Bakıda 1 gündə 2 bədbəxt hadisə
Ötən gün 30 yaşlı oğlan ağır bədən xəsarətləri ilə Nizami rayonunda yerləşən 32 saylı xəstəxanaya gətirilib.
“Ölkə.Az”-a verilən xəbərə görə, 1988-ci il təvəllüdlü Qulusoy Təbriz İmaməddin oğlu Ramana qəsəbəsi, Arpaçay idman mərkəzinin yaxınlığından, yaşadığı evin damından yıxılıb. Həkimlərin səylərinə baxmayaraq gəncin həyatını xilas etmək mümkün olmayıb.
Faktla bağlı araşdırmalar aparılır.
Digər bir bədbəxt hadisə isə Nizami rayonunda qeydə alınıb. 1951-ci il təvəllüdlü Bayramova Tamaşa Həsənəli qızı NZS qəsəbəsi, Yavər Səfərov küçəsindəki mənzilində dəm qazından boğularaq ölüb.
Faktla bağlı Nizami rayon prokurorluğunda araşdırmalar aparılır.
