Bakıda 25 nəfər buz üstündə yıxıldı
Bakıda yolların buzlu və sürüşkən olması səbəbindən 25 nəfər yıxılıb.
“Ölkə.Az” xəbər verir ki, hadisə şəhərin müxtəlif ərazilərində qeydə alınıb. Yıxılanlardan 24 nəfəri ciddi xəsarət aldığı üçün xəstəxanalara yerləşdirilib.
Qeyd edək ki, dünən Bakıda yolların buzlu və sürüşkən olması səbəbindən 10 nəfər yıxılıb. Yıxılanlardan 7 nəfəri ciddi xəsarət aldığı üçün xəstəxanalara yerləşdirilib.
Fevral ayının birindən ayın üçünə qədər paytaxtda yolların buzlu olması səbəbindən 200-ə yaxın insan yıxılaraq xəsarət alıb. Fevral ayının birində Bakıda 31 nəfər, ayın ikisində 67 nəfər, üçündə isə 74 nəfər sürüşərək yıxılmışdı.
Ziya Səccad
Ölkə.Az