-23 avqust tarixlərində keçiriləcək yarmarkalarda ümumilikdə 35 minə yaxın qurbanlıq heyvanın satışa çıxarılması nəzərdə tutulub. Satış üçün nəzərdə tutulan 20 min baş heyvan Kənd Təsərrüfatı Nazirliyi ilə Dövlət Gömrük Komitəsinin iri sahibkarlara tövsiyəsi əsasında qonşu ölkələrdən, əsasən də Gürcüstan Respublikasından gətirilib. Qonşu ölkələrdən xırdabuynuzlu heyvanların gətirilməsində məqsəd bazarda bolluq yaratmaq, qiymətləri sabitləşdirməkdir.

Bundan başqa Kənd Təsərrüfatı Nazirliyinin müraciəti əsasında bölgələrdə fəaliyyət göstərən fermerlər yarmarkalara ümumilikdə 13 min baş heyvan çıxaracaq. Nazirliyin tabeliyində olan təsərrüfatlardan isə yarmarkalara təxminən 1000-1500 baş iri və xırda buynuzlu heyvanlar gətiriləcək.

Qeyd edək ki, Kənd Təsərrüfatı Nazirliyi yanında Dövlət Baytarlıq Xidməti artıq Qida Təhlükəsizliyi Agentliyinin müəyyənləşdirdiyi ət kəsimi və heyvan satışı məntəqələrində profilaktik məqsədlə dezinfeksiya işlərinə başlayıb. Dezinfeksiya işlərinin aparılmasında məqsəd heyvanlar arasında xəstəliklərin yayılmasının qarşısını almaqdır.

Satış yarmarkaları aşağıdakı məntəqələrdə fəaliyyət göstərəcək:

Bakı şəhəri üzrə

Nərimanov rayonu

Əliyar Əliyev küçəsi, 26 (“Bakı Taxıl-2” ASC-yə məxsus heyvan kəsimi məntəqəsi)
Əlyar Əliyev küçəsi, 36a (“Təbriz” KM, Keşlə bazarı)
Təbriz küçəsi ilə Ceyhun Hacıbəyli küçəsinin kəsişməsi (“Qarabağ” mehmanxanasının söküntü sahəsindəki avtomobil dayanacağı)

Suraxanı rayonu

Hövsan-Türkan yolunun sol tərəfində yerləşən ticarət mərkəzinin yanı
Qaraçuxur qəsəbəsi , Yeni Günəşli, “V” massivi

Binəqədi rayonu

Rəsulzadə qəsəbəsi (Binəqədi şosesi)
Biləcəri qəsəbəsi, Xocəsən-Biləcəri-Binəqədi yolu (“Dördyol” adlanan yer)
Binəqədi qəsəbəsi, Gülüstan massivi, döngə 15 (Heyvan bazarının yanı)
Cəfər Xəndan küçəsi, 54, “Oazis” restoranının yanı (“Ət pavilyonu” adlanan ərazi)

Xətai rayonu

Zığ yolu (“Nargilə” adlanan yer və 5 saylı binanın yaxınlığında)

Yasamal rayonu

Yeni Yasamal yaşayış massivi, Dadaş Bünyadzadə küçəsi, 7
Xiyabani küçəsi, 10c
Şərifzadə küçəsi 196, “İdeal” şadlıq sarayının həyəti

Nizami raronu

Mehdi Abbasov və Əli Vəliyev küçələrinin kəsişməsi
Mikayıl Əliyev və Rüstəm Rüstəmov küçələrinin kəsişməsi

Səbail rayonu

20-ci sahə (Badamdar şosesi)
Bayıl bazarı, Gülbala Əliyev küçəsi

Xəzər rayonu

Qala-Pirallahı yolu, “Lambir“ müəssisənin arxası

Qaradağ rayonu

1. Lökbatan qəsəbəsi (“Meyvəli” MMC-nin ərazisi)

Sabunçu rayonu

1. Bakıxanov qəsəbəsi, Fətəliyev küçəsi 72, “Arzu” şadlıq sarayının yanı

2. Sabunçu qəsəbəsi, şəhər şosesi döngə 6, “Sabunçu” mərasim evinin yanı

3. Ramana qəsəbəsi, Şuşa şəhərciyi, “Pətək” marketin yanı

4. Zabrat qəsəbəsi,” Azmeat” MMC

5. Zabrat-Kürdəxanı şosesinin sağ tərəfi

6. Zabrat-Kürdəxanı şosesinin sağ tərəfi, “Araz” marketin yanı

7. Kürdəxanı qəsəbəsi, Hüsü Hacıyev küçəsi 6

8. Maştağa qəsəbəsi “Kanal” marketin yanı

9. Bilgəh qəsəbəsi, Azərbaycan qadını küçəsi

10. Nardaran qəsəbəsi, Axundzadə küçəsi 107

11. Bakıxanov qəsəbəsi, Xəlilbəy Xasməmmədov 24 keçmiş “Sərhan” marketin yanı

Bölgələr

Gəncə şəhəri

Yeni Gəncə qəsəbəsi, 2№-li məktəbin yanı

Neftçala rayonu

Neftçala bazarı, Məhəmməd Əsədov küçəsi
Xili qəsəbəsi
Bankə qəsəbəsi
Həsənabad qəsəbəsi

Şamaxı rayonu

Şamaxı şəhər stadionun yanı

Göyçay rayonu

Rayon ərazisində fəaliyyət göstərən heyvan satışı bazarı (Göyçayın Ağsu tərəfdən girişi)

İsmayıllı rayonu

“Yaşıl market”

Lənkəran şəhəri

Bakı-Astara magistral yolunun 200 kilometrliyində, Lerikə dönən yolun solunda, Şiləvar kəndi ilə üzbəüz.

Ağdaş rayonu

Zeynəddin kəndi, mal bazarı

Quba rayonu

Heydər Əliyev prospekti, “Ət bazarı” deyilən ərazidə

Şirvan rayonu

18 №-li məktəbin həyəti
16№-li məktəbin həyəti

10) Şəki şəhəri

Şəki şəhərinin “Çöl yolu” adlanan ərazisində yerləşən heyvan satışı bazarı

ŞƏRH YAZ
0
BAĞLA