Bakı və Abşeronda təhlükəli vəziyyət — Çökmə və uçqun baş verdi

Bakı və Abşeronda təhlükəli vəziyyət
17:32
19.06.2017
62
Hadisə
A
Ötən həftənin sonu atmosfer yağıntılarından sonra Bakı və Abşeron yarımadasındakı sürüşmə sahələri aktivləşib, bəzi yerlərdə çökmə və uçqun prosesləri baş verib.

"Ölkə.Az" xəbər verir ki, Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov APA-ya deyib ki, Zığ sürüşmə sahəsində çatların ölçülərində genişlənmələr müşahidə olunub. Onun sözlərinə görə, Masazır qəsəbəsində Qır gölünün ətrafında sürüşmə sahəsinin özündə aktivləşmə əmələ gəlib: "Əraziyə baxış zamanı yuxarıda yerləşən təsərrüfat sahələrindən, yaşayış evlərindən təsərrüfat sularının, habelə yağış sularının yamacboyu süzülərək göl istiqamətində yer səthinə çıxışı izlənilir. Bunun da hesabına sürüşmə prosesinin aktivləşməsi müşahidə olunur. Eyni zamanda, ərazidə çökmə prosesi də baş verib".
 
R. Həsənov qeyd edib ki, Masazır qəsəbəsində Zəli gölü deyilən ərazidə sürüşmə prosesinin dinamikasında aktivlik qeydə alınıb: "Torpaq qatında olan çatların genişlənməsi müşahidə olunub, lokal sahələrdə uçqun prosesi baş verib". 

ŞƏRH YAZ
0

Bakıda orta yaşlı kişi bıçaqlanıb

Bakıda orta yaşlı kişi bıçaqlanıb
01:30
Bu gün
516
Hadisə
A
Bakıda bıçaqlanma hadisəsi baş verib.

"Ölkə.Az" "Report"a istinadən xəbər verir ki, hadisə Sabunçu rayonunda qeydə alınıb.

Zabrat qəsəbəsindəki "Madera" mebel evinin arxasında 1987-ci il təvəllüdlü Mirzəyev Ramin Azad oğlu tanıdığı şəxslə əlbəyaxa dava edib. Nəticədə onun qarnının ön divarına iki bıçaq zərbəsi vurulub. Yaralı 3 saylı Kliniki Tibbi Mərkəzə yerləşdirilib.

Faktla bağlı Sabunçu Rayon Polis İdarəsində araşdırma aparılır.

Ölkə.Az

ŞƏRH YAZ
0

Lənkəranda evdə partlayış olub — Xəsarət alan var

Lənkəranda evdə partlayış olub
00:23
Bu gün
790
Hadisə
A
Lənkəranda evdə partlayış olub.

"Ölkə.Az" "Report"a istinadən xəbər verir ki, hadisə Xolmili kəndində baş verib.

Hadisəyə hamam otağında su qızdırıcısı ilə ehtiyatsız davranma səbəb olub. Partlayış nəticəsində ev sahibi, 57 yaşlı Bağırov Sübhan Baloğlan oğlu bütün bədən səthinin 2-ci dərəcəli termik yanığı diaqnozu ilə Lənkəran Rayon Mərkəzi Xəstəxanasına çatdırılıb. 

Ağır yanıq xəsarəti alan yaralının vəziyyəti ağır olduğundan o, reanimasiya şöbəsinə yerləşdirilib.

Ölkə.Az

ŞƏRH YAZ
0
BAĞLA